मतदाता नामावली संकलनमा ९३ हजारभन्दा बढी नयाँ मतदाता थप
काठमाडौँ- कानुन संशोधनपछि सुरु गरिएको मतदाता नामावली संकलन अभियानमा करिब एक महिनामा ९३ हजार ३५१ नयाँ मतदाता थपिएका छन्।
निर्वाचन आयोगका अनुसार असोज १२ गतेदेखि सुरु गरिएको अभियानअन्तर्गत हालसम्म ५६ हजार ७१८ पुरुष, ३६ हजार ६२४ महिला र ९ अन्य मतदाता सूचीकृत भएका छन्।
आयोगले नयाँ मतदाता दर्ताका लागि कात्तिक ३० गते सम्मको समय तोकेको छ। आयोगका सूचना अधिकारी सुमन घिमिरेका अनुसार शनिबार र सार्वजनिक बिदा बाहेकका दिन कात्तिकभर नामावली दर्ता गराउन सकिनेछ।
हाल दैनिक ६–७ हजार मतदाता सूचीकृत भइरहेका छन्। आयोगले दर्ता अवधि सकिन लागेकाले महिनाको अन्त्यतिर दैनिक दर्ता हुने मतदाताको संख्या १० हजारसम्म पुग्ने अनुमान गरेको छ।
सरकारले जेन–जी आन्दोलनपछि प्रतिनिधिसभा विघटन गरी आगामी फागुन २१ गतेका लागि निर्वाचन मिति तोकेपछि, मतदाता नामावली ऐन संशोधन गरी निर्वाचन घोषणा भइसकेपछि पनि नयाँ मतदाता दर्ता ग...
