राजनीति

काठमाडौँ– प्रगतिशील राष्ट्रिय अभियान, नेपाल समाजवादी पार्टी (नयाँशक्ति) र विभिन्न वैकल्पिक समूहहरूलाई एकीकृत गर्दै बनेको नयाँ पार्टीको आज औपचारिक घोषणा हुँदैछ। बाबुराम भट्टराई, जनार्दन शर्मा र सन्तोष परियारलगायत नेताहरूको नेतृत्वमा गठन भएको यो नयाँ पार्टीको नाम ‘प्रगतिशील लोकतान्त्रिक पार्टी’ राखिएको छ। भट्टराईको नेसपा (नयाँशक्ति), जनार्दन शर्माको नेतृत्वमा सुदन किराँती संयोजक रहेको प्रगतिशील राष्ट्रिय अभियान, र राष्ट्रिय स्वतन्त्र पार्टी छाडेका सन्तोष परियारसहितका नेताहरू मिलेर यो पार्टी बनाइएको हो। पार्टी घोषणा समारोह आज बिहान ११ बजे राष्ट्रिय सभागृहमा सुरु हुने प्रगतिशील राष्ट्रिय अभियानका केन्द्रीय संयोजक समिति सदस्य जन्मदेव जैशीले जानकारी दिए। कार्यक्रममा डा. बाबुराम भट्टराई, जनार्दन शर्मा, राम कार्की, सन्तोष परियार, सुदन किराँती, दुर्गा सोबललगायत नेताहरूले संयुक्त रूपमा एकत...

काठमाडौँ- सरकार र दुर्गा प्रसाईं नेतृत्वको समूहबीच भएको वार्ताले सबै विरोध कार्यक्रम फिर्ता भएका छन्। ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ ले आजदेखि सुरु गर्ने भनिएको विरोध प्रदर्शन र अन्य कार्यक्रम वार्तापछि स्थगित भएका हुन्। हिजो प्रधानमन्त्री निवास बालुवाटारमा भएको छलफलपछि यस अभियानी समूहले आफ्नो सबै कार्यक्रम फिर्ता लिएको घोषणा गरेको हो। सहमतिपत्रमा प्रधानमन्त्रीका मुख्य सल्लाहकार अजयभद्र खनाल र अभियानतर्फबाट सचिव प्रेमदीप लिम्बूले हस्ताक्षर गरेका छन्। सम्मेलनपछि जारी गरिएको विज्ञप्तिमा भनिएको छ कि समूहले उठाएका २७ बुँदे मागबारे विस्तृत छलफल गरिएको छ। यस विषयमा निरन्तर संवाद जारी राख्ने, वार्तालाई निरन्तरता दिने र आवश्यक सहजीकरण गर्ने सहमति पनि भएको उल्लेख छ।...

आज नेपाली कम्युनिष्ट पार्टीका संयोजक पुष्पकमल दाहाल (प्रचण्ड) जेनजीसँग अन्तरक्रिया गर्दैछन्। ‘जेनजीसँग–नेकपा’ नाम ​दिइएको अन्तरक्रिया पार्टी कार्यालय कोटेश्वर पेरिसडाँडामामा बिहान ११ बजे शुरु हुने नेता रामप्रसाद सापकोटा (दीपशिखा)ले जानकारी दिए। कार्यक्रममा प्रचण्डसहित अन्य शीर्ष नेता पनि सहभागी हुने उनले बताए। जेनजीले चाहेको नेपाल र पार्टीको भूमिकाबारे कार्यक्रममा अन्तरक्रिया हुनेछ। तत्कालीन माओवादीको युवा संगठन वाईसीएल नेपालको आयोजनामा गर्न लागिएको कार्यक्रममा छलफल, म्युजिक कन्सर्ट लगायत कार्यक्रम राखिएको छ।...

