Author: शिवजी मण्डेल

धनगढी- कैलालीको धनगढीमा बझाङी भाषा, संस्कृति तथा पर्यटन सम्बन्धी प्रथम सम्मेलन हुनेभएको छ। "भाषा, संस्कृति र पर्यटन हाम्रो पहिचान–संरक्षण र विकास हाम्रो अभियान" भन्ने नाराका साथ बझाङी भाषा, संस्कृति तथा पर्यटन सम्बन्धी प्रथम सम्मेल- २०८२ धनगढीमा हुने भएको हो । उक्त सम्मेलन सुर्मादेवी बझाङी समाज धनगढीको आयोजनामा, बझाङी समाज काठमाडौंको तत्त्वावधानमा तथा बझाङी समाज अत्तरिया र अन्य सरोकारवालाहरूको सहकार्य र समन्वयमा उक्त सम्मेलन कार्तिक १ गते सनिवार आयोजना गर्न लागिएको जनाइएको छ । सम्मेलनमा बझाङी समुदायको मौलिक भाषा, संस्कृति र पर्यटनका सम्भावना विषयमा कार्यपत्र प्रस्तुतिका साथै विविध सांस्कृतिक प्रस्तुति, नृत्य र झाँकी प्रदर्शन हुने बताइएको छ। आयोजक समितिका अनुसार, यस सम्मेलनले बझाङी समुदायको पहिचान, भाषा संरक्षण, सांस्कृतिक उत्थान र पर्यटन प्रवर्द्धनमा नयाँ आयाम थप्नेछ, भने बझाङी पहिचानला...

बझाङ- बझाङको दुर्गाथलि गाउँपालिकाका उपाध्यक्ष जनक बहादुर दौल्याल सहितको टोली सवार सरकारी स्कारपियो दुर्घटना भएको छ । जिल्लाको बागथला बुङ्गल सडक खण्ड अन्तर्गत केदारस्यूँ गाउँपालिका–४ रतागडा खोलामा सोमबार राति उपाध्यक्षसहितको टोली सवार सरकारी स्कारपियो जिप दुर्घटना भएको हो । बुङ्गल नगरपालिकाको झापा स्थित कन्या माध्यमिक विद्यालयमा आयोजित प्रथम भीम-सुवास बि.सि.एस् सुपरकप क्रिकेट प्रतियोगिता हरेर फर्किने क्रममा गाउँपालिकाको सु.प.प्र.०१–००१ झ ३७८ नम्बरको सरकारी स्कारपियो दुर्घटनामा परेको जिल्ला प्रहरी कार्यालय बझाङले जनाएको छ । पालिका गाडी चालक दुर्गाथलि-१ का कुबेर बिष्टले चलाएको स्कारपियो अनियन्त्रित भई सडकबाट करिब ५–६ मिटर तल खसेको जनाइएको छ । जिपमा चालकसहित ६ जना सवार रहेका थिए। उक्त गाडीमा उपाध्यक्ष दौल्याल, वडा नं ७ का वडाध्यक्ष सुरज बहादुर दौल्याल, जयपृथ्वी नगरपालिकाका- ९ का हंश ...

