
धनगढी – बाजुरामा मिलको सापटमा चुन्नी बेरिएर एक बालिकाको मृत्यु भएको छ ।
बुढिगंगा नगरपालिका-८ देउलिसैनका लोकेन्द्र रावलकी ५ वर्षीया छोरी आचल रावलको आइतवार साँझ मृत्यु भएको हो ।
सोही ठाँउ स्थित भरत नेपालीले सञ्चालन गरेको मिलको पछाडीको सापटमा बालिकाकोे चुन्नी बेरीई टाउकोमा चोट लागेर उनको घटनास्थल मै मृत्यु भएको जिल्ला प्रहरी कार्यालय बाजुराले जनाएको छ ।
यस सम्बन्धमा जिल्ला प्रहरी कार्यालय बाजुराले आवश्यक अनुसन्धान गरिरहेको जनाइएको छ ।

