दार्चुला

धनगढी- दार्चुलामा मोटरसाइकल दुर्घटनामा परी घाइते भएका शिक्षकको उपचारका क्रममा ज्यान गएको छ । जिल्लाको शैल्यशिखर नगरपालिका- ७ देवथली घर भएका ३६ वर्षीय शिक्षक केशव राज जोशीको उपचारका क्रममा ज्यान गएको हो । शिक्षक जोशी मालिकार्जुन गाउँपालिका- ८ थकतोलीमा मोटरसाइकल दुर्घटना परि गम्भीर घाइते भएका थिए । गम्भीर घाइते जोशीको उपचारको क्रममा शनिबार (आज) विहान काठमाडौंको ट्रमा हस्पिटलमा ज्यान गएको पत्रकार गणेश धामीले जानकारी दिए । पत्रकार धामीले उनको उपचारको लागि आर्थिक सहयोग संकलन अभियान समेत सञ्चालन गरेका थिए । जोशीको खुट्टा र कम्मरमा चोट लागेको थियो भने मृगौलाले काम नगरेको अस्पताल स्रोतले जनाएको छ । शिक्षक जोशी हुनैनाथ माध्यमिक विद्यालय देवथलीका व्यवस्थापन समिति अध्यक्ष हुन् भने मालिकार्जुन आधारभूत विद्यालय पौनेखोलामा कार्यरत थिए ।...

धनगढी- दार्चुलाको अपिहिमाल गाउँपालिकाले एकीकृत घुम्ती शिविर सञ्चालन गर्ने भएको छ । गाउँपालिकाले यहीँ चैत्र ३ गतेबाट २५ गतेसम्म सम्म एकीकृत घुम्ती शिविर सञ्चालन गर्ने भएको हो । गाउँपालिकाबाट प्रवाह हुने सेवालाई सबै वडाका बस्तीहरुमा पुर्‍याउनका लागि शिविर सञ्चालन गर्न लागेको गाउँपालिका अध्यक्ष भक्त सिंह ठेकरे बोहराले जानकारी दिए । उनका अनुसार शिविरमा गाउँपालिकाबाट प्रवाह हुने कृषि तथा भेटेरिनरी सेवा, ज्येष्ठ नागरिक दिवा खाजा कार्यक्रम, पञ्चिकरण शाखाका सेवाहरु, अध्यक्ष ज्येष्ठ नागरिक सेवा, स्वास्थ्य जाँच, आयुर्वेदिक औषधी वितरण तथा चेकजाँच, पूर्वाधार सेवा कार्यक्रम र प्रधानमन्त्री स्वरोजगार कार्यक्रमको भुक्तानी लगायतका सेवा गाउँ टोलमै पुगेर प्रदान गरिनेछ । शिविर चैत्र ३ गतेदेखि चैत्र ६ गतेसम्म वडा नम्बर ३, चैत्र ७ गतेदेखि चैत्र १० गतेसम्म वडा नम्बर ६ , चैत्र ११ गतेदेखि चैत्र १४ गतेसम्म व...

धनगढी- दार्चुलामा जिप दुर्घटना हुँदा चालकको मृत्यु भएको छ। जिल्लाको महाकाली नगरपालिका–२ मैखोलीमा बुधबार जिप दुर्घटना हुँदा चालक महाकाली नगरपालिका–२ का २७ वर्षीय महेश भुलको उपचारका क्रममा मृत्युु भएको हो । जिपमा सवार सुशान्त भुल र सागर भुलको भने जिल्ला अस्पतालमा उपचार भइरहेको छ। नौगाड गाउँपालिकाको दल्लेकबाट सदरमुकाम खलङ्गातर्फ आइरहेको सुदूरपश्चिम प्रदेश–००१–ज–०००५ नम्बरको जिप बुधबार ४ः ३० बजे दुर्घटना भएको जिल्ला प्रहरी कार्यालयका प्रहरी निरक्षक छत्रबहादुर रावतले जानकारी दिए। जिप सडकबाट अन्दाजी ५० मिटर तल खसेको थियो। दुर्घटनाका कारणबारे अनुसन्धान भइरहेको प्रहरीले जनाएको छ।...

धनगढी- दार्चुलाका नेपाली सेनामा कार्यरत एक जनाले आफ्नै घरमा आगो लगाएका छन् । जिल्लाको महाकाली नगरपालिका वडा नम्बर ३ बाँजका नेपाली सेनामा कार्यरत २८ वर्षीय गौर सिंह महराले आफ्नै घरमा आगो लगाएका हुन् । महराले बिहिवार राती आफ्नै घरमा आगो लगाउँदा लाखौंको क्षति भएको जिल्ला प्रहरी कार्यालय दार्चुलाका प्रहरी निरीक्षक छत्र बहादुर रावतले जानकारी दिए । ढुङ्गा र काठले बनेको दुई तले, ६ कोठाको घर पूर्णरूपमा जलेर नष्ट भएको उनलेे बताए । उनले बिदामा घर आएको बेला आफ्नै घरमा  आगो लगाएका हुन् । हाल उनको मानसिक अवस्था ठिक नरहेको स्थानीयले बताए । आगलागीबाट गोठमा रहेका ११ पशुचौपाया मरेका छन् । २ वटा गाई, ३ बाच्छा, ३ बाख्रा, एउटा बोका र २ कुकुर गरि ११ पशुचौपाया मरेको जिल्ला प्रहरी कार्यालय दार्चुलाले जनाएको छ । तस्तै घरमा भएका लत्ताकपडा, अन्नपात लगायत सबै समान जलेर नष्ट भएको छ । उक्त  आगलागीबाट लाखौंको क्...