बझाङ : बझाङमा पनि २० औं निजामती सेवा दिवस मनाइएको छ । ‘व्यावसायिक र सिर्जनशील प्रशासनः विकास, समृद्धि र सुशासन’ भन्ने नाराका साथ जिल्लामा विभिन्न कार्यक्रम गरी आज निजामती सेवा दिवस मनाएको हो । जिल्ला प्रशासन कार्यालय बझाङको आयोजनामा प्रभातफेरीका साथै विभिन्न औपचारिक कार्यक्रम गरेर २० औं निजामती सेवा दिवस मनाइएको जिल्ला प्रशासन कार्यालय बझाङले जनाएको छ ।
दिवसको अवसरमा आज जिल्ला प्रशासन कार्यालयबाट चैनपुर बजारमा प्रभातफेरी कार्यक्रम, महिला कर्मचारीहरुको हन्डिफोर र जिल्लाब्यापी अन्तर कर्मचारी ब्याटमिन्टन प्रतियोगिता गरिएको छ । दिबसको अबसरमा कर्मचारी मिलन केन्द्र बझाङले सञ्चालन गरेको डबल ब्याटमिन्टन प्रतियोगिताबाट बिजेता टिमलाई पुरस्कार हस्तान्तरण सहित सम्मान गरिएकोे छ । ब्याटमिन्टन प्रतियोगितामा बिजेता टिमलाई प्रमुख जिल्ला अधिकारी नारायण पाण्डेद्वारा नगद पुरस्कार सहित प्रमाणपत्र हस्तान्तरण गरिएको हो ।
ब्याटमिन्टन प्रतियोगिताको उपाधी खानेपानी कार्यालयका सहायक इन्जिनियर हिक्मत सिह र पानकोट ब्यारेकका क्याप्टेन अनुप हमालले हात पार्नुभएको छ । त्यसैगरी द्धितृय हुनेमा जिल्ला स्वास्थय कार्यालयका नारायण जोशी र लक्ष्मण नाथ भएको आयोजक कमिटीले जनाएको छ। भाद्र १९ गते बाट संचालन भएको अन्तर कर्मचारी पुरुष डबल ब्याडमिन्टन प्रतियोगितामा १८ टिमले सहभागिता जनाएको थिए । बिजेता टिमलाई निजामती सेवा दिबसको अबसरमा प्रथम पुरस्कार नगद रु ८ हजार सहित सम्मान गरेको छ भने दृतिय स्थान हासिल गर्ने टिमलाई नगद रु ६ हजार पुरस्कारको ब्यबस्था गरेको कर्मचारी मिलन केन्द्रका सदस्य बिजय कुमार रजतले जानकारी दिनु भएको छ ।
आज जिल्लास्थित घरेलु तथा साना उद्योग कार्यलयले पहिलो सेवाग्राहिलाई सम्मान कार्यक्रम गरेको छ । यस्तै कर्मचारी मिलन केन्द्र बझाङको सयोगमा जिल्लास्थित जनजाती कल्याण आश्रम आमाको माया छात्रावासमा आश्रित बालबालिकाहरु लाई खाद्य सामाग्रि हस्तान्तरण थियो ।
कार्यक्रममा जिल्ला स्थित कार्यालयहरुका प्रमुख तथा कर्मचारीहरुको सहभागिता रहेको थियो । २०१३ साल भदौ २२ गते निजामती सेवा ऐन जारी भएको दिनको अवसर पारेर हरेक वर्ष भदौ २२ गतेलाई निजामती सेवा दिवसको रूपमा मनाउने गरिएको छ ।
