धनगढीः मंसिर २२ गतेदेखि सुरु भएको सुदूरपश्चिम महोत्सव दर्शकको ठूलो सहभागिता र माग बढ्दै गएपछि चार दिन थप गरी अब पुस ६ गतेसम्म सञ्चालन हुने भएको छ।
महोत्सवका आयोजक कैलाली उद्योग वाणिज्य संघका अध्यक्ष पुस्करराज ओझाले यो जानकारी दिएका छन्।महोत्सवमा सुदूरपश्चिमका स्थानीय उत्पादन, कृषि सामग्री, हस्तकला, घरेलु उद्योगका सामग्री साथै विभिन्न सांस्कृतिक प्रस्तुति प्रदर्शनीमा राखिएका छन्। अवधिभर राष्ट्रिय तथा स्थानीय कलाकारहरूले सांस्कृतिक कार्यक्रम प्रस्तुत गरिरहेका छन् ।
आयोजकले महोत्सवमा सहभागीहरूका लागि सुरक्षाको व्यवस्था थप कडा बनाइएको बताएका छन्।

