कैलाली

चिसापानी- अनलाइन टिभी पत्रकार संघ नेपाल कैलालीको अध्यक्ष मा आलोक जङ्ग साउँद (भरत) सर्वसम्मत चयन भएका छन् । जिल्लाको लम्कीचुहा नगरपालिकाको चिसापानी सिद्धबाबा होटलमा बुधबारदेखि सुरु भएको प्रथम जिल्ला अधिवेशनबाट बिहीबार साउँदको अध्यक्षतामा ९ सदस्यीय नेतृत्व चयन गरिएको हो । समितिको उपाध्यक्षमा रमेश ऐडी, सचिव पदमा रमीत पाण्डे, कोषाध्यक्षमा मञ्जु भण्डारी सर्वसम्मत चयन भएका छन् । त्यस्तै सहसचिव पदमा तिलखराज ढुङ्गाना चयन भएका छन् । ढुङ्गाना कामना टेलिभिजनका संवाददाता समेत हुन् । कार्य समिति सदस्यमा सागर चौधरी, प्रेम कामी, गणेशबहादुर बिष्ट , यज्ञराज अवस्थी चयन भएका छन् । नवनिर्वाचित अध्यक्ष साउँदले अनलाइन टिभीका क्षेत्रमा संस्थागत विकास, संस्थाको नीति तथा योजना निर्माणमा काम गर्ने, अनलाइन टिभीका क्षेत्रमा आवद्ध पत्रकारको क्षमता अभिवृद्धि गर्नुका साथै प्रविधिगत विकासमार्फत टिभीलाई अझ प्रभावकार...

बढैपुर- कैलालीका एक ७० वर्षीय वृद्ध बेपत्ता भएका छन् । जिल्लाको लम्कीचुहा नगरपालिका–१ बि टोलका ७० वर्षीय वीरबहादुर गौतम बेपत्ता भएका हुन् । मानसिक सन्तुलन ठिक नभएका गौतम आज (बुधबार) दिउँसो साढे १२ बजेतिर घरबाट निस्किएका थिए। पारिवारिक स्रोतका अनुसार निलो सर्ट, कालो हाफ पाइन्ट लगाएका र कालो झोला बोकेका गौतम अहिलेसम्म सम्पर्कमा आएका छैनन्। उनलाई कतै फेला परेमा नजिकैको प्रहरी कार्यालय लम्कीमा वा ९८४८४२८११७ र ९८४८४२०८६५ मा सम्पर्क गर्न परिवारले आग्रह गरेको छ।...

बढैपुर- कैलारी गाउँपालिकामा वल्र्ड भिजन इन्टरनेशनल नेपालको साझेदारीमा बाल कल्याण संघ र दिगो विकास समाजले सञ्चालन गरिरहेको पिसीइएसपी र एनआरएल परियोजनाको पालिका स्तरीय अनुगमन तथा मूल्यांकन (एल,डिपीएसी) कार्यक्रम सम्पन्न भएको छ। कार्यक्रममा कैलारी गाउँपालिकाकी उपाध्यक्ष भगवती कुमारी चौधरी, वडा नं.–८ का अध्यक्ष तारामल कठरिया, बाल संरक्षण अधिकारी, योजना शाखा प्रमुख, वडा स्तरिय कृषि शाखा प्रमुख, बाल कल्याण संघकी कार्यक्रम संयोजक राधिका गिरी, फिल्ड अधिकृत पर्शुराम चौधरी, दिगो विकास समाजका कार्यक्रम अधिकृत जगत भाट, बजार सहजकर्ता रञ्जित चौधरी लगायतको उपस्थिति रहेको थियो। अनुगमनका क्रममा वडा नं.–८ मा सञ्चालन भइरहेका रूपान्तर कक्षा, सकारात्मक अभिभावकत्व कार्यक्रम, विद्यालय छोडेका बालबालिकाको विद्यालय पुनरागमन पहल, च्याउ उत्पादन समूहलगायतका गतिविधि अवलोकन गरिनुका साथै सहभागीहरूसँग अन्तरक्रिया गर...

