हाम्रो बारेमा

धनगढी - धादिङ गजुरीस्थित गलौदीमा बस दुर्घटना हुँदा पाँच जनाको मृत्यु भएको छ । रुपन्देहीबाट काठमाडौं आउँदै गरेको बस त्रिशूलीमा खस्दा ६ जनाको मृत्यु भएको गजुरीका प्रहरी नायव उपरीक्षक (डीएसपी) मदन कुँवरले जानकारी दिए । सिद्धार्थ यातायातको लु२ख २१२१ नम्बरको बस बिहान ४:४१ बजे सडकबाट करिब १०० मिटर तल त्रिशूलीमा खसेको हो । बसमा कति जना यात्रु सवार थिए भन्ने खुलिसकेको छैन ।  दुर्घटनास्थलबाट ३८ जनाको उद्धार गरिएको जिल्ला प्रहरी कार्यालय धादिङका प्रवक्ता डीएसपी सन्तु जैसवालले जानकारी दिए । उद्धार गरिएकाहरूलाई नजिकैका स्वास्थ्य संस्थामा उपचारका लागि पठाइएको छ । उद्धार कार्य जारी रहेको र थप विवरण आउन बाँकी रहेको प्रहरीले जनाएको छ । दुर्घटनास्थलमा सशस्त्र प्रहरीको गोताखोर टोलीले उद्धारका गरिरहेको छ । प्रहरीले बसका चालकलाई नियन्त्रणमा लिएको छ ।...

विराटनगर - विराटनगरमा सुरू भएको कोशी प्रदेश नेशनल टी २० च्याम्पियनसिपमा घरेलु टोली र सुदूरपश्चिम प्रदेशले विजयी सुरुवात गरेका छन् । मंगबार बैजनाथपूरको गिरिजाप्रसाद कोइराला रङशालामा सम्पन्न दोस्रो खेलमा सुदूरपश्चिमले गण्डकी प्रदेशलाई ४० रनले पराजित गर्दै सुखद सुरूआत गरेको हो । पहिलो खेलमा घरेलु टोली कोशी प्रदेशले कर्णाली प्रदेशलाई पराजित गरेको थियो । टस जितेर ब्याटिङ गरेको सुदूरपश्चिमले निर्धारित २० ओभरमा २ विकेट गुमाउदै १ सय ७२ रनको योगफल तयार पारेको थियो । सुदूरका लागि नरेन भट्टले अविजित ६२, किरण ठगुन्नाले अविजित ५३ रन बनाएका थिए । त्यसैगरी, ओपनर खडक बोहराले ४१ रन बनाए। गण्डकीका लागि अमृत गुरूङ र सन्दिप क्षेत्रीले समान एक विकेट लिए । लक्ष्य पछ्याएको गण्डकीको टोली १७ दशमलव ४ ओभरमा १ सय ३२ रनमा समेटियो । उद्घाटन खेलमा कोशीले कर्णाली प्रदेशलाई ३८ रनले पराजित गर्याे । टस जितेर ब्य...

धनगढी - एलन मस्कले नौ महिनापछि विश्वको सबैभन्दा धनाढ्य व्यक्तिको ताज गुमाएका छन् ।  सोमबार टेस्लाको शेयरमा भारी गिरावट आएर मस्कको सम्पत्ति घट्दा उनलाई पछि पारेर जेफ बेजोस धनाढ्य व्यक्ति बनेका हुन् । ब्लुमबर्ग बिलिनियर इन्डेक्सका अनुसार सोमबार टेस्ला इन्कको शेयर ७.२ प्रतिशतले झरेको थियो । टेस्लाको शेयर घट्दा मस्कको सम्पत्ति एकैदिन १७.६ अर्ब डलरले घटी १९८ अर्ब डलर पुगेको छ । जबकि अमेजनका संस्थापक बेजोसको सम्पत्ति २०० अर्ब डलर रहेको छ । यसअघि सन् २०२१ मा बेजोस संसारको सबैभन्दा धनाढ्य व्यक्ति बनेका थिए । कुनै समय मस्कको सम्पत्ति बेजोसको भन्दा १४२ अर्बले बढी थियो । पछिल्लो समय अमेजनको शेयर बढ्दै गइरहेकाे छ भने टेस्लाको शेयर घटिरहेकाे छ । कोभिड महामारी फैलिएदेखि अनलाइन शपिङको अवधारणा बढ्दै गएपछि अमेजनको शेयर तीव्र गतिमा बढेको थियो ।  मस्कलाई विश्वकै सबैभन्दा धनाढ्य व्यक्ति...

