Day: २०८२ माघ १९, सोमबार २१:३२

 २०८२ पुष ६, आईतवार १२:१८ धनगढी: धनगढीमा सञ्चालन भइरहेको सुदूरपश्चिम महोत्सव २०८२ आज आईतबार औपचारिक रूपमा समापन गरिँदैछ। मंसिर २२ गतेदेखि सुरु भएको महोत्सव सुरुमा पुष २ गतेसम्म आयोजना गर्ने योजना रहे पनि दर्शकको उल्लेखनीय सहभागिता, बढ्दो चाप र सरोकारवालाहरूको मागलाई मध्यनजर गर्दै आयोजक कैलाली उद्योग वाणिज्य संघले महोत्सवको अवधि ४ दिन थप गरेको थियो। आयोजकले थपिएको अवधि पूरा भएपछि आज महोत्सव समापन गर्ने जानकारी दिएको छ। संघका महासचिव दिनेश लम्सालका अनुसार आज दिउँसो २ बजे समापन कार्यक्रम तय गरिएको छ। उनले महोत्सवको अन्तिम दिन भएकाले दिउँसो २ बजेसम्म विभिन्न सांस्कृतिक प्रस्तुति रहने पनि बताए। २०६३ सालदेखि निरन्तर आयोजना हुँदै आएको सुदूरपश्चिम महोत्सवको यो १९औँ संस्करण हो।...

२०८२ मंसिर २६, शुक्रबार ०७:२१ सुदूरपश्चिम महोत्सव पछिल्ला वर्षहरूमा धनगढीमा नियमित रूपमा आयोजना हुँदै आएको एक महत्वपूर्ण सांस्कृतिक एवं व्यापारिक पर्व बनेको छ। तर यो महोत्सव मनोरञ्जन र व्यापारमा मात्रै सीमित नभई क्षेत्रीयदेखि राष्ट्रिय स्तरका नयाँ प्रतिभा पहिचान गर्ने महत्वपूर्ण मञ्चका रूपमा स्थापित भइसकेको छ। कैलाली उद्योग वाणिज्य संघद्वारा आयोजित यस महोत्सवमा कला–साहित्य, लोक–संस्कृति, आधुनिक नृत्य, नाटक र विविध सांगीतिक प्रस्तुतीमार्फत सुदूरपश्चिमको सांस्कृतिक जीवन्तता झनै बढेको छ। स्थानीय कलाकारहरूले हजारौँ दर्शकसमक्ष आफ्नो कला देखाउने सुनौलो अवसर पाउँदै आएका छन्। विद्यालयस्तरीय नृत्य प्रतियोगिता महोत्सवको मुख्य आकर्षणका रूपमा रहँदै आएको छ। भिन्न–भिन्न समुदायको भेषभूषा र सांस्कृतिक पहिरनमा प्रस्तुत नृत्यहरूले वातावरण झनै रौनकिलो बनाउँदै आएक...

 शनिबार, मङि्सर २७, २०८२ मा प्रकाशित 6Shares धनगढी । कैलाली उद्योग वाणिज्य संघको आयोजना यही मंसिर २२ गतेबाट सुरु भएको सुदूरपश्चिम महोत्सव धनगढीमा जारी छ । महोत्सवको छैटौं दिन आज (शनिबार) राष्ट्रिय तथा स्थानीय कलाकारले प्रस्तुति रहनेछ । महोत्सवमा आज लोकप्रिय गायक प्रकास सपुत,शान्तिश्री परियार, हेमन्ता भट्टराई, भुवन दाहाल, बिष्णु भट्टलगायतका कलाकारको प्रस्तुति रहने कैलाली उद्योग वाणिज्य संघका सचिव तथा सांस्कृतिक संयोजक प्रकाश चन्दले जानकारी दिए । स्थानीय उत्पादन,पर्यटन,संस्कृतिको प्रवर्धन गर्ने उद्देश्यका साथ जारी महोत्सवमा दैनिक हजारौं दर्शकहरुले अवलोकन गर्ने गरेका छन ।...

