तेस्रो कमल स्मृति कपको उपाधि बौनाली टाइगरलाई

बझाङ- बझाङको बित्थडचिर गाउँपालिकामा सम्पन्न तेस्रो कमल स्मृति कपको उपाधी बौनाली टाइगरले जितेको छ । कमल स्मृति क्लबको आयोजना तथा वडा नम्बर ४ को मुख्य प्रायोजनमा शनिबार सम्पन्न प्रतियोगिताको उपाधि बौनाली टाइगरले जितेको हो ।
प्रतियोगिताको उपविजेता चिरासैनी युवा क्लब र तेस्रो मष्टा भवानी युवा क्लब भएको छ ।
प्रतियोगिताको विजेता बौनाली टाइगरले ४५ हजार ५ सय रुपैयाँ, उपविजेता चिराशैनी युवा क्लबले २७ हजार ३ सय रुपैयाँ र तेस्रो हुने मष्टा भवानी युवा क्लबले नगद १६ हजार ३८० रुपैयाँ ट्रफी र प्रमाणपत्र प्राप्त गरेका छन् ।
प्रतियोगिता विजेता टिमहरूलाई बित्थडचिर गाउँपालिका उपाध्यक्ष धनलक्ष्मी मल्ल, नेकपा एमाले बित्थडचिर गाउँपालिका कमिटी अध्यक्ष दिपेन्द्र बोहराले पुरस्कार तथा प्रमाणपत्र वितरण गरेका थिए ।
पुरस्कार प्राप्त गरेपछि चिराशैनी युवा क्लबका अध्यक्ष कलक धामीले कमल स्मृति अक्षकोष स्थापनाका लागि नगद तीन हजार क्लबका अध्यक्ष दानबहादुर बोहरालाई हस्तान्तरण गरेका छन् ।
बिहीबार देखी सुरु भएको प्रतियोगितामा १६ टिमको सहभागिता रहेको थियो ।
यस्तै प्रतियोगितामा डेउडा सर्जकहरुलाई नगद १५ हजार रुपैयाँले सम्मान गरिएको छ ।