कर्णाली प्रदेश

कर्णाली राजमार्गअन्तर्गत दैलेखको चामुण्डाबिन्द्रासैनी नगरपालिका–७, साङ्गेतरामा कर्णाली नदीमा बेपत्ता भएकामध्ये थप दुई जनाको शव बिहीबार साँझ फेला परेको छ। यो सँगै दुर्घटनामा मृत्यु भई सनाखत हुनेको सङ्ख्या तीन पुगेको छ। जिल्ला प्रहरी कार्यालयका प्रमुख एवं प्रहरी नायब उपरीक्षक श्रवणकुमार विकका अनुसार आफन्तले घटनास्थलमा पुगेर शव बुझिसकेका छन्। पहिचान खुल्नेमा यसअघि भिरमा शव फेला परेका कालिकोट पचाल झरना गाउँपालिका–९ का जेखे तिरुवा, सोही ठाउँका बेपत्ता भनिएका मेखे तिरुवा र कालिकोटकै रास्कोट नगरपालिका–२ की १८ वर्षीया सुजना खड्का रहेका छन्। उनीहरूको ठेगाना र विवरण पहिचान भई आफन्तद्वारा सनाखत भइसकेको प्रहरी प्रमुख विकले जानकारी दिए। सवारी चालक सुर्खेत पञ्चपुरी नगरपालिका–८ का तुलाराम सुवेदी र उनका सहोदर भाइ (सहचालक) रामु सुवेदीसहित अन्य यात्रुको अवस्था भने अझै अज्ञात छ। बेपत्ता दुवै दाजु भाइक...

सुर्खेत- दशैंको अवसरमा चौकुने गाउँपालिकाका अनाथ बालबालिकालाई नयाँ लुगाकपडा र खसी प्रदान गरिएको छ। चौकुने गाउँपालिका–७ स्थित अनाथ बालगृहमा आश्रय लिइरहेका बालबालिकालाई गाउँपालिका अध्यक्ष खड्क विक (विवश) ले व्यक्तिगत पहलमा उपहार स्वरूप कपडा र खसी दिएका हुन्। अध्यक्ष विकले बालबालिकालाई पसलमै लगेर उनीहरूले मनपर्ने कपडा रोजेर किनिदिएका छन्। उनले यसअघि पनि प्रत्येक प्रमुख चाडपर्वमा अभिभावकविहीन बालबालिकालाई सहयोग गर्दै आएको जनाउँदै यस वर्ष पनि उनीहरूलाई हर्षोल्लासपूर्वक दशैं मनाउन सहयोग गरिएको बताए। “यी बालबालिका समाजकै अमूल्य सम्पत्ति हुन्। अभिभावकको अभावले उनीहरूलाई चाडपर्वमा वञ्चित हुन नदिनु हाम्रो साझा जिम्मेवारी हो,” अध्यक्ष विकले भने। त्यस्तै, अध्यक्ष विकले यसपटक दशैं पनि अनाथ बालबालिकासँगै मनाउने योजना रहेको बताए। स्थानीयवासीले विकको यस्तो पहलले समाजमा अभिभावकविहीन बालबालिकाप्रति ...

सुर्खेत- कर्णाली प्रदेश सरकारले लोपोन्मुख राउटे समुदायका लागि ‘राउटे कोरिडोर’ निर्माण गर्ने तयारी गरेको छ। बर्सौंदेखि घुमन्ते जीवन बिताउँदै आएका राउटे समुदायलाई अस्थायी आवास, शिक्षा, स्वास्थ्य, सुरक्षा लगायतका आधारभूत सुविधा उपलब्ध गराउने उद्देश्यले कोरिडोर निर्माण गर्न लागिएको हो। कर्णाली प्रदेश सामाजिक विकास मन्त्रालयका अनुसार चालु आर्थिक वर्षमा अछामको कालेकाँडा, दैलेख, जाजरकोट, सुर्खेत र सल्यान जिल्लाका नदी तथा खोलाका किनारलाई राउटे कोरिडोरका रूपमा विकास गरिनेछ। सामाजिक विकासमन्त्री घनश्याम भण्डारीले यी स्थानमा राउटे समुदाय बढी हिँडडुल गर्ने भएकाले त्यही क्षेत्रमा कोरिडोर बनाउन लागिएको बताए। मन्त्री भण्डारीका अनुसार पछिल्लो १० वर्षयता राउटे समुदाय यी जिल्लामा बढी बसाइँ सर्ने गरेका छन्। कोरिडोरमार्फत उनीहरूको सुरक्षा सुनिश्चित गर्ने, काठका सामग्रीको बजार व्यवस्थापन गर्ने, वृक्षरोपण...

सुर्खेत- तुइन हटाउने नीति लिएको कर्णाली प्रदेशले तथ्याङ्क सङ्कलन गरेको छ । तथ्याङ्कअनुसार १० जिल्लामा सङ्कलित तथ्याङ्कअनुसार ५० वटा तुइन रहेको प्रदेशको भौतिक पूर्वाधार तथा शहरी विकास मन्त्रालयका सिनियर डिभिजनल इन्जिनियर रमेश सुवेदीले जानकारी दिए। तुइन विस्थापित गर्दै झोलुङ्गे पुल निर्माण गर्ने योजना अनुरूप विवरण माग गरिएको थियो । प्रदेशका १० मध्ये सात वटा जिल्लामा रहेका तुइनको विवरण मन्त्रालयलाई प्राप्त भएको हो । पूर्वाधार विकास कार्यालयबाट माग गरिएको विवरण अनुसार ५० वटा तुइन भएको विवरण प्राप्त भएको मन्त्रालयका प्रवक्ता सुवेदीले बताए। सङ्कलन गरिएको विवरणअनुसार सबैभन्दा धेरै तुइन हुम्लामा छ। हुम्लामा १५ वटा तुइन रहेको विवरणमा उल्लेख छ । हुम्लामा कर्णाली नदीमाथि छ वटा तुइन रहेको जनाइएको छ। यसैगरी कालीकोटमा १२, जाजरकोटमा १२, दैलेखमा दुई, मुगुमा दुई, डोल्पामा तीन र सुर्खेतमा आठ वटा तु...

सुर्खेत- जाजरकोटको कुशे गाउँपालिका–३ तर्पेनामा टहरामा सुतिरहेका एकै परिवारका दिदीबहिनीको भिरबाट खसेको ढुंगा लागेर ज्यान गएको छ। मृत्यु हुनेमा नरबहादुर बुढाका छोरीहरू १८ वर्षीया शर्मिला बुढा र १४ वर्षीया चमेली बुढा रहेको कुशे–३ का वडाध्यक्ष वीरबहादुर बुढाले जानकारी दिए। भूकम्पपीडितका लागि निर्माण गरिएको अस्थायी टहरामा बाख्रा हेरचाह गर्दै सुतिरहेकै बेला सोमबार राति करिब ९ बजे अचानक माथिबाट ढुंगा खसेको थियो। ढुंगा लागेर घटनास्थलमै दुवै जनाको मृत्यु भएको वडाध्यक्ष बुढाले बताए। प्रहरी टोली घटनास्थलमा पुगेर आवश्यक अनुसन्धान गरिरहेको छ।...