धनगढी- कैलालीको मध्यवर्ती क्षेत्रमा जारी जयपृथ्वीबहादुर सिंह गौरीगंगा राष्ट्रिय फुटबल प्रतियोगिताको उपाधिका लागि आज सुदुरपश्चिम प्रदेश र लुम्बीनी प्रदेश भिड्दैछन्
गौरीगंगा–११ स्पोर्टस क्लबको आयोजना र सुदूरपश्चिम खेलकुद परिषद्को तत्वाधानमा गौरीगंगामा जारी जयपृथ्वीबहादुर सिंह गौरीगंगा फुटबलको उपाधिका लागि आज महाशिवरात्रीकाे दिन सुदुरपश्चिम र लुम्बीनी प्रदेशबीच फाईनल खेल अर्थात उपाधि भिडन्त हुन लागेको हो ।
पहिलो सेमिफाईनलमा सुदुरपश्चिमले कर्णाली प्रदेशलाई १–० ले र लुम्बीनीको राईजिङ स्टार क्लब पनि बागमति प्रदेशको लक्की स्टार क्लबलाई १–० ले हराउँदै फाईनल पुगेका हुन् ।
प्रतियोगिताको विजेताले ५ लाख नगद सहित ट्रफी पाउनेछ भने उपविजेताले २ लाख पचास हजार नगदसहित ट्रफी मेडल पाउनेछ।
प्रतियोगिताको सर्वोत्कृष्ट खेलाडीले पचास हजार, उत्कृष्ट गोलरक्षक १५ हजार, उत्कृष्टरक्षक १५ हजार, उत्कृष्ट फरवार्ड १५ हजार, सर्वाधिक गोलकर्ता १५ हजार, उदयमान खेलाडी १५ हजार, फेयर प्ले टिमलाई १५ हजार पुरस्कार दिईनेछ। प्रत्येक खेलको म्यान अफ द म्याचले नगद पाँच हजार सहित ट्रफी दिईने आयोजकले जनाएको छ।
प्रतियोगितामा ७ वटा प्रदेशका टीमहरुको सहभागीता रहेको थियो।
