कैलाली

धनगढी- कैलालीमा एक स्कुलको अफिस सहित तीन स्थानमा आगलागी भएको छ। जिल्लाको जोशीपुर गाउँपालिका–७ घैला बौनियास्थित होलिल्याण्ड पब्लिक स्कुलको अफिस लगायत तीन स्थानमा आगलागी भएको हो । बौनियास्थित होलिल्याण्ड पब्लिक स्कुलमा तीन वटा कोठामा करेन्ट सर्ट भई सोमवार बिहान आगलागी भएको छ। उक्त आगलागीबाट भएको क्षतिको विवरण भने हाल नखुलेको प्रहरीले जनाएको छ। यस्तै, कैलालीको धनगढी उपमहानगरपालिका–१४ सी गाउँ बस्ने निशा शाहीको गोठमा सोमवार बिहान आगलागी हुँदा गोठ पूर्णरूपमा जलेर नष्ट भएको छ। यसैगरी कैलालीको गोदावरी नगरपालिका–४ गोदावरी बस्ने ५५ वर्षीय कृष्ण मडैको गोठमा सोमवार दिउँसो आगलागी हुँदा करिब १ लाख ५० हजार रुपैयाँ बराबरको क्षति भएको जिल्ला प्रहरी कार्यालय कैलालीले जनाएको छ।...

धनगढी- नेपाल पत्रकार महासंघ कैलालीले सरकारलाई ज्ञापनपत्र बुझाएको छ । सोमबार आज कैलालीका प्रमुख जिल्ला अधिकारी गोगन बहादुर हमाल मार्फत प्रधानमन्त्री केपी शर्मा ओलीलाई ज्ञापनपत्र बझाएको हो । यही १५ गते काठमाडौमा राजाबादी आन्दोलनको हिंसात्मक आन्दोलनमा आराजक मानिसको भिडले संचारगृह तोडफोड, पत्रकार सुरेश रजकको आगोमा जलेर मृत्यु भएको र पत्रकार माथी हातपात र कुटपिट गरिएकोले सरकारको ध्यानार्कषण गराउन ज्ञापनपत्र बुझाएको अध्यक्ष श्रवण देउबाले जानकारी दिए । प्रमुख जिल्ला अधिकारी हमालले ध्यानाकर्षण पत्र बुझ्दै आफूले आजै सो ज्ञापनपत्र माथिल्लो निकायमा पठाईदिने बताए । कैलाली जिल्लामा शान्ती सुरक्षा अमन चयनका साथै पत्रकारको सुरक्षाका लागि आफु कटिबद्ध रहेको उनले बताए ।...

धनगढी- कैलालीबाट चोरी मुद्दामा फरार रहेका एक जनालाई प्रहरी पक्राउ गरेको छ जिल्ला अदालत कैलालीको फैसलाले नकवजनी चोरी मुद्दामा २५ दिन कैद सजाय र एक लाख तेह्र हजार चार सय पचहत्तर रुपयाँ जरिवाना तोकिएपछि फरार रहेका जोशीपुर गाउँपालिका-४ खर्चुवा बस्ने ३५ वर्षीय इमरान हसन पक्राउ परेका हुन्। हसनलाई इलाका प्रहरी कार्यालय जोशीपुरबाट खटिएको प्रहरी टोलीले आइतवार उनकै घरबाट पक्राउ गरेको जनाएको छ।...

धनगढी- कैलालीको टीकापुर नगरपालिकामा पाइप लाइनमार्फत घरघरमा पुगेको बायो ग्यास प्लान्टको विद्युत् लाइन काटिँदा ग्यास प्लान्ट अलपत्र भएको छ । नगरपालिका–५ स्थित सामुदायिक पशु चौपाया व्यवस्थापन गरिएको क्षेत्रमा निर्माण भएको बायो ग्यास प्लान्टको विद्युत् महसुल नतिर्दा विद्युत् लाइन काटिएको थियो । विद्युत् लाइन काटिएपछि ग्यास वितरणको काम पनि ठप्प भएको छ । आसपासका ५५ घरमा पुर्‍याइएको ग्यास बन्द भएपछि करोडौँको संरचना अलपत्र परेको छ । गोबरबाट ग्यास उत्पादन गरेर दैनिक चार घण्टा स्थानीयलाई ग्यास उपलब्ध गराउँदै आइएको थियो । गौशालामा पर्याप्त गोबर भए पनि ग्यास प्लान्ट बन्द भएको गौशाला सञ्चालन गर्दै आएको सामुदायिक पशुचौपाया व्यवस्थापन तथा प्रवर्द्धन समितिका अध्यक्ष लोकबहादुर बुढाक्षेत्री बताउछन् । उनका अनुसार नगरपालिकाले विद्युत्को महसुल नतिरेका कारण ग्यास प्लान्ट बन्द भएको छ । “दैनिक चार घण्टा ग्यास ...

धनगढी- कैलालीमा गौशाला सुधार हुँदै गएपनि चौपायालाई आहाराको अभाव हुन थालेको छ । जिल्लाको टीकापुर नगरपालिका–५ स्थित गौशालास्तर सुधार हुँदै गए पनि चौपायालाई आहाराको अभाव हुन थालेको हो। टीकापुर नगरपालिकाको मातहतमा रहेको गौशाला सामुदायिक पशुचौपाया व्यवस्थापन तथा प्रवद्र्धन समिति टीकापुरले सञ्चालनको जिम्मा लिएपछि गौशाला व्यवस्थित हुँदै गए पनि सो क्षेत्रका चौपायालाई आहारा अभाव कायमै रहेको छ। जानकी गाउँपालिका र टीकापुर नगरपालिकाभित्रका  सामुदायिक पशु चौपाया गौशालामा छन्। गौशालामा एक हजारभन्दा बढी चौपायालाई व्यवस्थापन गरिएको छ। विगतमा जानकी गाउँपालिका र टीकापुर नगरपालिकाले छुट्टाछुट्टै गौशाला सञ्चालन गर्दै आएका थिए। 'दुई पालिकाको संयुक्त चौपाया व्यवस्थापन गर्दा चौपायाको सङ्ख्या दिनप्रतिदिन बढ्दै गएको छ। समितिसँग पर्याप्त स्रोत नहुँदा आहारा पुर्‍याउन समस्या हुँदै आएको छ', समितिका अध्यक्ष लोकबहादुर...