भेरी नगरपालिकास्तरिय राष्ट्रपति रनिङ्ग शिल्ड तथा सातौँ मेयर कप खेलकुद प्रतियोगिता यही २०८२ साल माघ ७ देखि १० गतेसम्म भेरी त्रिवेणी माध्यमिक विद्यालय, रिम्ना मा आयोजना हुने भएको छ ।
प्रतियोगिता व्यवस्थापन तथा निर्देशन समिति को आज सम्पन्न बैठकले खेललाई व्यवस्थित, मर्यादित र उत्साहपूर्ण वातावरणमा सञ्चालन गर्ने निर्णय गरेको हो ।
बैठकपछि तत्कालीन नगरप्रमुख चन्द्रप्रकाश घर्तिले प्रतियोगितालाई नगरकै खेलकुद विकासको गौरवशाली अभियानको रूपमा अघि बढाइएको बताउनुभयो ।
नगरपालिकाले प्रतियोगिताको तयारीका लागि आवश्यक पूर्वाधार, व्यवस्थापन र समन्वय कार्यलाई तीव्र रूपमा अघि बढाउने जनाएको छ। खेलमा नगरभित्रका विद्यालयस्तरिय छात्र-छात्राले विभिन्न विधामा प्रतिस्पर्धा गर्नेछन् ।
स्थानीय अभिभावक, शिक्षक, खेलप्रेमी र युवाहरूले प्रतियोगिताको निर्णयलाई स्वागत गर्दै खेलले दुर्गम क्षेत्रका खेलाडीलाई प्रोत्साहन र प्रेरणा दिने विश्वास व्यक्त गरेका छन् ।
भेरी नगरपालिकाले सबै पक्षलाई सहकार्य र सहभागिताका लागि अपिल गर्दै प्रतियोगितालाई सफल बनाउन आह्वान गरेको छ ।
Advertisement
