काठमाडौँ- राष्ट्रिय परीक्षा बोर्डले कक्षा १२ को नतिजा सार्वजनिक गरेको छ। बोर्डको केहीबेरअघि सम्पन्न बैठकले नतिजा सार्वजनिक गर्ने निर्णय गरेको हो।
बोर्डका अनुसार परीक्षामा ६१.१७ प्रतिशत विद्यार्थी उत्तीर्ण भएका छन् भने ३८.८३ प्रतिशत विद्यार्थी ननग्रेड (NG) भएका छन्।
यसैबीच, ग्रेडवृद्धि परीक्षा आगामी भदौ २८ र २९ गते सञ्चालन हुने बोर्डले जनाएको छ।
कक्षा १२ को वार्षिक परीक्षा वैशाख १४ गतेदेखि शुरू भई २६ गते सम्पन्न भएको थियो। नियमिततर्फ एक लाख ९६ हजार ९१४ छात्रा र एक लाख ९३ हजार ९३३ छात्र गरी कुल तीन लाख ९० हजार ८४७ विद्यार्थी सहभागी भएका थिए।
परीक्षाको नतिजा राष्ट्रिय परीक्षा बोर्डको वेबसाइट result.neb.gov.np वा neb.gov.np साथै नेपाल टेलिकमको वेबसाइट neb.ntc.net.np मार्फत हेर्न सकिन्छ। यस्तै, NEB Symbol No. टाइप गरी नेपाल टेलिकमको १६०० नम्बरमा SMS पठाएर पनि नतिजा प्राप्त गर्न सकिन्छ।