धनगढी - सुदूरपश्चिम प्रदेशका मुख्यमन्त्री कमलबहादुर शाहले माओवादीबाट मन्त्री बनेकाहरुलाई बर्खास्त गरेका छन्। मुख्यमन्त्री शाहले प्रदेश सरकारमा रहेका नेकपा माओवादी केन्द्रका दुई जना मन्त्री र राज्यमन्त्रीलाई बर्खास्त गरेका हुन्।  केन्द्रमा कांग्रेस–माओवादीको गठबन्धन भंग भएर एमालेसहितको नयाँ गठबन्धन बनेपछि काँग्रेस संसदीय दलका नेता एवं मुख्यमन्त्री कमलबहादुर शाहले उनीहरूलाई बर्खास्त गरेका हुन्। शाहले उद्योग पयर्टन वन तथा वातावरण मन्त्री रमेशसिंह धामी, सामाजिक विकासमन्त्री झपट साउँद र राज्यमन्त्री गितादेवी माललाई मंगलबार बर्खास्त गरेका हुन्।  तर शाहले नेकपा (एकीकृत समाजवादी) र नागरिक उन्मुक्ति पार्टीका मन्त्रीलाई भने कायम राखेका छन्। सुदूरपश्चिम प्रदेशमा नेपाली कांग्रेसका १८, माओवादी केन्द्रका ११, एमालेका १०, नाउपाका ७, नेकपा (एकीकृत समाजवादी) का ४, राप्रपा एक र स्वतन्त्...

धनगढी - नयाँ सत्ता साझेदार दल राष्ट्रिय स्वतन्त्र पार्टी (रास्वपा)ले गृहसहित ४ मन्त्रालय दाबी गरेको छ । गृह मन्त्रालयलाई बटमलाइन बनाएर न्युनतम ४ मन्त्रालयमा दाबी रहने पार्टी उपसभापति स्वर्णिम वाग्लेले बताए । गृहमा अरु कसैको दाबी भए पनि रास्वपाले नछाड्ने उपसभापति वाग्लेले बताए । उक्त मन्त्रालयको नेतृत्व सभापति रवि लामिछानेले नै गर्ने उनको भनाइ छ । ‘एमालेको दाबी होला तर गृह त हामी छोड्दैनौं । गृह त हाम्रो बटम लाइन नै हो,’ उनले भने,  ‘यत्रो मूल्य चुकाएर पुराना पार्टीमा जानु छ । गृह नै पाइएन भने त औचित्य नै हुँदैन ।’ मन्त्रालय भागबन्डाका लागि सत्ता गठबन्धन दलहरूको बैठक आज दिउँसो बस्दैछ ।  बैठकमा रास्वपाबाट वाग्ले नै सहभागी हुनेछन् । सोमबार नयाँ गठबन्धनसहित विस्तार भएको मन्त्रिपरिषद्मा रास्वपाबाट डिपी अर्याल मन्त्री बनिसकेका छने । मन्त्रालयको जिम्मेवारी भने तोकिएको छैन ...

