डोटि: डोटिको शिखर नगरपालिका वडा नम्बर ६ का वडाध्यक्ष धिर्क बहादुर सिंहले कामना टेलिभिजनमा प्रकाशित समाचारको खण्डन गर्दै प्रतिकारमा उत्रीएका छन् ।
कामना टेलिभिजनले गत भदौ १० गते स्थानीय संग सरोकार कार्यक्रमद्वारा ´डोटीको शिखर नगरपालिका का वडाअध्यक्ष को रजगज , वडावासी भन्छन “चुनाव जितेपछि वडाअध्यक्ष को वडा कार्यलयमा मुख हेर्न पाएको छैनौ वडामा कुनै काम पर्यो कि वडाअध्यक्ष को घर जान पर्छ कि नगरपालिका । ” वडा कार्यालयमा नत वडाअध्यक्ष हुन्छन नत कर्मचारी नै हरिबिजोक ।` शिर्षकमा प्रशारण गरिएको समाचारको प्रतिकार गरेका हुन् ।
वडाध्यक्ष सिंहले कामना टेलिभिजन बाट प्रशारित उक्त भिडियोलाई र आफूमाथी लागेका आरोपलाई कमजोर बनाउन आफू निकटका व्यक्तीद्वारा सामाजिक संजालमा कामना टेलिभिजनका पत्रकारले आफ्ना विपक्षीद्वारा तेह्र लाख घुस खाएर समाचार लेख्को समेत आरोप लगाएका छन ।
को हुन् वडाध्यक्ष धिर्क बहादुर सिंह
स्थानीय तह २०७९ को निर्वाचनमा नेपाली कांग्रेसबाट निर्वाचित बनेका धिर्क बहादुर सिंह शिखर नगरपालिकाका केही समय अघिका प्रवक्ता समेत थिए । नगरपालिकामा स्थानीयद्वारा दैनिक उनको बिरोध भएपछि उनले प्रवक्ताबाट राजिनामा दिन बाध्य समेत भएको खुलेको छ । स्थानीय तहको निर्वाचनमा प्रमुख प्रतिपक्षी पार्टी नेकपा एमालेका उम्मेदवार तेज बहादुर साउद संग ६५ मतले बिजयी बनेका सिंह निर्वाचित समय देखि वडामा गएका छैनन् । वडामा वडाध्यक्षको रोहवरमा लिनुपर्ने सेवा सुविधा र अन्य पत्रको लागि स्थानीयले कि त वडाध्यक्ष सिंहको घर कि त नगरपालिका धाउनुपर्ने स्थानीय बताउँछन् ।
कामना संवाददातालाई धम्किपुर्ण फोन
कामना टेलिभिजनका प्रबन्धक समेत रहेका भरत साउँद (आलोक) ले शिखर नगरपालिका वडा नम्बर छ मै स्थलगत रिपोर्ट गर्दा त्यताका जनताले वडाको बेथिति बारे भिडियोमै प्रष्ट भनेका छन् । स्थलगत रिपोर्टिङमा वडा कार्यालयमा वडा कार्यालय उदाङ्ग देखिन्छ । त्यता न कर्मचारी देखिन्छन् न त जनप्रतिनिधि नै । वडाबाट अत्यावश्यक सेवाको लागि आउने स्थानीय रित्तो कार्यालय हेरेर फर्किन्छन् । सबै कुरा कामना टेलिभिजनमा प्रशारित भिडियोमा हेर्न सकिन्छ तर भिडियो प्रशारण गरिसकेपछि वडाध्यक्ष सिंहले फोनमार्फत धम्किपुर्ण भाषा प्रयोग गरेका छन् । ´तपाईंको अफिसमै आएर तपाईं संग विशेष तरिकाले भेट्न चाहान्छु, यस्तो समाचार लेख्ने मेरो ?` भन्दै वडाध्यक्ष सिंहले कामनाका प्रबन्धक समेत रहेका भरत साउँदलाई समाचार प्रशारणमा अंकुश लगाएका छन् ।
वडाध्यक्ष सिंहको नियोजित आरोप
वडाध्यक्ष सिंहले कामनामा सो भिडियो प्रशारण भएपछि आफ्ना पार्टिका नजिकका कार्यकर्ता र आफन्तद्वारा सामाजिक संजालमा भ्रम फैलाएका छन । नगरप्रमुखले १३ लाख दिएर वडाध्यक्ष विरुद्ध न्यूज बनाउन लगाएको भन्ने भ्रम जनमानसमा फैलाईरहेका समेत छन । कामनाका प्रबन्धक समेत रहेका भरत साउँद (आलोक) लाई १३ लाख लिएर समाचार बनाएको हो ? भन्दा उहाँले भन्नेहरु जिम्मेवार पदको मान्छे भएको र उहाँले मैले पैसा लिएको प्रमाण नदिए म कानुनी प्रक्रियामा जाने समेत बताएका छन ।
जनप्रतिनिधि र प्रतिपक्षी नै वअडाध्यक्षको बचाउमा
शिखर नगरपालिका वडा नम्बर ६ का वडाध्यक्ष धिर्क बहादुर सिंहको बचाउमा जनप्रतिनिधि र प्रतिपक्षि नै लागेका छन् । स्थानीय तह २०७९ मा शिखर नगरपालिका वडा नम्बर १ मा नेपाली कांग्रेसबाट बिजयी भएका दिपक बहादुर बोगटिले सामाजिक संजाल फेसबुक मार्फत ´१/३/६ मिसन पत्रकार १३ लाख काण्ड’ भन्दै लेखेका छन् । त्यस्तै स्थानीय तह शिखर नगरपालिकामा २०७९ मा नेकपा एमालेबाट पराजित भएका भिम बहादुर बलायरले सामाजिक संजालमा ´नगरपालिकाको कुनै पनि विषय बारे आलोचना हुन लाग्यो भने झोले पत्रकारिताको शरण लिएर स्पष्टीकरण दिने पत्रकार एवं पत्रकारिता क्षेत्रमाथि पनि पुन: ठूलो अन्याय गर्नु भएन र ? काम गर्ने कालू, मकै खाने भालू….प्रसंग १३ लाखको ?’ भन्दै परिचालित भएर लेखेको देखिन्छ । वडाध्यक्ष सिंहको बचाउमा लागिपरेका यिँ दुई जनाले परिचालित भएर स्टाटस लेखेको प्रष्ट बुझिन्छ । १३ लाख बारे कुनै प्रमाण भए उपलब्ध गराउन भनेर बारम्बार भिमबहादुर बलायर र वडाध्यक्ष सिंहलाई फोन गर्दा कुनै प्रतिक्रिया दिएका छैनन् ।
छैनन् वडामा सचिव
शिखर नगरपालिका वडा नम्बर ६ मा वडा सचिव नहुँदा स्थानीयलाई सास्ती भएको छ । वडा सचिव नहुँदा र वडाध्यक्ष कार्यालयमा नबस्दा सानो कामका लागि पनि दुई घन्टा हिँडेर नगरपालिका पुग्नुपर्ने स्थानीय बताउँछन् । पटक पटक सचिवलाई सरुवा गराउँदै बसेका वडाध्यक्ष सिहँ भने कार्यकर्ता र आफन्तद्वारा अफवाह फैलाउनमै व्यस्त देखिन्छन् ।
हेर्नुहोस् कामना टेलिभिजनले गरेको स्थलगत रिर्पोटको भिडियो
