कैलालीमा आगलागी : घर जलेर नष्ट, १५ वर्षीया धामी घाइते, लाखौँको क्षति

रमित ओली, हसुलिया- कैलालीको कैलारी गाउँपालिका-१ मझेरामा आगलागी हुँदा एक घर र गोठ पूर्ण रूपमा जलेर नष्ट भएको छ । आज दिउँसो करिब साढे २ बजे पुष्पा धामीको घर र गोठमा आगलागी भएको हो ।
आगलागीमा १५ वर्षीया यमुना धामी घाइते भएकी छन्। उनको अवस्था सामान्य रहेको बताइएको छ। घटनामा तीन वटा बाख्राको मृत्यु भएको छ भने एक भैंसी  जलेर घाइते भएको  छ ।
स्थानीयका अनुसार आगलागीबाट करिब ८ लाख रुपैयाँ बराबरको क्षति भएको अनुमान गरिएको छ। आगो कसरी लागेको हो भन्ने विषयमा हालसम्म खुल्न सकेको छैन । घटनाबारे थप अनुसन्धान भइरहेको प्रहरीले जनाएको छ।
यमुनाको हसुलिया अस्पतालमा उपचार भइरहेको छ ।