बझाङ : नेपाली जनताले बैकल्पिक राजनीतिक शक्तिको खोेजी गरिरहेको बेला नेपाली राजनीतिलाई तरंगित बनाउँदै नयाँ बैकल्पिक राजनीतिक शक्तिको रुपमा उदय भएको राष्ट्रिय मातृभूमि पार्टि पहिलो पटक चुनावी मैदानमा उत्रिएको छ । निर्वाचन आयोगमा दर्ता भएका नेपाल आमा पार्टी, नयाँ पार्टी नेपाल र नेपाल सुशासन पार्टी बीच एकीकरण भई मिति २०८०÷११÷२३ गते ‘राष्ट्रिय मातृभूमि’ पार्टीको स्थापना भएको थियो
नव निर्मित राष्ट्रिय मातृभूमि पार्टीले राष्ट्रियता, जनतन्त्र, सुशासन, समृद्धि र नेपालवादलाई आफ्नो मार्ग निर्देशक सिद्धान्तका रुपमा अंगिकार गरेको पार्टीका उपमहासचिव एवं सुदूरपश्चिम प्रदेश संयोजक लक्ष्मीदत्त भट्टले बताउनुभयो । उहाँका अनुसार पार्टीले राष्ट्रिय अखण्डताको संरक्षण एवं सम्वद्र्धन, जनता नै जनार्दन, भ्रष्टाचारमा शुन्यसहनशीलताको नीति लिएको छ ।
नेपालको स्वतन्त्रता, सार्वभोमिकता, भौगोलिक अखण्डता, स्वाधीनता र राष्ट्रिय एकतालाई सवल र सुद्रढ बनाउँदै मानव र अध्यात्मिकताको आदर्शको अवलम्वनका साथ मौलिक संस्कृति, नेपाली समाजको उत्तरोत्तर संवद्र्धन, विकास र उन्नयनको श्रीबृद्धि गर्दै नागरिकलाई जन्मजन्मान्तरसम्म स्वास्थ्य, खुशी र सुखी बनाउने पार्टीको सिद्धान्त नेपालबाद रहेको उपमहासचिव भट्टले बताउनुभयो । राष्ट्रिय अर्थतन्त्रलाई आत्मनिर्भर, स्वतन्त्र, उन्नतशिल, समृद्ध एवं समन्यायिक बनाउने र सार्वभौमिकता, समानता एवं पञ्चशीलका आधारमा अन्तर्राष्ट्रिय सम्बन्ध कायम गरी विश्वमा राष्ट्रिय सम्मान अभिवृद्धि गर्ने पार्टीको उद्देश्य रहेको बताइएको छ ।
बझाङ उपनिर्वाचनका उम्मेदवार गजेन्द्र थापा को हुन् ?
वि.सं.२०३० साल जेठ ४ गते बझाङको खप्तडछान्ना गाउँपालिका वडा नम्बर २ लामातोलामा जन्मनु भएका गजेन्द्र बहादुर थापा कानुन व्यवसायी हुनुहुन्छ । उहाँले प्राथामिक शिक्षा लामातोला माविबाट कक्षा ७ सम्म, खप्तड मावि कालुखेती एस.एल.सी, डोटी बहुमुखी क्याम्पस, सिलगढीबाट प्रविणता प्रमाणपत्र तह, नेपाल ल क्याम्पस काठमाडौंबाट कानुनमा स्नातक र पाटन संयुक्त क्याम्पस,ललितपुरबाट समाजशास्त्रमा स्नातकोत्तर गर्नुभएको थियो ।
वि.सं.२०५२ सालदेखि बझाङी राजा एवं मानवतावादी दर्शनका प्रतिपादक जयपृथ्वी बहादुर सिंहको दर्शनको प्रचारप्रसार अभियान्ता रहनुभएकाथापा वि.सं. २०५४ सालमा स्थानिय चुनावबाट लामातोला गाविसको वडा सदस्य निर्वाचित भएर काम गर्नुभयो । वि.सं.२०५५ सालमा सामाजिक विकास समुह मार्फत स्थानिय जनप्रतिनिधिको नेतृत्व क्षमता विकासमा काम गर्नुभयो । वि.सं.२०६० मा माओवादी द्धन्द्धबाट विस्थापित भएपनि समुदायको सुविधा र कल्याणको लागि पाटिपौवा, चौतारा, धार्मिक मठमन्दिर निमार्णमा सहयोग, स्थानिय हाटबजारको सुरुवात, स्थानिय समस्या समाधान तथा जाँगरणको लागि सांस्कृतिक कार्यक्रम, देउडा गित मार्फत सचेतना कार्यक्रम गर्नुभयो ।
वि.सं.२०६० देखि २०६४ सम्म समग्र सुदूरपश्चिम क्षेत्रको आमूल रुपान्तरणको लागि सुदूरपश्चिम हकहित संरक्षण मञ्च र पश्चिम नेपाल स्वायत्त परिषदमा रहेर काम गर्दै बझाङी समाज काठमाडौंको सहसचिव बन्नुभयो ।
वि.सं.२०६३ मा सभापति भई बझाङको भुवाभस्सो खेलको काठमाडौंमा सुरुवात गरी बझाङीहरु बिच आपसी एकता, सद्भाव र भातृत्व विकासमा सक्रिय रहेर २०६४ सालमा संविधान सभाको निर्वाचनमा बझाङ क्षेत्र नम्बर १ को उम्मेदवार बन्नुभयो । यस्तै वि.सं.२०७२ सालमा देशभरिका कानुन व्यवसायीहरुको छाता संस्था नेपाल बार एसोसियनमा महाचिव बन्नुभएकोमा वि.सं.२०७५ सालमा अध्यक्ष पदमा प्रत्यासि रहनुभएको थियो ।
थापाको उम्मेदवारी किन ?
