सन् २०२३ : विश्व परिदृश्यमा कठिन वर्ष
काठमाडौं - अव्यवस्थाका शक्तिहरू बलियो हुँदै जाँदा यो वर्ष विश्व परिदृश्यमा एक कठिन वर्ष भएको छ ।
पुराना युद्धहरू जारी छन् भने यो वर्ष केही नयाँ मुलुकले पनि युद्धको सामना गर्नुपरेको छ । भू–राजनीतिक प्रतिस्पर्धा बढ्दै जाँदा प्रतिद्वन्द्वी राष्ट्र प्रमुखहरूबीचको बैठक पहिलो पृष्ठको समाचार बन्यो ।
यद्यपि उनीहरूको वार्ताले थोरै ठोस प्रगति हासिल गर्यो । समग्रमा भन्ने हो भने, सुसमाचारको अभाव भएको छ ।
अन्तरिक्षसम्बन्धी नयाँ कीर्तिमान राख्ने दौड
यो वर्ष अन्तरिक्ष दौड तातेको देखियो । विश्वका शक्ति राष्ट्रहरूले र कम्पनीहरूले अन्तरिक्षमा नयाँ नयाँ रेकर्ड कायम गर्नेतर्फ आफ्नो आँखा लगाएका छन् । दौडमा बाजी जित्ने होड चलिरहेको छ । विश्वका सत्तरी देशहरूमा अन्तरिक्ष अध्ययनसम्बन्धी निकाय स्थपना भएका छन् भने सोह्र देशले अन्तरिक्षमा यान प्रक्षेपण गर्न सक्छन् ।
अन्तरिक्ष दौडमा यो बर्...
