कञ्चनपुरमा एकजना वडाध्यक्ष सडकमा बसेर सेवा प्रवाह गर्दै, सडक कालोपत्रको माग
धनगढी- कञ्चनपुरमा एकजना वडाध्यक्षले सडकमा बसेर वडा कार्यालयको सेवा प्रवाह गरिरहेका छन् ।
जिल्लाको कृष्णपुर नगरपालिका-२ का वडाध्यक्ष अर्जुन साउँदले सडकमै बसेर वडा कार्यालयको सेवा प्रवाह गरिरहेका हुन ।
वडाध्यक्ष साउँदले सडकको प्रवेश बिन्दुमै टेबुल राखेर आइतबारदेखि सडक कालोपत्रको माग गर्दै सडकमै बसेर वडा कार्यालय सञ्चालन गरेका छन् ।
ठेक्का सम्झौता भएको लामो समयदेखि बंक-नायल-बुडर सडक कालोपत्र कार्य नभएपछि वडाध्यक्ष साउदले निर्माण व्यवसायी र पूर्वाधार विकास कार्यालयलाई दबाब दिन सडकमै कार्यालय सञ्चालन गरेको बताए ।
कालोपत्र गर्ने कार्यको सुनिश्चितता नहुँदासम्म सडकमै कार्यालय सञ्चालन गर्ने समेत उनले बताए । ‘पटक-पटक सडक स्तरोन्नती र कालोपत्रका लागि ठेक्का सम्झौताको म्याद थप्ने कार्य बाहेक सडक कालोपत्र कार्यको प्रगति हुनसकेको छैन,’ वडाध्यक्ष साउदले भने, ‘सडकका खाल्डाखुल्डी पुर्ने कार्यमै बजेट सि...