सुदूरपश्चिम महोत्सवमा आज पल शाह आउँदै  प्रकाशित मितिः २०८२ पुष १, मंगलवार ०८:१९ धनगढी: सुदूरपश्चिम प्रदेशको अस्थायी राजधानी धनगढीमा जारी १९ औं सुदूरपश्चिम महोत्सवले नवौँ दिनमा प्रवेश गर्दै दर्शकको उत्साह अझ बढाएको छ। कैलाली उद्योग वाणिज्य संघको आयोजनामा मंसिर २२ गतेबाट सुरु भएको महोत्सवमा सुरुवाती दिनदेखि नै दैनिक रूपमा दर्शनार्थीको उल्लेख्य भीड देखिएको छ। नवौँ दिन मङ्गलवार विशेष सांस्कृतिक प्रस्तुति तथा मनोरञ्जन कार्यक्रम आयोजना गरिएको छ। महोत्सवमा आज चर्चित अभिनेता पल शाह, लोकप्रिय गायिका विपना थापा, रेखा जोशी, गायक सुनिल नेपाली तथा हास्य कलाकार निसान परियारलगायतको विशेष प्रस्तुति रहने आयोजकले जनाएको छ। विविध सांस्कृतिक कार्यक्रम, स्थानीय उत्पादनको प्रवर्द्धन, व्यापारिक स्टल तथा मनोरञ्जनात्मक गतिविधिले महोत्सवलाई थप आकर्षक बनाएको छ। कलाकारहरूको प्रस्तुतिस...

आइतबार, मङि्सर २८, २०८२ मा प्रकाशित 10Shares धनगढी: कैलालीको उद्योग वाणिज्य संघको आयोजनामा धनगढीमा जारी सुदूरपश्चिम महोत्सवको आज (आइतबार) सातौँ दिन हो । आज पनि राष्ट्रिय तथा स्थानीय कलाकारहरूको आकर्षक सांगीतिक प्रस्तुति रहने छ । आयोजक कैलाली उद्योग वाणिज्य संघका सचिव तथा सांस्कृतिक संयोजक प्रकाश चन्दका अनुसार आजको कार्यक्रममा रचना रिमाल,चक्र बम, गुड्डु ओली, रोहित ढुंगाना,निरज विक, सरस्वती धामी लगायतका कलाकारहरूको प्रस्तुति रहनेछ। कलाकारहरूले आधुनिक, लोक तथा देउडा गीत–संगीतमार्फत दर्शकलाई झुमाउने आयोजकको अपेक्षा छ। हरेक दिन फरक–फरक विधाका कलाकारको प्रस्तुति रहने भएकाले महोत्सव स्थलमा दर्शकको उल्लेख्य उपस्थिति देखिँदै आएको छ। मंसिर २२ गतेदेखि सुरु भएको सुदूरपश्चिम महोत्सव पुस २ गतेसम्म सञ्चालन हुने आयोजकले जनाएको छ।...

धनगढीः मंसिर २२ गतेदेखि सुरु भएको सुदूरपश्चिम महोत्सव दर्शकको ठूलो सहभागिता र माग बढ्दै गएपछि चार दिन थप गरी अब पुस ६ गतेसम्म सञ्चालन हुने भएको छ। महोत्सवका आयोजक कैलाली उद्योग वाणिज्य संघका अध्यक्ष पुस्करराज ओझाले यो जानकारी दिएका छन्। महोत्सवमा सुदूरपश्चिमका स्थानीय उत्पादन, कृषि सामग्री, हस्तकला, घरेलु उद्योगका सामग्री साथै विभिन्न सांस्कृतिक प्रस्तुति प्रदर्शनीमा राखिएका छन्। अवधिभर राष्ट्रिय तथा स्थानीय कलाकारहरूले सांस्कृतिक कार्यक्रम प्रस्तुत गरिरहेका छन् । आयोजकले महोत्सवमा सहभागीहरूका लागि सुरक्षाको व्यवस्था थप कडा बनाइएको बताएका छन्।...

धनगढी, २२ मंसिर /  कैलालीको धनगढीमा १९औँ संस्करणको सुदूरपश्चिम महोत्सव औपचारिक रूपमा सुरु भएको छ। कैलाली उद्योग वाणिज्य संघको आयोजनामा सुरु भएको महोत्सवको उद्घाटन अर्थमन्त्री रामेश्वर खनालले एक कार्यक्रमका बीच गरेका हुन्। उद्घाटन समारोहलाई सम्बोधन गर्दै अर्थमन्त्री खनालले सुदूरपश्चिमको समृद्धिसँग जोडिएका ठूला आयोजना निर्माण र सञ्चालनका विषयमा वर्तमान सरकार सकारात्मक रहेको स्पष्ट पारे। उनले सरकारको मुख्य प्राथमिकता आगामी निर्वाचन सफलतापूर्वक सम्पन्न गर्नु भए पनि त्यससँगै सम्भव भएका विकास निर्माणका कामलाई पनि अघि बढाइने बताए। “हाम्रो मुख्य काम निर्वाचन सफल बनाउन हो, त्यसबाहेक हाम्रो कार्यकालमा गर्न सकिने विकास निर्माणका काम पनि हुन्छन्,” अर्थमन्त्री खनालले भने, “दशरथचन्द स्वास्थ्य विज्ञान विश्वविद्यालय सञ्चालन, दोधारा–चाँदनी सुख्खा बन्दरगाह निर्माणलगायत योजना सरकारको प्राथमिकतामा छन्।” ...