धनगढी- बझाङका विभिन्न स्थानीय तहका विद्युत् सेवाबाट वञ्चित बस्तीहरूमा यथाशीघ्र राष्ट्रिय प्रसारण लाइन विस्तार गर्न माग गरिएको छ।
सोमबार जेन-जी अगुवा कमल सि ले विद्युत् सेवाबाट वञ्चित बस्तीहरूमा यथाशीघ्र राष्ट्रिय प्रसारण लाइन विस्तार गर्न माग गर्दै ऊर्जा, जलस्रोत तथा सिंचाइ मन्त्रालयमा ज्ञापनपत्र बुझाइएका हुन्।
उनलेे विद्युत सेवाबाट वञ्चित दुर्गाथलि गाउँपालिका वडा नं. ५, ६ र ७, थलारा गाउँपालिका वडा नं. २, ३, ४, ७ र ८, केदारस्यूँ गाउँपालिका वडा नं. ६, ७ र ८ र बुङ्गल नगरपालिका वडा नं. २, ३ र १० लगायतका बस्तीहरूमा तत्काल राष्ट्रिय प्रसारण लाइन विस्तार गर्नुपर्ने माग राखेका छन्।
त्यस्तै सुदूरपश्चिमकै बहुप्रतीक्षित पश्चिम सेती जलविद्युत् आयोजना तत्काल कार्यान्वयनमा लैजान सरकारसँग माग गरेका छन् । ज्ञापनपत्रमा लामो समयदेखि चर्चामा रहेको पश्चिम सेती जलविद्युत् आयोजना को कार्यान्वयन प्रक्रिया छिटो अघि बढाउन तथा ठेक्का लिएर ढिलासुस्ती गर्ने निर्माण व्यवसायीहरूलाई काम सुचारु गरी निर्धारित समयमै सम्पन्न गराउन भनिएको छ ।
ज्ञापनपत्रमार्फत स्थानीय विकास, पूर्वाधार विस्तार तथा ऊर्जा पहुँच सुनिश्चित गर्न सरकार गम्भीर बन्नुपर्ने माग गरिएको छ।