बढैपुर- कैलालीको गौरीगंगा नगरपालिका–१० र ११ मा सञ्चालनमा रहेका विभिन्न परियोजनाहरूको अनुगमन गरेको छ। वल्र्ड भिजन इन्टरनेशनल नेपालसँग साझेदारीमा बाल कल्याण संघ टिकापुर र दिगो विकास समाज भजनिको आयोजनामा सञ्चालित परियोजनाहरूको अनुगमन गरिएको हो। गौरीगंगा नगरपालिका उपप्रमुख भोजबहादुर बमको संयोजकत्वमा गएको अनुगमन टोलीले आयआर्जन, बाल उत्थान, बाल संरक्षण, सामुदायिक संलग्नता, स्पोन्सरसिप, अभिभावक शिक्षा, अन्तरपुस्ता संवाद, कृषि उत्पादन समूह, कृषि फर्म, बाल अधिकार समिति र बालमैत्री स्थानीय शासनअन्तर्गतका विभिन्न गतिविधिहरूको स्थलगत अवलोकन गरेको छ । परियोजना मार्फत सञ्चालित गतिविधिहरूको प्रगति समिक्षा गर्नका लागि अनुगमन गरिएको जनाइएको छ । स्थानीयले अनुगमन टोलीसंग बालविवाह न्यूनीकरण, लागूऔषध दुरुपयोग नियन्त्रण र दुर्व्यसन अन्त्यका लागि प्रभावकारी कार्यक्रम सञ्चालन गर्नुपर्नेमा जोड दिएको छ। स...

धनगढी- कैलाली कारागारमा भएको झडपपछि घाइते कैदीबन्दीलाई मागअनुसार अन्य कारागारमा स्थानान्तरण गरी व्यवस्थापन गर्ने काम भइरहेको छ । अस्पतालबाट उपचार गरेर फर्किएका कैदीबन्दीलाई स्वास्थ्यलाभका लागि थप समय आवश्यक भएकाले तत्काल रोजेको कारागारमा पठाउने व्यवस्था गरिएको हो । हालसम्म अस्पतालबाट फर्किएका मध्ये ६ जनालाई कञ्चनपुर र डडेल्धुरा कारागारमा पठाइसकिएको जिल्ला प्रशासन कार्यालयले जनाएको छ।। गत साउन २३ गते राति कैदीबन्दीबीच भएको झडपमा एक जनाको मृत्यु भएको थियो भने ४९ जना घाइते भएका थिए। तीमध्ये गम्भीर घाइते कर्ण सलामी मगर, कल्पेस विष्ट र आयुस भट्टको काठमाडौँमा उपचार भइरहेको छ। सेती प्रादेशिक अस्पतालमा उपचाररतमध्ये नौ जनाबाहेक सबै डिस्चार्ज भइसकेका छन्। घटनाको छानबिनका लागि सहायक प्रमुख जिल्ला अधिकारी किरण जोशीको संयोजकत्वमा समिति गठन गरिएको छ भने प्रहरीले अनुसन्धान अघि बढाइरहेको जनाएको छ...

धनगढी- कैलालीमा १८ वर्षीया युवतीमाथि जबरजस्तीकरणी गरेको आरोपमा एक जना पक्राउ परेका छन्। पक्राउ पर्नेमा गौरीगंगा नगरपालिका–३ का ४६ वर्षीय लोकेश सुर्जा मगर रहेका छन्। इलाका प्रहरी कार्यालय टीकापुरका अनुसार, पीडित युवतीले दिएको उजुरीका आधारमा बुधबार साँझ लोकेशलाई पक्राउ गरिएको हो। हाल घटनासम्बन्धी थप अनुसन्धान भइरहेको प्रहरीले जनाएको छ।...

