धनगढी – धनगढी उपमहानगरपालिका-१ हसनपुर, ‘TCN’ चोकमा रहेको साइनो एजुकेसन एक वर्ष भित्रै शिक्षासँग नाता जोड्न सफल भएको छ। खुलेको छोटो समयमै साइनोले आफ्नो उष्कृटता देखाउँदै आएको छ।
सुदूरपश्चिममै राम्रो पढाइको वातावरण उपलब्ध गराउने उद्देश्यले युवा व्यवसायी रोहित चन्द र पदमराज जोशीले सञ्चालनमा ल्याइएको साइनो एजुकेशनमा बिद्यार्थीहरुको निक्कै चहलपहल देख्न सकिन्छ।
साइनोले भाषा कक्षाहरुलाई विशेष जोड दिँदै जापानीज, कोरियन, अङ्ग्रेजी लगायत भाषाहरू पढाउँदै आइरहेको छ ।
यस्तै अध्ययनका लागि विदेश जाने विद्यार्थीहरूलाई उचित परामर्श र सत्य सूचना दिँदै IELTS/PTE का पनि उत्कृष्ट कक्षाहरू संचालन गरेको छ।
साइनोमा कक्षा लिन थालेपछि आफ्नो पढाइमा सुधार भइरहेको साइनोमा अध्ययनरत विद्यार्थीले बताएका छन्। त्यहाँ अध्ययनरत विद्यार्थका अनुसार साइनोमा विषय शिक्षकको कमी नभएको र राम्रो गुणस्तरमा पढाइ हुने बताएका छन्।
व्यवस्थित कक्षाकोठा, नि:शुल्क शैक्षिक सामग्री उपलब्ध गराउने साइनोमा उचित पार्किङको पनि व्यवस्था गरिएको छ।
सुदूरपश्चिममै राम्रो पढाइको वातावरण मिलाउने र यहाँका विद्यार्थीलाई धनगढीमै उत्कृष्ट शिक्षा दिन साइनोले सधै भूमिका खेल्ने सञ्चालकले बताएका छन्।
शिक्षा क्षेत्रमा विश्वासिलो र भरपर्दो संस्थाका रुपमा परिचय बनाउँदै गइरहेको साइनो एजुकेसनले सुदूरपश्चिमका विद्यार्थीहरुलाई काठमाण्डौं जानुपर्ने बाध्यताको अन्त्य गर्नेतर्फ आफूहरुको ध्यान रहेको अध्यक्ष रोहित चन्दले बताएका छन्।
त्यस्तै लामो समय कोरिया बसेका र काठमाण्डौं समेत पढाई सकेका प्रशिक्षकबाट कक्षा सञ्चालन गराउँदै आएको उनले बताए।
भाषा कक्षाहरुमा छोटो समयमा सयौं विद्यार्थीहरुको मन जित्न सफल साइनो एजुकेशनले EPS topic exam का लागि आफ्नै ट्याबसहितको ल्याब बनाएको छ, जसमा हरेक दिन विद्यार्थीहरू परीक्षा दिइरहेको देखिन्छ।
हरेक शनिबार बिद्यार्थीहरुको साप्ताहिक परीक्षा सञ्चालन गरिने र फिडब्याक दिने काम हुने गरेको छ। जसले गर्दा बिद्यार्थीहरुको हरेक हप्ताको मूल्यांकन हुने र पढाइ सुधार गर्न मद्धत मिल्ने गरेको छ। साइनोले आफ्नै मेटेरियलसको पनि व्यवस्था गरेको छ।
यस शिक्षा नगरी धनगढीमा रहेको साइनो एजुकेसनले सुदूरपश्चिममा रहेका विद्यार्थीहरुलाई भरपर्दो सेवा दिँदै आइरहेको छ ।
