काठमाडौँ– आज भदौ २९ गते राष्ट्रिय बाल दिवस विभिन्न कार्यक्रम सहित मनाइदैँछ ।
बालकालिकामा लगानी,सुनिश्चित भविषयको थालनी” नारासहित बाल दिवस मनाउन लागिएको हो । नेपालले संयुक्त राष्ट्रसंघको बालअधिकार महासन्धि २०४७ भदौ २९ गते अनुमोदन गरेको थियो र त्यस अनुरूप २०६३ सालदेखि राष्ट्रिय बाल दिवस मनाउन थालेको हो।
संविधानले बालबालिकाको हकलाई मौलिक हकको रूपमा सुनिश्चित गरेको छ भने सरकारले बाल अधिकारसम्बन्धी नीति र कानुन कार्यान्वयन गर्दै आएको छ। राष्ट्रपति रामचन्द्र पौडेलले बालबालिकाका शिक्षा, स्वास्थ्य, सुरक्षा र विकासमा आवश्यक लगानी सुनिश्चित गर्ने आशा व्यक्त गरेका छन्।
