कैलाली – कैलालीको लम्किचुहा नगरपालिका बाहुनपुरको चौधरी बस्तीमा कपडा वितरण गरिएको छ ।
वैदेशिक रोजगारीमा रहेका सर्ला श्रेष्ठ दम्पती, सीता अधिकारी, देवी खरेल पाण्डे, मेनुका यङछङबो लिम्बु, गुरास राई र राजा अ सन्जुको आर्थिक सहकार्यमा उक्त कपडा वितरण गरिएको हो ।
उक्त बस्तीमा केहि महिना अगाडि अभियन्ता लक्ष्मी कुँवर बोगटी आफैं गएर त्यहाँको अवस्थालाई सामाजिक सञ्जालमा पोस्ट गरेकी थिइन् ।
त्यहाँको नाजुक अवस्था देखेपछि प्रवासमा रहेका नेपालीहरु सहयोग मिलेको र सोही रकमबाट उक्त वस्तीमा कम्बल र टोपी सहयोग गरिएको उनले बताइन् ।
उक्त कपडा वितरण कार्यक्रममा सोही वडाका वडा अध्यक्ष लोकेन्द्र कठायत, समाजसेवी देबिका कार्की, किरण क्षेत्रीको उपस्थिति रहेको थियो ।
कार्यक्रममा बोल्दै लक्ष्मी बोगटी कुँवरले जम्मा ३५ कम्मल मध्य यहाँ १२ र बाकी गौरिगङ्गा नगर पालिकामा बाड्ने बताएकी छन् ।