बझाङ- बझाङको बित्थडचिर गाउँपालिका–२ स्याँडीमा लाग्ने धार्मिक, सांस्कृतिक तथा ऐतिहासिक द्याची मेला सम्पन्न भएको छ। परम्परादेखि मनाइँदै आएको यो मेला यस वर्ष पनि भव्यताका साथ सम्पन्न भएको हो। ललिता गौराको उपमा दिइएको यस मेलामा विभिन्न गाउँबाट जात्रा आउने, भगवतीको विशेष पूजा–आराधना गर्ने, सबै देउताका धामी काप्ने तथा डेउडा, फाग, शिवलिंग चैत, धमारीलगायतका धार्मिक खेल प्रदर्शन गर्ने परम्परा रहिआएको छ। मेलाको मुख्य आकर्षण छलिया खेल, दाइनो नचाउने र धामी काप्ने मानिन्छ। मेलाका विशेष करिया बित्थडचिर गाउँपालिका–१, २, ३, ४ र ५ का स्थानीय मानिन्छन्। यस मेलामा विवाहित महिलाहरू व्रत बस्ने, दुबधालो लगाउनेजस्ता धार्मिक कार्य गर्ने परम्परा पनि छ। मेला भर्नका लागि बित्थडचिर गाउँपालिका, बुङ्गल नगरपालिका, केदारस्युँ गाउँपालिका साथै छिमेकी बैतडी, डडेल्धुरा र डोटी जिल्लाबाट समेत उल्लेखनीय संख्यामा भक्तजन सहभागी...

बझाङ- बझाङको थलारा गाउँपालिकाले दशैं विदाको अवधिमा कार्यालयका सवारी साधन प्रयोग नगर्न निर्देशन दिएको छ। गाउँपालिकाले आफ्नो आधिकारिक सामाजिक सञ्जाल फेसबुकमा एक सूचना जारी गर्दै यस्तो निर्देशन दिएको हो। पालिकाले जनप्रतिनिधि तथा कर्मचारीहरूले प्रयोग गर्दै आएका सबै सवारी साधन असोज १२ गतेभित्र अनिवार्य रूपमा स्टोरमा फिर्ता गर्नुपर्ने समेत भनेको छ । गाउँपालिकाले यस्तो कदम सार्वजनिक सवारी साधनको दुरुपयोग रोक्न, खर्च नियन्त्रण गर्न र सरोकारवाला निकायबीच पारदर्शिता कायम गर्नका लागि उठाएको जनाएको छ। स्थानीय सरकारका अनुसार दशैं जस्ता चाडपर्वमा कार्यालयका सवारी साधन व्यक्तिगत प्रयोजनमा प्रयोग हुने गुनासो पटक–पटक आइरहेकाले यसपटक कडाइ गरिएको हो। कार्यालयको सवारी साधन जनप्रतिनिधि वा कर्मचारीले व्यक्तिगत प्रयोजनमा प्रयोग गर्न नपाउने व्यवस्था रहेको छ। त्यसैले प्रयोगमा रहेका सबै सवारी असोज १२ गतेभित्र अनि...

बझाङ- बझाङको केदारस्यूँ गाउँपालिकाले आउँदै गरेको दसैं–तिहारलाई लक्षित गरी बजार अनुगमन गरेको छ । गाउँपालिका उपाध्यक्ष तथा अनुगमन समिति संयोजक मनिषा धामीको संयोजकत्वमा आज देउरा, झोता र बागथला बजार क्षेत्रमा अनुगमन गरिएको हो । दसैं तिहारका लागि उपभोक्ताले दैनिक उपभोग्य लगायतका सरसामान किन्नका लागि बजारमा भिडभाड हुने गरेको छ । यहीं मौका छोपेर व्यापारीहरूले गुणस्तर हिन् म्याद नाघेको सामान बिक्रीवितरण तथा चर्को मुल्य असुल्न सक्ने भन्दै पालिकाले अनुगमन गरेको उपाध्यक्ष मनिषा धामीले बताए । उनले उपभोक्ताको स्वास्थ्यलाई ध्यानमा राख्दै पालिकाका मुख्य र अन्य बजार क्षेत्रमा अनुगमन तथा जनचेतना फैलाएको समेत बताए । अनुगमनका क्रममा दैनिक उपभोग्य सामग्री तेल, नुन, चामल, दाल, मसला, ग्यास, तरकारी, फलफूललगायत वस्तुहरूको मूल्य, गुणस्तर र म्याद सम्बन्धी पक्षमा निरीक्षण गरिएको थियो । अनुगमन टोलीले बजारमा म्याद...