नेकपा एमालेले आज काठमाडौंमा वृहत जनप्रदर्शन र जनसभा गर्ने भएको छ । एमाले बागमती प्रदेश कमिटीको आयोजनामा बिहान ११ बजे प्रदर्शनीमार्ग भृकुटीमण्डपमा शान्तिपूर्ण जनप्रदर्शन तथा जनसभा गर्न लागिएको एमालेले जनाएको छ । एमालेका नेता, कार्यकर्ता, जनसंगठन र सम्पर्क समन्वय समितिबाट लागि पर्ने र्याली प्रदर्शनीमार्गमा जम्मा भई रत्नपार्क परिक्रमा गर्दै भृकुटीमण्डपमा प्रवेश गर्नेछ। आमसभामा पार्टी अध्यक्ष केपी शर्मा ओलीले सम्बोधन गर्ने बताइएको छ। प्रतिनिधिसभा विघटनविरुद्ध सडकदेखि अदालतसम्म सक्रियता देखाउँदै आएको एमालेले आजको प्रदर्शनलाई आन्तरिक शक्ति प्रदर्शनका रूपमा लिएको छ। पार्टीले संसद् विघटन र तत्कालीन सुशीला कार्की नेतृत्वको सरकारलाई असंवैधानिक भन्दै आलोचना गर्दै आएको छ। पोलिटब्युरो सदस्य महेश बस्नेतका अनुसार जनसभामा देशभरका नेता तथा कार्यकर्ताको उपस्थिति रहनेछ। विभिन्न जिल्लाबाट नेता तथा कार्यकर...

फागुन २१ गते हुने प्रतिनिधिसभा चुनावको लागि मतदाता नामावलीमा नाम दर्ता गर्ने समय सकिएको छ । यसअघि कात्तिक मसान्तसम्मका लागि नामावली दर्ताको समय रहेकोमा नयाँ मतदाताको दर्ताको चाप बढेपछि आयोगले शुक्रबारसम्मका लागि समय थप गरेको थियो । यसैबीचमा ७ लाखभन्दा धेरै नयाँ मतदाता थपिएको र सबै यकिन विवरण छिट्टै सार्वजनिक गर्ने आयोगले जनाएको छ । आयोगले राष्ट्रिय परिचयपत्रको विवरणका आधारमा मतदाता नामावलीमा नाम दर्ता गराउन मिल्ने व्यवस्था गरेपछि अनलाइनबाट नाम दर्ता गराउनेको सङ्ख्या थप बढेको थियो । आयोगले मतदाता नामावलीको त्रुटि सच्याउन यही मंसिर २१ देखि २७ गतेसम्मको समय तोकेको छ । नामावलीमा कुनै त्रुटि भएमा सच्याउन, कसैले झुटा विवरण दिई नामावलीमा नाम समावेश गरेको भए विरोधमा उजुरी दिन, कुनै मतदाताको नाम एकभन्दा बढी ठाउँमा समावेश भएकोमा एक ठाउँमा मात्र कायम गर्न निवेदन दिन तथा मृत्यु भएका वा नागरिकता ...

काठमाण्डौ- आउँदो फागुन २१ गते हुने प्रतिनिधिसभा चुनावको लागि मतदाता नामावलीमा नाम दर्ता गर्ने आज अन्तिम दिन हो । यसअघि कात्तिक मसान्तसम्म समयसीमा रहेकोमा निर्वाचन आयोगले आजसम्मको समय थप गरेको थियो । राष्ट्रिय परिचयपत्र नम्बर भएमा अनलाइनमार्फत नै नाम दर्ता गर्न सकिनेगरी आयोगले व्यवस्था मिलाएको छ । जैविक तथ्याङ्क अर्थात बायोमेट्रिकका लागि राष्ट्रिय परिचयपत्रसँग लिंक गरेपछि मतदाता नामावलीमा नाम दर्ता गराउन सकिन्छ । अहिलेसम्म सात लाखभन्दा धेरै नयाँ मतदाता थपिएका आयोगले जनाएको छ । यसैबीच निर्वाचन आयोगले मतदाता नामावलीको त्रुटि सच्याउन यही मङ्सिर २१ देखि २७ गतेसम्मको समय तोकेको छ । नामावलीमा कुनै त्रुटि भएमा सच्याउन, कसैले झुटा विवरण दिई नामावलीमा नाम समावेश गरेको भए विरोधमा उजुरी दिन, कुनै मतदाताको नाम एकभन्दा बढी ठाउँमा समावेश भएकोमा एक ठाउँमा मात्र कायम गर्न निवेदन दिन तथा ज्यान गएका वा...