काठमाडौँ– यू–१९ पुरुष विश्वकप क्रिकेटको एसिया छनोटको अन्तिम तथा निर्णायक खेलमा आज नेपाल र अफगानिस्तान आमनेसामने हुँदैछन्। तल्लो मूलपानी मैदानमा हुने यो खेल बिहान ९:३० बजे सुरु हुनेछ।
खेलको विजेता टोलीले सन् २०२৬ मा जिम्बावे र नामिबियामा आयोजना हुने १९ वर्षमुनिको विश्वकपमा स्थान बनाउनेछ। दुबै टोलीले प्रतियोगितामा हालसम्म खेलेका तीनै खेल जितेका छन्।
नेपालले यूएईलाई ५ रन, ओमानलाई ८ विकेट र हङकङलाई ९ विकेटले पराजित गरेको थियो। अफगानिस्तानले ओमान र हङकङलाई समान ८ विकेटले तथा यूएईलाई १८० रनको फराकिलो अन्तरले हराएको थियो। नेट रनरेटको आधारमा अफगानिस्तान नेपालभन्दा अगाडि छ।
त्यसैले विश्वकपको लागि छनोट हुन नेपाललाई आजको खेल जित्नैपर्नेछ। यदि वर्षाका कारण खेल रद्द भए वा टस नै हुन नसकेमा अफगानिस्तानले लाभ पाउनेछ।
नेपालले यसअघि आठ पटक यू–१९ विश्वकप खेलेको छ – सन् २०००, २००२, २००४, २००६, २००८, २०१२, २०१६ र २०२४ मा।
