धनगढी- सुदूरपश्चिम विश्वविद्यालय अन्तर्गतका आंगिक क्याम्पसहरूमा सम्पन्न स्वतन्त्र विद्यार्थी युनियन (स्ववियु) निर्वाचनको नतिजा सार्वजनिक भएको छ। १५ मध्ये १४ वटा क्याम्पसमा निर्वाचन सम्पन्न भई सबैको नतिजा सार्वजनिक भएको हो ।
कुल १४ क्याम्पसमध्ये ९ क्याम्पसमा नेपाल विद्यार्थी संघ (नेविसंघ) विजयी भएको छ भने ५ क्याम्पसमा अनेरास्ववियूले जित निकालेको छ। माओवादी केन्द्रनिकट अखिल क्रान्तिकारी भने यसपटक कुनै क्याम्पसमा विजयी हुन सकेन।
यसैबीच, विश्वविद्यालयको केन्द्रीय क्याम्पसमा भने निर्वाचन हुन सकेको छैन। एकीकृत समाजवादी निकट अनेरास्ववियू र नेकपा निकट अखिल समाजवादीले संयुक्त रूपमा निर्वाचन संयोजकको कार्यालयमा तालाबन्दी गरेपछि प्रक्रिया रोकिएको हो। उनीहरूले वास्तविक विद्यार्थीहरूलाई मतदानबाट वञ्चित गराउन खोजिएको आरोप लगाउँदै १८ चैतमा उम्मेदवारी दर्ताको अघिल्लो दिन तालाबन्दी गरेका थिए।
सुदूरपश्चिम विश्वविद्यालयको केन्द्रीय क्याम्पस स्थापना भएको डेढ दशक बितिसक्दा पनि अझै स्ववियु निर्वाचन हुन सकेको छैन। यस्तै, विश्वविद्यालयकै आंगिक क्याम्पस जनता क्याम्पस, अछाममा पनि निर्वाचन हुन सकेको छैन।
नेविसंघ विजयी भएका क्याम्पसहरू:
१) दुर्गालक्ष्मी बहुमुखी क्याम्पस, कैलाली – भुवन महरा
२) जगन्नाथ बहुमुखी क्याम्पस, बैतडी – रोशन भट्ट
३) मणिलेक क्याम्पस, बैतडी – मनोजदत्त ओझा
४) त्रिवेणी बहुमुखी क्याम्पस, डडेल्धुरा – प्रकाश अवस्थी
५) दार्चुला बहुमुखी क्याम्पस, दार्चुला – प्रकाश बडू
६) सीताराम बहुमुखी क्याम्पस, डोटी – उमेश बलायर
७) बडीमालिका क्याम्पस, बाजुरा – सविन रावत
८) कैलाली बहुमुखी क्याम्पस, कैलाली – सन्तोष पन्त
९) टीकापुर बहुमुखी क्याम्पस, कैलाली – किरण साउँद
अनेरास्ववियू विजयी भएका क्याम्पसहरू:
१) जयपृथ्वी क्याम्पस, बझाङ – तिलकचन्द्र बोहरा
२) पाटन बहुमुखी क्याम्पस, बैतडी – सञ्जय भण्डारी
३) घण्टेश्वर बहुमुखी क्याम्पस, डोटी – सुरत बोहरा
४) गोकुलेश्वर बहुमुखी क्याम्पस, दार्चुला – सुनिल डागा
५) बाजुरा क्याम्पस, बाजुरा – लक्ष्मण रोकाया
