विभागिय मन्त्रीलाई अश्लिल गाली बेईज्जती गर्ने र मातहतका कार्यालयबाट घुस रकम आएको आफैले भिडियो मार्फत बोलेपछि विवादमा तानिएका सुदूरपश्चिमको वन निर्देशनालयका तत्कालीन निर्देशक कृष्ण भट्टलाई मन्त्रालय तानिएको छ ।
विभागीय मन्त्रीलाई गालीगलौज गरेको र मातहतका जिल्लाका वन कार्यालयबाट अवैध रकम असुली गरेको भिडिओ सार्वजनिक भएका वन निर्देशक भट्टलाई मन्त्रालय तानिएको हो । केही समयअघि भट्टले आफूले आफैंलाई भ्रष्ट करार गर्नेगरी जिल्लाका वन कार्यालयबाट पैसा उठाएको कुरा बोक्दै गरेको भिडिओ नै सार्वजनिक भएको थियो ।
जबकी उनलाई कसैले आरोप नभई स्वयम आफैले मातहतका कार्यालयबाट रकम आएको आउन बाँकी रहेको विषय आफ्नै मुखबाट खुलासा गरेका थिए ।
वन मन्त्रालयका निमित्त प्रमुुख जनक पाध्यायले भट्टलाई विभागीय कारवाहीका लागि स्पष्टिकरण माग्दै मन्त्रालय तानिएको पुष्टि गरेका छन ।
वन मन्त्रालयले भट्टले डिभिजन वन कार्यालयबाट रकम उठाउने गरेको कुरा बोलेको भिडिओ र अडियोका सम्बन्धमा समेत छानविन भइरहेको जनाएको छ। यस्तै, भट्टको सम्बन्धमा छानबिन गर्न गठित प्रदेशसभाको सार्वजनिक लेखा उपसमितिले पनि उनीसँग सोधपुछ गरेको छ।
तर सोधपुछमा भट्टले अडियो र भिडियोमा भएको आवाज आफ्नो नभएको भन्दै इन्कारी बयान दिएका छन । उक्त अडियोको ल्याब परीक्षणका लागि उनले इन्कार गरेका छन । जबकी अरुले नै बोलेको भए उक्त भिडियो बारे आफुले ल्याब परीक्षण गर्न किन ? डराउनुपर्ने भन्दै उनीमाथि नैतिक प्रशन उठेको छ ।
सार्वजनिक लेखा उपसमितिले भने भट्टमाथि छानबिन सकेर प्रतिवेदन लेख्ने काम भइरहेको जनाएको छ। उता अख्तियार दुरुपयोग अनुसन्धान आयोगले पनि भट्टमाथि छानबिन थालेको छ।
अख्तियारको कार्यालयले भट्टले मातहतका डिभिजन वन कार्यालयबाट रकम तोेकेरै उठाएको बताएको भिडिओ सार्वजनिक भएपछि भट्टमाथि छानबिन अघि बढाइएको जनाएको छ। अख्तियार महेन्द्रनगरका प्रमुख आशमान तामाङले भट्टमाथि छानबिन भइरहेको जानकारी बताए । यसरी मातहतका कार्यालयबाट रकम लिएको विषय आफैले बोलेपछि अब अख्तियारले भ्रष्ट कर्मचारीलाई बचाउने वा कार्बाही गर्नेमा कसरी जाने बारेमा नागरिकले चासोका रुपमा हेरेको बुझिन्छ ।
नेपाली कांग्रेस निकट मानिने भट्टको निमित्त निर्देशक बन्ने चाहाना पूूरा गर्न मुख्यमन्त्री कमलबहादुुर शाह र भौतिक पूर्वाधार विकास मन्त्री प्रकाश देउवाको जोडबलमा तत्तकालिन हेमराज विष्टको मन्त्रालयमा सरुवा गरिएको थियो। विष्टको सरुवा भएपनि उनी अहिले वन निर्देशनालयको निर्देशककै रुपमा काम गरिरहेका छन ।
यसरी खुलेयाम सार्वजनिक पद धारण गरेका भट्टले मन्त्रीलाई गालीबेईजती गर्नेदेखि मातहतका कार्यालयमा रकम अशुल्ने गरेको धन्दामा अख्तियारदेखि राजनीतिक तथा प्रशासनिक उच्च निकास आफ्नै गल्तीमुठ्ठीमा भएको र उनीहरुलाई किनिदिने धने घुर्की लगाउन थालेपछि सच्चा राष्ट्रसेवक कर्मचारी लज्जित भएका छन ।
भ्रष्टाचार गरेको आफैले स्वीकार गर्दा समेत भट्टले फेरी वन निर्देशक भएर सुपको वन फडानीदेखि काठ तस्करसंग मिलेर वन सखाप पार्ने, प्रदेश सरकारकै बेईजती गर्ने जस्ता काममा लिप्त हुँदा समेत प्रदेश सरकार नै भ्रष्ट कर्मचारीलाई फेरी वनकै बागडोर दिए सिङ्गो उपभोक्ता प्रदेश सरकार बिरुद्धमा जाने चेतावनी दिएका छन । संरक्षणकर्मीले यसरी मातहतका कार्यालयबाट अवैध रकम अशुल्नेबाट वन सरक्षण नहुने चिन्ता व्यक्त गरेका छन ।
