हाम्रो बारेमा

धनगढी - धनगढीको केएमसीमा जनसंख्या शिक्षामा परियोजना कार्य तथा गोष्ठी सम्पन्न भएको छ । बुधबार बीएड चौथो वर्षमा अध्ययनरत विद्यार्थीको आयोजनामा गरिएको उक्त तीन दिने परियोजना कार्य तथा गोष्ठी कैलाली बहुमुखी क्याम्पसको सेमिनारमा हलमा सम्पन्न भएको हो । उक्त गोष्ठी क्याम्पसमा फागुन २७ गतेदेखि २९ गतेसम्म सञ्चालन भएको हो । कार्यक्रममा बीएड चौथो वर्षमा अध्ययनरत विद्यार्थीहरुले तयार पारेको प्रतिबेदनलाई विभिन्न समूहमा बिभाजन गरि तीन दिनसम्म प्रस्तुत गरिएको कार्यक्रमका संयोजक तथा बीएड चौथो वर्षमा अध्ययनरत विद्यार्थी रोहित महताले बताए । जनसङख्या विषय विशेषज्ञ महेन्द्रराज जोशीले सेमिनार आयोजना गर्नुको उद्देश्य प्रस्तुत गर्दै तीन दिने सेमिनार अन्तक्रिर्यात्मक भएको र प्रत्येक समूहको समिक्षा पनि गरिएको बताए । हरेक समूहको प्रस्तुति अत्यन्तै राम्रो भएको उनले बताएका छन् । विद्यार्थीको आत्मविश्वास द...

रुपाल - होली पर्वका अवसरमा डडेल्धुराको भागेश्वर गाउँपालिका-१, रुपाल, पनिउटमा रहेको शिव मन्दिर रंगरोगन गरिने भएको छ । रुपालको पनिउटका समाजसेवी प्रेम प्रसाद भट्टको सहकार्यमा चन्दा संकलन गरि उक्त शिव मन्दिर रंगरोगन गरिने भएको हो । होली पर्वमा मन्दिरलाई आकर्षक एवम् सुन्दर बनाउने र नयाँ पुस्तालाई पनि मन्दिर प्रति आकर्षण बढाउने उद्देश्यले शिव मन्दिर रंगरोगन गरिन लागिएको समाजसेवी प्रेम प्रसाद भट्टले बताएका छन् । गाउँघरमा रहेका ऐतिहासिक सम्पदाहरुको महत्त्वलाई जगाउनका लागि उक्त शुभ कार्यमा सबैले आफू सक्दो सहयोग गरिदिन समाजसेवी भट्टले आग्रह गरेका छन् । सहयोगका लागि PREM PRASAD BHATTA को नाममा Manjushree Finance Limited मा रहेको खाता नम्बर 005000014610 मा सहयोग रमक पठाउँन सकिने अथवा 9848542934 मा सम्पर्क गर्न सकिने उनले बताएका छन् ।  सहयोगका लागि 'QR' पनि उपलब्ध गरिएको छ ।...

धनगढी - सोमबार अपरान्ह्र कैलालीको चिसापानीस्थित कर्णाली पुलमा आगलागी भएको छ । पुलको बर्दिया राष्ट्रिय निकुञ्जतर्फको राखिएको ट्रकमा आगलागी भएर पुलका तारहरुमा पनि आगो सल्किएको छ । घटनाको विस्तृत विवरण भने आउन बाँकी रहेको छ ।

धनगढी - कैलालीको धनगढी उपमहानगरपालिका–८ धनगढी गाउँमा कुटपिटबाट एक व्यक्तिको मृत्यु भएको छ ।  जिल्ला प्रहरी कार्यालयका अनुसार धनगढी गाउँ बस्ने वर्ष ३५ का महेश रानाको ज्यान गएको हो । मृतकमाथि सोही गाउँमा गएराति कुटपिट भएको बताइएको छ । कुटपिटपछि घर गएर सुतेका राना बिहान अचेत जस्तो देखिएपछि परिवारले अस्पताल पुर्‍याउँदा उपचारको क्रममा ज्यान गएको जिल्ला प्रहरी कार्यालयका प्रवक्ता एवम् प्रहरी नायब उपरीक्षक कुलदीप चन्दले बताए । उनका अनुसार कुटपिट घटनामा संलग्न रहेको आरोपमा प्रहरीले महिला पुरुष गरेर केही व्यक्तिलाई नियन्त्रणमा लिएको छ । यसैगरी, कुटपिट भएको घरलाई सिल गरेर अनुसन्धान गर्ने कार्य भइरहेको छ । राति अर्काको घरमा गएको रानामाथि के कति कारणले कुटपिट भएको हो भन्ने विषयमा अनुसन्धान भइरहेको चन्दले बताए । उनले अनुसन्धानपछिमात्रै घटनाबारे सबैकुरा यकिन थाहा हुने उल्लेख गरेका छन् ।...

