धनगढी- कञ्चनपुरमा सामुदायिक वनका अध्यक्ष पक्राउ परेका छन् । जिल्लाको लालझाडी गाउँपालिका–४ स्थित जयदुर्गा सामुदायिक वनबाट सालको रुख कटानी गरेको आरोपमा वनका अध्यक्ष दानसिंह कार्की पक्राउ परेका हुन् ।
लालझाडी सवडिभिजन वन कार्यालयले अध्यक्ष कार्कीलाई पक्राउ गरेको हो । कार्कीले सामुदायिक वन क्षेत्रबाट सालको रुख काटेर काठ तस्करी गरेको वन कार्यालयको दाबी छ ।
सामुदायिक अध्याक्षकै संलग्नतामा सालको रुख काटिएपछि उनलाई पक्राउ गरिएको लालझाडी सवडिभिजन वन कार्यालयका प्रमुख करुणकर जोशीले जानकारी दिए । उनका अनुसार उनीसँगै सालको २८.३४ क्यूफिट काठ बरामद गरिएको छ। उनलाई वन ऐन २०७६ तथा वन नियमावली २०७९ अनुसार कारबाही गरिने वन अधिकृत जोशीले बताए ।
