तिन दल को एकता सङ्ग स्वतन्त्र लड्दै डबल शाह

कैलालीको घोडाघोडी नगरपालिकामा रहेको घोडाघोडी बहुमुखी क्याम्पसको नेतृत्वका लागि निर्वाचन हुने भएको छ । जस अन्तर्गत शनिवार मनोनयन दर्ता सकिएको छ । क्याम्पस नेतृत्वको लागि डबल शाह र लक्ष्मण न्युरे चुनावी मैदानमा छन् ।
सधैँ जसो राजनीतिक खिचातानी देखिने क्याम्पस सञ्चालक समितिको निर्वाचन यस पटक भने अलि भिन्न जस्तै देखिएको छ । नेपाली काँग्रेस, नेकपा एमाले र नेपाली कम्युनिस्ट पार्टीले अध्यक्षका उम्मेदवार लक्ष्मण न्युरेलाई सघाउने लगभग निश्चित जस्तै छ भने हाल सम्म राजनीतिमा नखुलेका डबल शाह आफ्नो प्यानल सहित स्वतन्त्र उम्मेदवार बनेका छन् ।
सबै दलहरु मिलेर साझा उम्मेदवार उठाउदा पनि मतदाताको मन जित्ने दाउमा शाह छन् । शाहले आफ्नो उपाध्यक्षमा भानुभक्त आचार्यलाई अघि सारेका छन् भने न्युरेले आयुष जोशीलाई अघि सारेका छन् ।
खुल्ला ३ जना सदस्यका लागि प्रेम प्रसाद कँडेल, जनक जोशी, रमेश कुमार बस्नेत र सीता कुमारी चौधरी गरी ४ जनाको उम्मेदवारी परेको छ । १ जना महिला सदस्यका लागि नारायणी कुमारी गौतम र राधा कुमारी पाण्डेको उम्मेदवारी परेको छ । २ जना दलित/जनजाति सदस्यका लागि मनोज कुमार सुनार, जगत बहादुर विश्वकर्मा र अमन चौधरी गरी ३ जनाको मनोनयन दर्ता भएको छ ।