खेल क्षेत्रमा प्रसारण अधिकार किनेर प्रतियोगिता ब्रोडकास्ट गरिनुपर्ने हो । यसले आयोजकलाई मात्र नभएर विज्ञापनदाताहरुलाई र मिडियालाई पनि प्रोफेसनल बनाउन मद्दत गर्छ । तर ठूलो धनराशि खर्च गरेर भारतीय टिभि च्यानल Star लाई ब्रोडकास्ट गर्न दिनु भनेको किड्नी बेचेर iphone किन्नु जस्तै मात्र हो । क्षणिक मनोरन्जन र आत्मसन्तुष्टिको लागि सुन्दर फोटोहरु र सुन्दर भिडियोहरु त देखिएला तर त्यसले नेपाली क्रिकेटको स्वास्थ्यलाई भने ठूलो हानि गर्नेछ ।
कार्यक्रम Production को लागि छुट्टै कम्पनी र ब्रोडकास्टको लागि Star भन्ने अहिलेको मीडिया रिपोर्टहरू जस्तै हो भने झन् यो त घरमा आगो लगाएर आगो तापेको जस्तो मात्र हुनेछ । Production गरिएको उक्त प्रतियोगितालाई नेपाली ब्रोडकास्टरहरुले त झन् पैसा तिरेर नै खरिद गर्न तयार हुनेछन् जसले गर्दा आर्थिक नोक्सानी होइन आर्थिक लाभको स्थितिमा क्यान पुग्नेछ ।
मुख्य कुरा दर्शकले क्वालिटी खोजेका हुन् र क्यानले क्वालिटी मात्र दिए पुग्छ कुनै विदेशी च्यानल को आवश्यकता पर्दैन भन्ने हामीले महिला भलिवल र पछिल्लो साफ महिला फुटबल प्रतियोगिताहरूमा नेपाली दर्शकहरुको टिभि र YouTube को तथ्याङ्गले प्रस्ट हुन्छ ।
Star Network नै सबैकुरा हो भन्ने नै चेतना हो भने यहाँहरुलाई शुभकामना बाहेक केही दिन सकिएन । तर Star लाई दिने ठूलो रकम ग्रासरुट मा खर्च गर्ने हो भने तपाईंले बनाउँदै गर्नुभएको सुनको धाराबाट भविष्यमा उत्कृष्ट क्वालिटी को पानी आउनेछ । अन्यथा दुःख साथ भन्नुपर्छ, कृपया माफ गर्नुहोला तर प्रिय क्यान तपाईंहरुले बनाउँदै गर्नुभएको सुनको धारामा ढल बग्दैछ जुन राम्रो संकेत पक्कै होइन ।
