बझाङ- बझाङको केदारस्यूँ गाउँपालिकाले शैक्षिक स्तर सुधार गर्नका लागि शिक्षकहरूलाई क्षमता विकास तालिम प्रदान गरेको छ । गाउँपालिकाले कक्षा ८ र १० मा गणित, विज्ञान र अंग्रेजी विषय अध्यापन गराउने विषयगत शिक्षकलाई २ दिने क्षमता विकास तालिम प्रदान गरेको हो ।
शिक्षण सिकाइलाई प्रभावकारी बनाउने, विद्यार्थीको सिकाइ स्तर सुधार गर्ने तथा परीक्षा उत्तीर्ण प्रतिशत वृद्धि गर्न तालिम सञ्चालन गरिएको गाउँपालिकाले जनाएको छ।
यो तालिम शैक्षिक अभियान वर्ष अन्तर्गत सञ्चालन गरिएका थप नवीन कार्यक्रमहरूमध्ये एक रहेको निमित्त प्रमुख प्रशासकीय अधिकृत केशवराज भट्टले जानकारी दिए । उनले शिक्षकको क्षमता विकासमार्फत गुणस्तरीय शिक्षा सुनिश्चित गर्ने लक्ष्यसहित यस्ता कार्यक्रमहरूलाई निरन्तरता दिइने बताए
तालिमबाट शिक्षकहरूको पेशागत दक्षता अभिवृद्धि भई विद्यालय तहको शैक्षिक गुणस्तरमा सकारात्मक प्रभाव पर्ने अपेक्षा गरिएको छ।
तालिममा विज्ञ स्रोत शिक्षक तथा अनुभवी र उच्च सिकाइ उपलब्धि हासिल गरेका प्रभावशाली व्यक्तिहरूले सहजकर्ताको भूमिका निर्वाह गरेका थिए। २८ जना विषयगत शिक्षक सहभागी उक्त तालिम शिक्षोदय माध्यमिक विद्यालय बागथलामा मंसिर २६ र २७ गते सञ्चालन गरिएको थियोे ।
गाउँपालिकाले यसअघि पनि शैक्षिक स्तर सुधारका लागि अतिरिक्त कक्षा सञ्चालन लगायतका विभिन्न कार्य गरेको छ ।