काठमाडौं - कैलालीका प्रमुख जिल्ला अधिकारी (सीडीओ) गोगनबहादुर हमाललाई गृह मन्त्रालयले पदबाट फिर्ता बोलाएको छ। गएको साउन २३ गते शुक्रबार राति कैलाली कारागारमा भएको झडपमा एक जनाको मृत्यु र ४८ जना कैदीबन्दी घाइते भएपछि सुरक्षा समन्वयमा कमजोरी देखिएको ठहर गर्दै बुधबार हमाललाई मन्त्रालय तानिएको हो। गृह मन्त्रालय स्रोतका अनुसार, हमालको स्थानमा दाङका सीडीओ कृष्णप्रसाद लम्साललाई कैलाली पठाइएको छ। झडपका क्रममा लागुऔषध मुद्दामा कैद भुक्तान गरिरहेका भरत चौधरीको मृत्यु भएको थियो। कैदीबन्दी आक्रामक बनेपछि दुई दिनसम्म कारागारमा तनावपूर्ण अवस्था रह्यो। मानव अधिकार आयोगको टोलीले पनि कारागार निरीक्षण गरेको थियो। उक्त घटनामा चौधरीमाथि आक्रमण गर्ने कैदीबन्दीको पहिचान गरी कारबाहीको माग गर्दै मृतकको परिवारले जिल्ला प्रहरी कार्यालयमा जाहेरी दर्ता गरेको छ।...

काठमाडौं- प्रतिनिधिसभा अन्तर्गतको कानुन, न्याय तथा मानवअधिकार समितिले कैलाली कारागार परिसरमा साउन २३ गते भएको घटनाको निष्पक्ष छानबिन गरी दोषीउपर कानुनबमोजिम कारबाही गर्न सरकारलाई निर्देशन दिएको छ। बुधबार बसेको समितिको बैठकले पीडितलाई नियमानुसार क्षतिपूर्ति उपलब्ध गराउने व्यवस्था गर्न प्रधानमन्त्री तथा मन्त्रिपरिषद् कार्यालय, गृह मन्त्रालय र कानुन, न्याय तथा संसदीय मामिला मन्त्रालयलाई समेत निर्देशन दिएको हो। समितिले देशभरका कारागारमा दोहोरिन सक्ने यस्ता झडप तथा कुटपिटका घटना रोक्न कारागार प्रशासनलाई थप जिम्मेवार बनाउन, कैदीबन्दीबाट नेतृत्व छनोट गरी आन्तरिक व्यवस्थापनको जिम्मेवारी दिने प्रावधानको पुनरावलोकन गर्न, अपराधको प्रकृति र बन्दीको सङ्ख्यानुसार अलग ब्लक वा कारागारमा राख्ने, श्रम तथा उत्पादनसँग जोड्ने रणनीति तय गरी कार्यान्वयन गर्न आग्रह गरेको छ। सभापति विमला सुवेदीले कारागार ...

धनगढी- कैलाली कारागारमा शुक्रबार मध्यराति कैदीबन्दी बिच हिंसात्मक झडप भयो ।दुई पक्षबीच भएको झडपका क्रममा ढुंगामुडासंगै जिमका लागि राखिएका सामाग्री हानाहान भएको थियो । उक्त हिंसात्मक झडपमा धनगढी उपमहानगरपालिका-४ का ४० वर्षीय कैदीबन्दी भरत चौधरीको ज्यान गयो, भने अन्य ४७ जना घाइते छन् । यहीँ हिंसात्मक घटना ‘अत्यन्त दुःखद’ भएको बताउँदै बझाङको केदारस्यूँ गाउँपालिका अध्यक्ष गणेश बहादुर बोहराले यस्ता घटनाबाट तत्काल पाठ सिक्नुपर्नेमा जोड दिएका छन्। उनले समयमै योजनाबद्ध रूपमा कारागार व्यवस्थापन गर्न नसके, यस्ता घटना कैलाली मात्र नभई देशका अन्य धेरै कारागारमा पनि दोहोरिन सक्ने सम्भावना रहेको बताए । अध्यक्ष बोहराले अत्यधिक भीडभाड र कैदी संख्या क्षमता भन्दा बढी नाघ्नु यस घटनाको प्रमुख कारण हुनसक्ने समेत बताए। उनले यसलाई केवल एक पक्षको गल्ती नभई कारागार प्रशासन, सुरक्षाकर्मी र कैदीहरूकै कमजोरीको सं...