बझाङ जिल्लाकाे खप्तड छान्ना गाउँपालीकामा पक्की पुल निर्माण भईरहेकाे छ ।
खप्तड छान्ना गाउँपालीकाकाे वडा नम्बर ७ गडरायमा निर्माण भईरहेकाे पुलमा काम गर्न आएका ठेकेदारले स्थानीयकाे ८४ लाख रुपैयाँ खाएर फरार भएका छन ।
गडरायका स्थानीयहरुबाट काम गर्न आएका ठेकेदार भद्र बहादुर शाहीले ८४ लाख रुपैयाँ स्थानीय बाट मागेर फरार भएको स्थानीयहरुकाे आराेप छ । ठेकेदार शाहीले विगत २०७५ सालमा सम्झाैता गरेर २०७८ सालमा काम सम्पन्न गरिसक्नु पर्ने भएता पनि अहिलेसम्म पुलको काम लथालिङ्ग अवस्थामा देखिन्छ । ठेकेदारकाे लापरबाहीले पुल अलपत्र परेको छ । पुल अलपत्र पर्दा बझाङ बाजुरा आवतजावतमा समस्या हुने गरेको स्थानीयहरुले बताउदै आएका छन ।
अमर कन्टक्सन मार्फत निर्माणाधीन पुल अलपत्र अवस्थामा देखिन्छ भने ठेकेदार शाहीले स्थानीयकाे ८४ लाख रुपैयाँ खाएर फरार रहेको वडा नम्बर ७ का निर्वतमान वडा अध्यक्ष रामबहादुर सिँहले बताए । अध्यक्ष सिँहले भने,आफू वडा अध्यक्ष हुदा वडामा ठेकेदारले स्थानीयकाे तिर्नुपर्ने पैशा भनेर ८४ लाखको कागज बनाएको उनको भनाइ छ । ठेकेदारले स्थानीयकाे पैशा अहिलेसम्म नतिरेको भन्दै सिँह आक्राेसमा उत्रेका हुन ।
सयाैँ स्थानीयहरुकाे लाखौं रुपैयाँ खाएर ठेकेदार फरार भए पछि स्थानीयहरु आक्राेसमा देखिन्छन । यदि ठेकेदारले काम गरेको पैशा र आफू बाट लिएको सापटी पैशा नदिए जिल्ला प्रशासन लगायत सम्वन्धित निकायमा धाउने बताएका छन । करिव ६ कराेड लागतमा सम्झौता भएकाे पुल अलपत्र अवस्थामा छ । रकम दिनु पर्ने स्थानीयहरुमा वीर बहादुर राेकाया चक्र राेकाया ज्ञान बहादुर राेकाया, वीर बहादुर राेकाया बिरेन्द्र बिष्ट माेहन थापा ,गगन राेकाया रामबहादुर सिँह लगायत सयाै स्थानीयकाे पैशा तिर्न बाकी छ ।
साथै स्थानीय सरकार खप्तड छान्नाका प्रवक्ता तथा वडा नम्बर ७ का वडा अध्यक्ष रमानन्द जाेशीले भने,आफू जनताको जनप्रतिनिधि भएको कारण जसरी भए पनि ठेकेदारले छिटोभन्दा छिटो स्थानीयकाे पैशा फिर्ता गर्नु पर्ने यदि नगरे स्थानीयलाई ठगेमा कानुनी बाटाेमा जानू पर्ने बताउनु भयाे । यता ठेकेदारले भने स्थानीयले काम गर्न नदिएकाे आराेप लगाउनुकाे साथै आफुले पैशा तिर्ने अझै २ कराेडकाे काम हुन बाकी रहेको बताउनु भयाे ।