धनगढी - पुरानो गठबन्धन भत्केर केन्द्रमा नयाँ सत्ता गठबन्धन बनेपछि सुदूरपश्चिम प्रदेशमा उथलपुथल भएको छ ।  माओवादीले नयाँ गठबन्धन बनाएपछि सरकार फेरबदल हुने सम्भावना बढेको छ । केन्द्रमा नेकपा (एमाले), नेकपा (माओवादी केन्द्र), राष्ट्रिय स्वतन्त्र पार्टी, जनता समाजवादी पार्टीको नयाँ गठबन्धन बनेको छ ।  नयाँ गठबन्धनका कारण मुख्यमन्त्री कमलबहादुर शाह अप्ठ्यारोमा परेका छन् । तत्कालीन मुख्यमन्त्री नेकपा (एमाले) का राजेन्द्रसिंह रावलले बहुमत जुटाउन नसकेपछि प्रदेशमा ठुलो दलको नेताका हैसियतले नेपाली कांग्रेसका शाह मुख्यमन्त्री भएका थिए । उनको नेतृत्वको सरकारमा माओवादी, नागरिक उन्मुक्ति पार्टी र नेकपा (एकीकृत समाजवादी) समावेश छन् । शाहले गतवर्ष माघ २६ गते मन्त्रीमण्डल गठन गरेका थिए । केन्द्रमा नयाँ गठबन्धन बनिसकेकाले प्रदेशमा पनि त्यो गठबन्धन लागू हुने नेकपा (माओवादी केन्द्र) को दलका ...

काठमाडौं - नयाँ गठबन्धनका चार दलबीच ८ बुँदे सहमति भएको छ । एमाले, माओवादी केन्द्र, रास्वपा र जसपाबीच भएको सहमति अनुसार राष्ट्रियसभाको अध्यक्ष माओवादीले लिनेछ भने उपाध्यक्ष एमालेले पाउनेछ । मन्त्रालय भागबण्डा आपसी सहमतिमा गर्ने चार दलको निर्णय छ । ‘त्यसरी बाँडफाँट गर्दा मन्त्रालयहरुको विशेषताका आधारमा वर्गीकरण गरी मिलाउने’ सहमतिको तेस्रो बुँदामा भनिएको छ, ‘नयाँ संयुक्त सरकार गठन प्रक्रियामा सकारात्मक अन्य दलहरुसँग सम्वाद अघि बढाउने ।’ साझा न्यूनतम कार्यक्रम बनाउने, चार दलबीच संक्रमणकालीन न्यायसम्बन्धी विधेयक र शान्ति प्रक्रिया सहमतिका आधारमा अबिलम्ब टुंगाउने, संघीय कार्यान्वयनसँग सम्बन्धित बाँकी कानुन निर्माण गरी सबै तलका सरकारलाई प्रभावकारी बनाउने पनि चार दलबीच सहमति भएको छ । एमाले महासचिव शंकर पोखरेलले सुशासन र डेलिभरीलाई प्रभावकारी ढंगले सम्बोधन गर्ने र नयाँ आशा जगाउने उद्देश...

धनगढी – नवनियुक्त तीन जना मन्त्रीले पद तथा गाेपनीयताकाे शपथ लिएका छन् ।  नेकपा माओवादी केन्द्रबाट हितबहादुर तामाङ, नेकपा एमालेबाट पदम गिरी र राष्ट्रिय स्वतन्त्र पार्टीबाट डीपी अर्यालले आज राष्ट्रपति कार्यालय शीतल निवासमा राष्ट्रपति रामचन्द्र पौडेलसँग मन्त्री पदको शपथ लिएका छन् । तीनै जनाको मन्त्रालय भने तोकिएको छैन । विशेष गरेर गृह मन्त्रालयमा एमाले र रास्वपा दुवैको दाबी रहेको छ । यस्तै एमाले र माओवादीबीच केन्द्रदेखि प्रदेशसम्मका सरकारमा सहकार्य गरेर जाने सहमति भएको छ ।  अब केन्द्रसँगै विभिन्न प्रदेशमा पनि सरकार फेरिने सम्भावना बढेको छ । केन्द्रमा भने आधा–आधा समय सरकारको नेतृत्व गर्ने एमाले र माओवादीले सहमति गरेका छन् । नेपाली कांग्रेस र माओवादी केन्द्रसहितको सत्ता गठबन्धन भत्किएर नयाँ गठबन्धन बनेको छ । माओवादीले नेपाली कांग्रेससँगको गठबन्धन नगर्ने निधो गरेपछि अहिलेको गठबन...

