Advertisement
काठमाडौँ, २१ असोज । राष्ट्रिय स्वास्थ्यकर्मी महासंघ नेपालले आइतबार बृहत रक्तदान कार्यक्रमको आयोजना गरेको छ । वीर अस्पतालमा गरिएको रक्तदान कार्यक्रममा ४२ जना स्वास्थ्यकर्मीहरुले रक्तदान गरेका छन् ।
अघिल्लो साता काठमाडौँ उपत्यका लगायत देशका विभिन्न भागमा आएको अविरल बर्षा पछि सिर्जित्त विपत्तीले अस्पतालहरुमा रक्त अभाव भएपछि रक्तदान कार्यक्रमको आयोजना गरेको महासंघले जनाएको छ ।
महासंघका प्रचार विभाग सचिव नहर्बु फुर्वा दोर्जेका अनुसार रक्तदानका लागि काठमाडौँ उपत्यकामा रहेका महासंघ आवद्ध स्वास्थ्यकर्मीहरु खटिएका थिए ।
कार्यक्रममा नेकपा एमालेका स्थायी समिति सदस्य एवं सांसद कृष्णगोपाल श्रेष्ठ र अध्यक्ष डा. झलक शर्मा गौतमले रक्तदातालाई रक्त संकलन थैली दिएर शुभारम्भ गरेका थिए ।
दोर्जेले महासंघ विपद पीडितको साथमा रहेको भन्दै पछिल्लो समय बढ्दो डेंगी संक्रमणबाट जोगिन र आउँदै गरेको चार पर्वमा स्वस्थ खानपान र जीवनशैली अपनाउन समेत आग्रह गरिएको बताए ।
कामनाटुडे निष्पक्ष पत्रकारिताको दृढ पहरेदार हो, जसले समाचार, विचार, मनोरञ्जन, खेलकुद, विश्व, प्रविधि र जीवनका विविध आयाम उजागर गर्छ। मर्यादित समाज र समृद्धिको यात्रामा अघि बढ्दै हामि आवाजविहीनहरूको बुलन्द स्वर बनिरहेका छौँ । यदि तपाईंसँग भ्रष्टाचार वा अनियमितताको कुनै प्रमाण छ भने, हामीलाई पठाउनुहोस्। सत्य उजागर गर्न कटिबद्ध कामनाटुडे तपाईंको गोपनीयता सुरक्षित राख्नेछ। सचेत नागरिक बनौं, अन्यायविरुद्ध उभिऔं!
केन्द्रिय कार्यालयः सुदूरपश्चिम प्रदेश धनगढी कैलाली
फोन नम्बर – ०९१-५९०९३३
