जनप्रतिनिधि र कर्मचारी सेवाप्रवाह प्रभावित हुने गरि रारा भ्रमणमा

मङ्गलसेन नगरपालिका वडानम्वर १ का जनप्रतिनिधि र कर्मचारी सेवाप्रवाह प्रभावित हुने गरि रारा भ्रमणमा छन ।
वडा अध्यक्ष लाेकराज नाथ र वडा सचिव शिद्दराज ढुंगाना सहित जनप्रतिनिधि र कर्मचारीहरुकाे टाेली रारा सहित कर्णाली प्रदेशका पर्यटकीय क्षेत्रमा रमाउन गएकाे हाे ।
तिहार बिदापछी कार्यालय खुलेको दिन कार्तिक २० गतेदेखि वडाका जिम्मेवार व्यक्ति कार्यालयमा नहुदा सेवाग्राहीलाई सास्ती भएको छ । बिदामा घर आएकाहरु नागरिकता सिफारिस र जन्मदर्ता लगायतका सेवा लिन वडा कार्यालमा जाँदा सेवा नपाएर फर्किने गरेका छन ।
वडा कार्यालय नै खाली हुने गरि वडाका कर्मचारी र जनप्रतिनिधि घुम्न जाँदा यता वडाका जनताले भने दु:ख पाएका छन ।
वडा सचिव र वडा अध्यक्षले आफ्नो अनुपस्थितिमा अन्य व्यक्तिलाई जिम्मेवारी दिएर सेवा प्रभावित नहुने गरि जानुपर्नेमा त्यस्तो समेत गरेकाे पाईएन ।
कार्तिक २०, २१ र २३ गते अफिस खुल्ने दिन हाे, यी दिनमा वडाको काम नहुदा धेरै स्थानीयकाे कर्मक्षेत्र जाने साईत समेत प्रभावित भएको छ ।
भ्रमण टाेलिमा वडा अध्यक्ष लाेक राज नाथ सहित सचिव शिद्द राज ढुंगाना, कृषि, पशु र सिभिल तर्फका प्राविधिकहरु समेत संगै रहेका छन ।
वडामा नागरिकता सिफारिस र जन्मदर्ता लगायतका कामका लागि गएर पनि काम नहुदा स्थानीय युवाहरु आक्राेसित भएका छन ।