कैलाली, पुस २१
जिल्ला प्रहरी कार्यालय कैलाली र मातहतका टोलीहरूले विभिन्न स्थानबाट रु. ३,८६,८८० बराबरको भन्सार छली सामान बरामद गरेका छन्।
कैलारी गाउँपालिका वडा नं. ४, के गाउँबाट
प्रहरीले छिद्रा माछा, किराना सामग्री र सुर्तिजन्य पदार्थसहित रु. २,०१,००० बराबरको मालसामान बरामद गरेको छ।
धनगढी उपमहानगरपालिका वडा नं. ९, त्रिवेणीघाट र धनगढी गाउँबाट
फलामको साङ्ला, किराना सामग्री र पाउडर दूधसहित रु. १,२२,५८० बराबरको मालसामान फेला पारिएको छ।
जोशीपुर गाउँपालिका वडा नं. १ बाट
छिद्रा माछा, जुत्ता, चप्पल र मोजासहित रु. २०,००० बराबरको सामान बरामद गरिएको छ।
बरामद गरिएका यी सबै सामानहरू बेवारिसे अवस्थामा फेला परेका थिए। प्रहरीले हाल सामानलाई आवश्यक कारबाहीका लागि भन्सार कार्यालयमा पठाउने प्रक्रिया अघि बढाएको जनाएको छ।
प्रहरीले भन्सार छली र अवैध व्यापार रोक्न थप निगरानी र सक्रियता बढाएको बताएको छ।
