काठमाडौं: नेपाल फर्मास्यूटिकल एसोसिएसनले फार्मेसी कलेज, औषधि उद्योग तथा फार्मेसीहरुमा हुने श्रम श्रोषण रोक्न सरोकारवालाहरुको ध्यानाकर्षण गराएको छ ।
आज एक विज्ञप्ति जारी गर्दै फर्मासिस्ट र सहायक फर्मासिस्टहरुमाथी हुने गरेको श्रम श्रोषण आपत्तिजनक रहेको उल्लेख गरेको छ ।
फार्मेसी कलेज, औषधि उद्योग तथा फार्मेसीहरूमा कार्यरत फार्मासिस्ट तथा सहायक फार्मासिस्टहरूको पारिश्रमिक समयमा नदिने, पाउनुपर्ने सेवा सुविधा नदिने, सेवा अवधि समाप्त भएको धेरै समयसम्म पनि बाँकी रकम भुक्तानी नगर्ने, परिषद् नाम दर्ता प्रमाणपत्र समेत फुकुवा नगरेका उजुरी एसोसिएसनमा परेको समेत विज्ञप्तिमा उल्लेख छ ।
एसोसियसनले यस्ता गतिविधि नरोकिए कडा आन्दोलनमा जाने चेतावनी समेत दिएको छ ।