काठमाडौं - प्रधानमन्त्री निवास बालुवाटारमा नयाँ गठबन्धनको बैठक बसिरहेको छ ।  बैठकमा एमाले, माओवादी केन्द्र र रास्वपाका शीर्ष नेताहरु सहभागी छन् । उनीहरुले मन्त्रिपरिषदमा सहभागी हुनेहरुको नामावली प्रधानमन्त्रीलाई बुझाउने छन् । प्रधानमन्त्री प्रचण्डका प्रेस सल्लाहकार गोविन्द आचार्यले एमाले र रास्वपालाई समेट्दै मन्त्रिपरिषद पुनर्गठन हुन लागेको र त्यसका लागि प्रधानमन्त्री प्रचण्डले एमाले र रास्वपाका नेताहरुसँग छलफल गरिरहेको जानकारी दिए ।  उनका अनुसार प्रधानमन्त्री प्रचण्डले जसपासँग पनि मन्त्री बन्नेहरुको नाम मागिएको जानकारी दिए । प्रधानमन्त्री प्रचण्डले अहिलेको मन्त्रिपरिषदको पूरै सेट परिवर्तन गरेर तत्काललाई सानो आकारको मन्त्रिपरिषद गठनको तयारी गरेका छन् ।...

काठमाडौं - नेकपा एमाले र नेकपा माओवादी केन्द्रबीच सत्ता सहकार्य गर्ने सहमति जुटेसँगै नेपाली कांग्रेस नेतृत्वको गठबन्धन भत्किएको हो । आइतबार रातिसम्म चलेको कांग्रेस र माओवादी केन्द्रको बैठकले सत्ता समीकरण बदल्ने निर्णय गरेको हो । माओवादी उच्च स्रोतका अनुसार, गत वर्ष १० पुसमा बनेकै गठबन्धनलाई आधार मानेर नयाँ समीकरण बन्नेछ । त्यसका लागि राष्ट्रिय स्वतन्त्र पार्टी (रास्वपा), जनता समाजवादी पार्टी (जसपा) र राष्ट्रिय प्रजातन्त्र पार्टी (राप्रपा) लाई पनि समेट्ने सहमति भएको छ । नयाँ सहमति अनुसार, आज बिहानै बसेको बैठकबाट रास्वपाले निर्णय लिने अधिकार सभापति रवि लामिछानेलाई दिएको छ । बालकोटमा बसेको एमाले सचिवालय बैठकले पनि नयाँ सत्ता समीकरण आजै अगाडि बढाउने निर्णय गरेको छ । बैठकले पदम गिरीलाई सरकारमा पठाउने निर्णय समेत गरेको छ ।...

धनगढी - गत विहिबारदेखि धनगढीमा सञ्चालन भएको “आरम्भ ल फेस्ट” सम्पन्न भएको छ । कानुनी शिक्षा अभिवृद्धि गर्ने उद्धेश्यले आरम्भ कानुनी शिक्षा केन्द्र धनगढी र नयाँ युवा नयाँ सोच सेवा समाज नेपालको आयोजना तथा आन्तरिक मामिला तथा कानुन मन्त्रालय सुदुरपश्चिमको प्रवद्र्धन र ड्रिमलिङ्क एजुकेशन धनगढी शाखाको मुख्य प्रायोजनमा माध्यमिक तहमा कानुन विषय अध्ययनरत विद्यार्थीहरुबिच विभिन्न पाँचवटा विधाहरु, पहिलो दिन कानुनी कविता र कानुनी मस्यौदा लेखन, दोस्रो दिन कानुनी हाजिरीजवाफ र सिर्जनात्मक लेखन तथा तेस्रो र चौथो दिन संसदिय वहस प्रतियोगिता आयोजना गरिएको हो । जसमा हाजिरीजवाफ, सिर्जनात्मक लेखन र संसदिय वहसमा प्रथम स्थान हाँसिल गर्दैै ६० अंक सहित एक्सिस विद्याश्रमले उपाधि हात पारेको छ । त्यसैगरी कानुनी कविता र कानुनी मस्यौदा लेखनमा प्रथम स्थान हाँसिल गर्दै ४५ अंक सहित सुदूरपश्चिमाञ्चल एकेडेमी (एस.पि.ए...