Day: २०८१ आश्विन ८, मंगलवार १८:०३

केही समय सुस्ताएको मनसुन फेरि सक्रिय भएको छ । जसअनुसार मंगलबारदेखि साताभर वर्षाको सम्भावना रहेको छ । बिहीबारदेखि शनिबारसम्म भने देशभर वर्षा हुने मौसम पूर्वानुमान महाशाखाले जनाएको छ । ‘मंगलबार दिउँसोदेखि बादल लागेर वर्षा हुन्छ, शनिबारम्म वर्षाको सम्भावना छ,’ मौसमविद् गोविन्द झाले भने, ‘बंगालआसपास बनिरहेको न्यूनचापीय प्रणाली उत्तर पश्चिमतिर सर्दै छ । स्थानीय वायुको पनि असर र मनसुनी प्रभावका कारण वर्षा हुन लागेको हो ।’ बंगालको खाडीबाट प्रवाह हुने जलवाष्पयुक्त हावाको प्रभावका कारण मंगलबार दिउँसोदेखि देशभर बादल लाग्नेछ । दिउँसो लुम्बिनीका पश्चिमी भूभाग तथा सुदूरपश्चिमका तराईका धेरै स्थानमा हल्का वर्षा तथा केही स्थानमा मध्यम वर्षा र एक–दुई स्थानमा भारी वर्षाको सम्भावना छ । कोशी, बागमती, गण्डकी र कर्णालीका केही स्थानमा पनि वर्षा हुने देखिएको छ । बुधबार सातवटै प्रदेशका केही स्थानमा मध्यम ...