धनगढी- कैलालीमा एसईईको अंग्रेजी विषयको प्रश्नपत्रसहित एक जना शिक्षक पक्राउ परेका छन । जिल्लाको लम्किचुहा नगरपालिका -४ कैवापुरमा रहेको सरस्वती माध्यमिक विद्यालयका शिक्षक दीपक धमाला प्रश्नपत्रसहित पक्राउ परेका हुन ।
उनलाई राष्ट्रिय माध्यमिक विद्यालय मोतिनगर परीक्षा केन्द्र नजिकैबाट पक्राउ गरेको जिल्ला प्रहरी कार्यालयले जनाएको छ । इलाका प्रहरी कार्यालय लम्कीका अनुसार उनी परीक्षा केन्द्रबाट करिब २०० मिटर टाढा प्रश्नपत्र हल गर्दै गरेको अवस्थामा भेटिएका थिए।
प्रहरीका अनुसार धमलाको मोबाइलमा रहेको म्यासेन्जर चेक गर्दा अछामबाट महेन्द्र धमलाले उनलाई प्रश्नपत्र पठाएको देखिएको छ। उक्त प्रश्नपत्र बिहान ९ः३५ बजे मोबाइलमा आएको खुलेको छ। ‘उनी प्रश्नपत्र हल गरेर बसिरहेको अवस्थामा पक्राउ परेका हुन्। उनले कसैलाई चिट चोराएको भने देखिएको छैन ।
