धनगढी – कैलालीको धनगढीमा मोटरसाइकल दुर्घटना हुँदा एक जनाको मृत्यु भएको छ ।
धनगढी उपमहानगरपालिका–१८ इ गाउँमा शनिबार राति मोटरसाइकल दुर्घटना हुँदा धनगढी उपमहानगरपालिका वडा नम्बर १२ जुगेडाका २८ वर्षीय पप्पुबहादुर कामीको मृत्यु भएको हो ।
जिल्ला प्रहरी कार्यालय कैलालीका प्रवक्ता कुलदिप चन्दका अनुसार चालक स्वयंले चलाएको से ५ प ४७७५ नम्बरको मोटरसाइकल शनिबार राति अनियन्त्रित भएर दुर्घटना भएको हो ।
दुर्घटनामा घाइते कामीलाई सेती प्रादेशिक अस्पतालमा भर्ना गरिएको थियो । टाउकोमा गम्भीर चोट लागेका कामीको उपचारकै क्रममा मृत्यु भएको प्रवक्ता चन्दले बताए ।
दुर्घटनाको विषयमा थप अनुसन्धान भइरहेको बताइएको छ ।
