कैलाली

धनगढी- कैलालीमा एक युवकको घाँटी रेटी हत्या गरिएको छ। घोडाघोडी नगरपालिका–८ जरैका २८ वर्षीय केशरबहादुर बुढाको घाँटी रेटेर हत्या गरिएको जिल्ला प्रहरी कार्यालयले जनाएको छ। इलाका प्रहरी कार्यालय सुखडका प्रमुख प्रहरी नायब उपरीक्षक (डीएसपी) रमेशदत्त अवस्थीका अनुसार हत्या आरोपमा सोही वडाका २८ वर्षीय लालबहादुर विक र १९ वर्षीय गङ्गा बुढा क्षेत्रीलाई पक्राउ गरिएको छ। प्रहरीका अनुसार दुवै अभियुक्त बुढाको टाउको बोकेर प्रहरी पोस्टतर्फ आउँदै गर्दा खेत प्रहरी पोस्टका जवानले नियन्त्रणमा लिएका थिए। मृतक बुढाको टाउको इलाका प्रहरी कार्यालय सुखडमा राखिएको छ भने शरीर घटनास्थलमै रहेको छ। घटनाबारे थप अनुसन्धान भइरहेको डीएसपी अवस्थीले जानकारी दिए।...

धनगढी- जिल्लाअधिकार कार्यालय कैलालीले चाडपर्वको अवसरमा शान्ति–सुरक्षा कायम राख्दै मर्यादित ढंगले पर्व मनाउन सर्वसाधारणलाई आग्रह गरेको छ। कार्यालयले आइतबार सार्वजनिक सूचना जारी गर्दै मादक पदार्थ सेवन गरी सार्वजनिक स्थलमा होहल्ला तथा झगडा नगर्न, अत्यावश्यक वस्तुमा कृत्रिम अभाव सिर्जना नगर्न, कालोबजारी र अनधिकृत मूल्यवृद्धि नगर्न, म्याद नाघेका वस्तुको बिक्री–वितरण नगर्न चेतावनी दिएको छ। त्यस्तै, सवारीसाधनमा तोकिएको क्षमताभन्दा बढी यात्रु नराख्न, मादक पदार्थ सेवन गरी सवारीसाधन नचलाउन, तोकिएको भन्दा बढी भाडा असुल नगर्न र ट्राफिक नियमको पालना गर्न समेत प्रशासनले अनुरोध गरेको छ।...

धनगढी- कैलाली उद्योग वाणिज्य संघको ५१औं साधारणसभा तथा चुनावी अधिवेशन आगामी असोज २५ गते हुने भएको छ। जेनेजी आन्दोलनका कारण स्थगित भएको अधिवेशनबारे सर्वपक्षीय बैठकले नयाँ मिति तय गरेको हो। संघका अध्यक्ष पुष्पराज कुँवरले एक भिडियो सन्देशमार्फत सबै उद्योगी व्यवसायीलाई अधिवेशनमा सहभागी हुन आग्रह गरेका छन्। यसअघि भदौ २८ गते गर्ने भनिएको अधिवेशन आन्दोलनका कारण कफ्र्यु लागेपछि स्थगित भएको थियो। दसैं–तिहारको बीचमा उपयुक्त मिति निर्धारण गर्ने सहमतिअनुसार असोज २५ गते अधिवेशन गर्ने निर्णय गरिएको हो। २२ सदस्यीय कार्यसमितिका लागि उम्मेदवारी दर्ता भइसकेको छ। अध्यक्ष पदमा वरिष्ठ उपाध्यक्ष पुष्करराज ओझा र पूर्वमहासचिव रुपेश स्वाँरले प्यानलसहित उम्मेदवारी दिएका छन्। साथै, पदाधिकारी तथा सदस्य पदका लागि ६ जना व्यवसायीले स्वतन्त्र उम्मेदवारी दर्ता गराएका छन्। संघका २,२७४ जना सदस्यले मतदानमा सहभागी ...

धनगढी- जेनजी आन्दोलनको बलमा बैतडीकाे दशरथ चन्द नगरपालिकाकि उपमेयर काैशिला चन्दका छाेरा विशाल चन्दले अनलाइनखबरकर्मी जनक विष्टलाई धम्की दिएका छन् । जेनजीकाे हमला दिदै विष्टलाई अपरिचित नम्बरबाट टेलिफाेन गरेर ज्यान मार्ने भन्दै धम्की दिएका हुन् । धनगढी उपमहानगरपालिका-५ तारानगरमा बस्दै आएका चन्दले प्रेस चाैतारी कैलालीका अध्यक्ष समेत रहेका विष्टलाई अपशब्द प्रयाेग गरेर धम्की दिएका हुन् । धनगढी उपमहानगरपालिका- १३ का नवराज कार्कीकाे माेबाईल प्रयाेग गरेर विशालसँगै धनगढीकै रिवाज शाहले समेत उनलाई धम्क्याएका छन् । जेनजीकाे हमला दिदै धम्की दिएपछि पत्रकार विष्टले सुरक्षा र कानुनी कारवाहीकाे माग गर्दै तिनै जनाकाे नाममा जिल्ला प्रहरी कार्यालयमा उजुरी समेत दिएका छन् । २४ भदाैकाे राति घरमा सुतिरहेको अवस्थामा टेलिफोन गर्दै उनीहरूले सुरूमा विष्टलाई प्रेस विज्ञप्ति दिनुपर्नेछ भेटाैँ भनेर कुराकानी गरेका थिए...

