डोटीको केदार सूर्य बहुमुखी क्याम्पसको सभापतिमा अखिल क्रान्तिकारीकी बोहरा निर्वाचित

धनगढी- डोटीको केदार सूर्य बहुमुखी क्याम्पस बिपिनगरको स्ववियु सभापतिमा अखिल (क्रान्तिकारी) की यशोदा बोहरा निर्वाचित भएकी छन् । अखिल (क्रान्तिकारी) र अनेरास्ववियूको तर्फबाट उम्मेदवार रहेकी बोहराले नेपाल विद्यार्थी संघकी रमिता बोहरालाई पराजित गर्दै सभापति पदमा निर्वाचित भएकी हुन् । यशोदाले ४६ मत ल्याइन भने उनी प्रतिद्वन्द्वी रमिताले ३७ मत प्राप्त गरेकी थिइन् ।
त्यस्तै सचिवमा अनेरास्ववियूका विक्रम साउँद निर्वाचित भएका छन् । सचिव पदका लागि साउँद र नेविसंघका भक्त पातलीले समान ४२ मत प्राप्त गरेका थिए । गोलापर्थाबाट साउद चुनिएका हुन् । कोषाध्यक्षमा नेबिसंघकी हिरा मन्नी निर्वाचित भएकी छिन् । उनले अखिल (क्रान्तिकारी) की उमा बोहरालाई पराजित गरेकी छन् ।