राजनितिमा कुनै पनि प्रकारको व्यक्तिगत स्वार्थ नराखी बझाङी जनता र जिल्लाको उज्यालो भविष्य र सुरक्षाको एकमात्र लक्ष्य हृदयमा राखेर आफ्नो उम्मेदवारी रहेको थापाको भनाई छ । उहाँले आफु बझाङ प्रदेश सभा क्षेत्र नम्बर १ को उपनिर्वाचनमा निर्वाचित भएपछि राज्यबाट प्राप्त हुने पारिश्रमिक र सुविधा पनि नलिएर जनताको कल्याणको लागि कोष खडा गर्ने बताउनुभएकोे छ ।
थप एजेन्डाहरु……
बझाङ्गी–बझाङ्गी बिचको कुराजनीतिक संस्कारले मानव मानव बिचको छुवाछुत, भेद्भाव, दमन, अन्याय, अत्याचार र शोषणको गहिरो खाल्डोलाई मानवतावादको दर्शनले पुर्ने जिम्मेवारी लिने ।
बझाङको आर्थिक समृद्धिको आधारशीलाको रूपमा रहेको भाँगोखेतीलाई वैधता दिन पहल कदमी लिने ।
जिल्लामा रहेका हिमालीचुचुराहरू, तालकुण्डहरू, प्रमुख धार्मिक–सांस्कृतिक स्थलहरू, नदीनाला झरनाहरूको संरक्षण, संवर्द्धन र प्रचार प्रसारद्वारा जिल्लालाई विशेष पर्यटकीय क्षेत्रको रूपमा विकास गरी जनताले प्रत्यक्ष अनुभूति गर्ने गरी जनताको रोजगारी, उत्पादन, विनिमय, आयआर्जन र जीवनस्तर अभिवृद्धिको अनुपम विकासको मोडेल कार्यान्वयनमा ल्याउन पहलकदमी लिने ।
बझाङ जोड्ने हवाई उडानलाई नियमित, भरपर्दो र व्यवस्थित बनाई चैनपुर – ताक्लाकोट व्यापारिक नाकालाई नियमित रूपमा संचालनमा ल्याई ताक्लाकोट–मानसरोवर तीर्थाटनको प्रवर्द्धन गर्ने ।
स्थानीय कृषि उत्पादनलाई दैनिक बजारीकरणमा सहजीकरण गर्न ग्रामीण बस्ती बस्ती बिच कम्तीमा दुई पांग्रे सवारी साधन संचालनकालागि उपयुक्त सडक सुनिश्चित गर्ने । एक गा.पा. एक प्राविधिक विद्यालय स्थापना गर्दै प्राथमिक तहमा स्थानीय मातृभाषामा पठनपाठन गराउने तथा स्थानीय भाषा, संस्कृति, सभ्यता, संस्कार, रीतिरिवाज र धरोहरको जगेर्ना गर्ने ।
स्थानीय भौतिक पूर्वाधार, कृषि, उद्योग, व्यवसाय, शिक्षा, स्वास्थ्य, खानेपानीको विकास गर्ने । कमजोर आर्थिक, सामाजिक अवस्था र पिछडिएका वर्ग समुदायमा समान अवसर र पहुँच पुर्याउन जनताले महसुस गर्ने गरी राज्यसंयन्त्रसँग समन्वय, संलग्नता र सहायताको लागि निरन्तर पहल गर्ने ।
भूक्षय, बाढीपहिरो, डढेलो आदि नियन्त्रण गर्न वातावरण तथा पर्यावरण संरक्षणमा जोड दिने । खनिज, जल, जमिन, जंगल, जीवजन्तु, जडीबुटी र जनशक्तिको पहिचान गरी तिनलाई रोजगारी र आयआर्जनसँग जोडी स्थानीय अर्थतन्त्रको रूपान्तरण गर्ने ।
प्राकृतिक तथा दैवी प्रकोपको जोखिममा रहेका मानवबस्तीको पहिचान गरी एकीकृत, सुव्यवस्थित तथा सुरक्षित स्थानमा बस्ती स्थानान्तरण गरी मानवीय विकास र कल्याणमा टेवा पुयाउने ।
आध्यात्मिकता र मानवतावादको विकास गर्न आवश्यक पहल गरी स्थानीय स्तरमा हुने गरेका झगडा, वादविवादको निरूपण गर्न निःशल्क कानूनी परामर्श तथा मध्यस्थता सेवाको सहजीकरण गर्ने ।
यसैबिच आफुले बझाङी जनताको सुख दुखमा साथ दिदै पार्टिको सिद्धान्तलाई निष्ठा र दृढताका साथ पालना गरेर अघि बढ्ने संकल्प गरेको र यही दृढ संकल्पका साथ यहिँ वैशाख १५ मा हुने बझाङ प्रदेशसभा उपनिर्वाचनमा उम्मेदवारी दिएको उहाँको भनाई छ ।