धनगढी- यातायात विभागले धनगढीका लागि पठाएका १८ हजार १०० बढी मोटरसाइकलका इम्बोस नम्बर प्लेट जेन–जी आन्दोलनका क्रममा जलेर नष्ट भएका छन्। सुदूरपश्चिम भौतिक पूर्वाधार विकास मन्त्रालय मातहतको यातायात कार्यालय, धनगढीले असोज १ गतेबाट वितरण सुरु गर्ने तयारी गरेको थियो। तर आन्दोलनका क्रममा गोदाममा आगजनी हुँदा सम्पूर्ण नम्बर प्लेट खरानी भएको कार्यालय प्रमुख भूवन जोशीले बताए। उनका अनुसार चार करोड ५२ लाख रुपैयाँ लागतका नम्बर प्लेटसहित फर्निचर र उपकरणमा पनि करिब एक करोड ५० लाख बढीको क्षति भएको छ। तीन दिनसम्म बलिरहेको आगो निभाउन नसकिएको उनले बताए। नम्बर प्लेट नष्ट भएपछि धनगढी यातायात कार्यालयमा वितरण सेवा अवरुद्ध भएको छ।...

धनगढी- जेनजी आन्दोलनपछि गौरीफन्टा, गड्डाचौकीलगायत सुदूरपश्चिमका नाकामा आवतजावतमा कडाइ गरिएको छ। भारत–नेपाल ओहोरदोहोर गर्न अब अनिवार्य रूपमा नागरिकता वा राष्ट्रिय परिचयपत्र देखाउनुपर्ने व्यवस्था गरिएको छ। यसले दसैँ–तिहारमा घर फर्किने, किनमेल वा कामको खोजीमा भारत पस्ने नेपालीलाई सास्ती भएको छ। सरकारले यकिन तथ्यांक नजाने पनि करिब पाँच–छ लाख नेपाली भारतमा रोजगारीमा छन् भन्ने अनुमान छ। कैलाली प्रशासनका सूचना अधिकारी शिवराज जोशीका अनुसार सरकारी कागजातबिना सीमा पार गर्न पूर्ण रोक लगाइएको छ। कागजात नबोक्नेहरूलाई नाकाबाटै फर्काइन्छ। दसैँ नजिकिँदै गर्दा सीमामा चहलपहल बढेको छ। कोही पर्व मनाउन घर फर्किँदै छन् भने कोही भारत पस्ने तयारीमा छन्। विगतमा सहजै पार गर्न सकिने गौरीफन्टा नाकामा अहिले परिचयपत्र अनिवार्य बोकेर मात्र ओहोरदोहोर गर्न पाइन्छ।...

धनगढी– जेन-जी आन्दोलनका कारण सुदूरपश्चिम प्रदेशका विभिन्न सरकारी कार्यालयहरूमा क्षति पुग्दा सेवा सञ्चालनमा कठिनाइ आएपछि, आलोक मल्टी कन्सर्न प्रालि, धनगढी-४, चटकपुरले सहयोग गर्नेभएको छ। कम्पनीले भनेको छ, यसअघि आगलागीबाट ठुलो क्षति भोग्दा पनि आम जनसमुदाय, व्यवसायी र उद्योग वाणिज्य संघ लगायतबाट प्राप्त सहयोग र हौसलाका कारण पुनः सञ्चालनमा फर्किन सफल भएको छौ । यस सहयोगी भावनाको कदर गर्दै, कम्पनीले समाज, समुदाय र राष्ट्रिय हितप्रति आफ्नो प्रतिबद्धता देखाउँदै सरकारी कार्यालयहरूको सहज सञ्चालनका लागि फर्निचर उपलब्ध गराउने निर्णय गरेको हो। आलोक मल्टी कन्सर्न प्रालिले “समाज, समुदाय र राष्ट्रिय हितका कार्यमा निरन्तर सहयोग र सहकार्य गर्न” अठोट जारी राखेको र आगामी दिनमा पनि यस्ता सहकार्यका कार्यक्रमलाई निरन्तर बढाइने जनाएको छ।...

धनगढी– कैलालीको चुरे गाउँपालिकाले हालै शिवगङ्गा खोलाको रोयल्टी सम्बन्धि ठेक्का लगाएको छ। स्रोतका अनुसार कर्मचारीहरूसहित पालिका अध्यक्षका मान्छेले मिलेमतो गर्दै साढे ८ लाख रुपैयाँमा ठेक्का लगाएको आरोप लागेको छ। अलिक अगाडि मात्र पालिकाले उपाध्यक्षलाई जानकारी नदिई ठेक्का सेटिङ गरेको आरोप उठेको छ। यसअघि पनि ठेक्का सेटिङ गरिएको थियो र हाल इन्जिनियरले पुनः सेटिङ गरेको जनाइएको छ। ठेक्का आह्वानको सात दिने पत्रिकासमेत लुकाएर ठेक्का लगाइएको बुझिएको छ। हाल अनलाइन विधिबाट ठेक्का आह्वान गर्नु पर्ने प्रावधान भए पनि यस पटक पालिकाले सो प्रक्रिया अपनाएको छैन। चुरे गाउँपालिकाका निमित्त प्रशासकीय अधिकृत कालिप्रसाद भट्टले भने, “म आफू सो विषयमा जानकार भएपनि यसमा मेरो भूमिका छैन,” भनी दाबी गरेका छन्।...