Day: २०८० पुष २१, शनिबार २०:५४

धनगढी - सुदूरपश्चिम प्रदेशका मुख्यमन्त्री कमलबहादुर शाहले पश्चिम सेती जलविद्युत आयोजनाको काम छिट्टै सम्पन्न गर्न निर्देशन दिएका छन् । प्रदेशको आर्थिक विकासका लागि गेमचेन्जर परियोजनाको रूपमा रहेको पश्चिम सेतीको निरीक्षण गर्दै उनले परियोजना निर्माण कम्पनीका महाप्रबन्धक प्रकाशचन्द्र उपाध्यायलाई काम छिटो पूरा गर्न निर्देशन दिएका हुन् । ७५० मेगावाटको पश्चिमसेती जलविद्युत आयोजनालाई भारतीय कम्पनी एनएचपीसीले निर्माण गर्नेछ ।  आयोजना अन्तर्गत राता पड, लुवाखडी सुरुङको काम गर्न माटो परीक्षणको कार्य थालिएको छ । माटो परीक्षण गर्ने कार्यको मुख्यमन्त्री शाहले उद्घाटन गरेका छन् । ...

कञ्चनपुर -  कञ्चनपुरमा आजदेखि जलपन्छी गणना सुरु भएको छ । राष्ट्रिय निकुञ्ज तथा वन्यजन्तु संरक्षण विभागको अगुवाइमा शुक्लाफाँटा राष्ट्रिय निकुञ्ज, राष्ट्रिय प्रकृति संरक्षण कोष, नेपाल पन्छी संरक्षण सङ्घ, हिमालयन नेचरगाइड, शुक्लाफाँटा नेचर गाइड एसोसिएसनलगायत सङ्घसंस्थाले जलपन्छी गणना थालेका हुन् । जलपन्छी गणना आजदेखि माघ ७ गतेसम्म जारी रहने नेपाल पन्छी संरक्षण सङ्घका चराविज्ञ हिरुलाल डंगौराले बताए । उनका अनुसार शुक्लाफाँटा राष्ट्रिय निकुञ्जभित्रमा सिमसार क्षेत्र, ताल तलैया, नदीलगायत र निकुञ्जबाहिरका जलाधार क्षेत्रमा जलपन्छी गणना हुनेछ । निकुञ्जबाहिरका क्षेत्रमा डिभिजन वन कार्यालयसँग समन्वय गरी जलपन्छी गणना हुने चराविज्ञ डंगौराले बताए ।  सिमसार क्षेत्रमा आश्रित रैथाने र आगन्तुक चराको विवरण तथा अवस्था पत्ता लगाउन, सङ्ख्याको अद्यावधिक गर्न हरेक वर्षको यसै दिनदेखि जलपन्छी गणना हुँ...

बाजुरा - बाजुराको एक पसलमा आगलागी भएको छ । जिल्लाको खप्तड छेडेदह गाउँपालिका–७ लमगाउँका भीमबहादुर रावतको खद्रा पसलमा बिजुलीको तार सर्ट भएर आज (शनिबार) बिहान आगलागी भएको हो ।  आगलागीबाट करिब ६ लाख मुल्यको धनमाल जलेर नष्ट भएको अनुमान गरिएको छ । पसलभित्र रहेका चामल, लत्ताकपडा, मदिरा, खुद्रा सामान, इलेक्ट्रोनिक सामाग्री, भाडाबर्तन, रिचार्ज कार्ड, नगद लगायतका सामानहरु जलेर करिब पाँच लाख ९१ हजार बराबरको धनमाल जलेर नष्ट भएको प्रहरीले जनाएको छ ।  प्रहरी र स्थानीय सहयोगमा आगो नियन्त्रणमा लिने काम भएको थियो । क्षतिको एकिन विवरणबारे थप अनुसन्धान भइरहेको प्रहरीले जनाएको छ ।...

धनगढी - कैलालीको धनगढी–अत्तरिया सडकमा साइकल सेन निर्माण गरिएको छ । कैलाली भन्सारदेखि धनगढी विमानस्थल मार्गसम्मको सडकमा उपमहानगरपालिकाले साइकल लेन निर्माण गरेको हो । धनगढी उपमहानगरपालिकाले गत कात्तिकमा १४ किलोमिटर सडकमा साइकल लेन निर्माणका लागि ठेक्का सम्झौता गरेको थियो ।

धनगढी - एनआइसी एसिया लघुवित्त वित्तीय संस्था सुदूरपश्चिम प्रदेश अन्तर्गत उप प्रदेश कार्यालय बौनिया शाखाद्वारा वित्तीय साक्षरता तालिम तथा सहयोग कार्यक्रम गरिएको छ । उक्त शाखाद्वारा बसन्त मुरारी नमूना माध्यमिक विद्यालयका माध्यमिक तहमा अध्यनरत विद्यार्थीहरुलाइ वित्तीय साक्षरता तालिम  र अती विपन्न तथा जेहेन्दार विद्यार्थीहरुलाइ जुत्ता र झोला वितरणका साथै उत्कृष्ट विद्यार्थीलाई पुरस्कारसमेत वितरण गरिएको हो । साथै विद्यालयलाई फोहोर व्यवस्थापन गर्न डस्ट्बिन पनि वितरण गरिएको थियो । उक्त कार्यक्रममा विद्यालय  व्यवस्थापन समितिका  पदाधिकारी  बर्दगोरिया गाउँपालिकाका शिक्षा शाखा प्रमुख, विद्यालयका सम्पूर्ण शिक्षकका साथै अभिभावकको पनि बाक्लो उपस्थिति रहेको थियो । उक्त कार्यक्रमको उप प्रदेश प्रमुख भुवन राज भट्ट र शाखा प्रमुख नैन बहादुर बिष्ट ले सहजीकरण गरेका थिए ।...