धनगढी – शेर्पा समुदायले आज आफ्नो साँस्कृतिक पर्व ग्याल्पो ल्होसार मनाउँदैछन् ।  हरेक वर्ष फागुन शुक्ल प्रतिपदाका दिन नयाँ वर्षका रुपमा शेर्पा समुदायले ग्याल्पो ल्होसार मनाउने गर्छन् ।  मुसा, गाई, बाघ, खरायो, ड्रागन, सर्प, घोडा, भेडा, बाँदर, चरा, कुकुर र बराह गरी १२ वर्गमा ग्याल्पो ल्होसारलाई विभाजन गरिएको छ । यो पर्व फागुन शुक्ल प्रतिपदादेखि पूर्णिमासम्म विभिन्न कार्यक्रम आयोजना गरी भव्यरुपमा मनाइन्छ । ग्याल्पो ल्होसार भोटका नवौँ राजा उदे गुङ्ग्यालका पालादेखि वसन्त पर्वका नामले मनाउन शुरु गरिएको हो । पहिले हिमाली क्षेत्रका १२ जिल्लामा मनाइने ग्याल्पो ल्होसार अहिले २२ जिल्लामा मनाइन्छ । शेर्पा जातिको बसाइँसराइसँगै यो पर्व मनाउने जिल्ला बढेको हो ।  यसअघि पुष १५ मा गुरुङ समुदायले तमु र माघ शुक्ल प्रतिपदाका दिन तामाङ समुदायले सोनाम ल्होसार पर्व मनाइसकेका छन् ।...

बैतडी - कुनै बेला सामाजिक न्याय-अन्याय छुट्याउने थलोका रूपमा रहेको बैतडीको कुल्लेककोट दरबार संरक्षण नहुँदा यहाँ रहेका ऐतिहासिक शिलालेख र मूर्तिहरू डाँडामा अलपत्र परेका छन् ।  कोट भत्केर ढुङ्गा छरपस्ट भएका छन् भने नजिकै रहेको कुवा पुरिन थालेको छ। दशरथचन्द नगरपालिका–४, देवलहाट नजिकैको अग्लो डाँडामा रहेको कुल्लेककोट दरबार बाह्रौँ शताब्दीअघि निर्माण भएको अभिलेख भेटिन्छन्।  दशरथचन्द नगरपालिका–४, कुल्लेककोटबाट दक्षिणतिर ग्वाल्लेक धुरा (अग्लो डाँडा)मा धज्या ढुङ्गा रहेको छ। तत्कालीन समयमा गाउँमा आक्रमण गर्न कटक पसे सो धज्या ढुङ्गाबाट कुल्लेककोट दरबारमा स्थानीय भाषामा ‘धदिउन्या’ (चर्को स्वर निकालेर जानकारी गराउने) चलन रहेको स्थानीयवासीले बताएका छन्।  ग्वाल्लेक क्षेत्रमा अहिले पनि धज्या ढुङ्गालाई अन्यायका बेला बोल्ने ढुङ्गाका रूपमा पूजा हुने गरेको स्थानीय हरिदत्त जोशीले बताउ...

काठमाडौं - उपप्रधानमन्त्री तथा गृहमन्त्री रवि लामिछानेले प्रहरी प्रधान कार्यालयको निरीक्षण गरेका छन् ।  गृहमन्त्री लामिछानेले राजनीतिक हस्तक्षेपका कारण सङ्गठन र त्यसको नेतृत्वले वृत्ति विकासको सुनिश्चितता गर्न नसक्दा सरुवा–बढुवाका लागि समेत शक्तिकेन्द्र धाउनुपर्ने विद्यमान अवस्था रहको बताए । त्यसको आफूले अन्त्य गर्ने उनले बताए । “कर्मचारी सरुवा–बढुवाका लागि कतै धाउनु नपर्ने अवस्था बनाउन नीति र विधि आवश्यक पर्छ । त्यसको योजना बनाएर ल्याउनुस्, कसरी–के गर्नुपर्छ, म गर्नेछु” मन्त्री लामिछानेले भने । कार्यक्रममा प्रहरी महानिरीक्षक वसन्त कुँवरले उपप्रधान एवं गृहमन्त्री रवि लामिछानेलाई प्रहरीको साङ्गठनिक संरचना, जनशक्ति परिचालन, समस्या र चुनौतीबारे जानकारी गराए ।...

काठमाडौं - नेपाली राष्ट्रिय फुटबल टिमले मलेसियासँग मैत्रीपूर्ण फुटबल खेल खेल्ने भएको छ । फिफा विश्वकप र एएफसी एसियन कपको संयुक्त छनोट अन्तर्गत दोस्रो चरणमा बहराइनसँग दुई खेल खेल्नुअघि नेपालले मलेसियासँग मैत्रीपूर्ण खेल खेल्न लागेको हो । मैत्रीपूर्ण खेल यही मार्च १५ अर्थात चैत २ गते मलेसियामा हुने एन्फा महासचिव किरण राईले जानकारी दिए । त्यसका लागि नेपाली टोली मार्च १३ मा मलेसिया जानेछ । मुख्य प्रशिक्षक भिनसेन्जो अल्बर्टो एनेसको प्रशिक्षणमा नेपाली टोलीले विश्वकप छनोटको खेलका लागि तयारी गरिरहेको छ । छनोट दोस्रो चरणमा समूह एचमा रहेको नेपालले मार्च २१ र २६ मा बहराइनसँग होम र अवे म्याच खेल्ने तालिका थियो । तर नेपालको घरेलु मैदान दशरथ रंगशालमा अन्तर्राष्ट्रिय खेल खेलाउन लायक नभएपछि नेपालले बहराइनसँग घरेलु मैदानमा खेल्न नपाउने भएको छ । उक्त खेल अब न्युट्रल भेन्युमा हुनेछ र खेल कहाँ ...