बझाङ- सदरमुकाम चैनपुर पछि ठूला व्यापारीक केन्द्र हुन् तमैल, झोता, देउरा, बागथला बजार । यी बजारहरूमा सरसामान किनमेल गर्ने मानिस तथा गाडीमा यात्रा गर्ने यात्रुहरूको भिडभाड हुने गरेको छ । तर विडम्बना केछ भने यी नै बजारहरूमा एउटा सार्वजनिक शौचालय समेत छैनन् । अहिले सिंगो देश नै खुल्ला दिसामुक्त घोषणा गरिसकिएको छ । मुख्य बजार क्षेत्रमा एउटा पनि सार्वजनिक शौचालय नहुँनु लज्जाको विषय बनेको छ । सार्वजनिक शौचालय स्वास्थ्य संरक्षण, पर्यावरणीय स्वच्छता, सामाजिक सभ्यता,लैङ्गिक समानता र पर्यटन प्रवर्द्धनका लागि अत्यावश्यक मानिन्छ । तर केदारस्यूँ गाउँपालिकाको मुटु समेत मानिने झोता र देउरा बजारमा सार्वजनिक शौचालय नहुँदा गाउँबाट बजार आएकाहरुलाई समस्या हुने गरेको छ । बजार क्षेत्रमा सार्वजनिक शौचालय नहुँदा गाउँबाट सरकारी कामकाज तथा किनमेल गर्न तथा सामान खरिद विक्रि गर्न आउनेहरुले शौंच गर्न खुल्ला स्थान वा क...

बझाङ- बझाङको खप्तडछान्ना गाउँपालिकाले पनि जेन-जी आन्दोलनमा ज्यान गुमाएका परिवारलाई आर्थिक सहयोग गर्नेभएको छ । भदौ २३ र २४ गतेको देशव्यापी रुपमा जेन-जी पुस्ताले गरेको आन्दोलनमा ज्यान गुमाएका बझाङका दुई जनाको परिवारलाई पालिकाले एक–एक लाख रुपैयाँ सहयोग गर्ने घोषणा गरेको हो। जेन-जी पुस्ताले राजनीतिक दलहरूको असफलता, नेतृत्वप्रति अविश्वास, भ्रष्टाचारका बिरुद्ध गरेको आन्दोलनमा ज्यान गुमाएका खप्तडछान्ना गाउँपालिकाका सुवास बोहरा र दुर्गाथलि गाउँपालिकाका भीम धामीको ज्यान गएको थियोे । पालिकाले देशव्यापी जेन-जी आन्दोलन नेपालको राजनितिक इतिहासमा एक युगान्तकारी परिवर्तनकारी विद्रोहका रूपमा स्थापित भएको बताउँदै पालिकाले मृतक बोहरा र धामीको परिवारलाई राहत स्वरुप उक्त रकम दिने निर्णय गरेको अध्यक्ष उत्तम बहादुर रोकायाले बताए । पालिकाले ऐतिहासिक आन्दोलनका क्रममा वीरगती प्राप्त गर्नु भएका सहिद प्रत...

बझाङ- बझाङको दुर्गाथलि गाउँपालिकाले जेन–जी आन्दोलनका क्रममा ज्यान गुमाएका परिवारलाई आर्थिक सहयोग गर्ने घोषणा गरेको छ । भदौ २३ र २४ गते जेन-जी पुस्ताले राजनीतिक दलहरूको असफलता, नेतृत्वप्रति अविश्वास, भ्रष्टाचारका बिरुद्ध गरेको आन्दोलनमा बझाङका दुई जनाले ज्यान गुमाएका थिए । उनीहरूको परिवारलाई पालिकाले एक–एक लाख रुपैयाँ सहयोग गर्ने घोषणा गरेको हो। गाउँपालिकाले आइतबार जारी विज्ञप्तिमा ऐतिहासिक आन्दोलनका क्रममा वीरगति प्राप्त शहीदप्रति हार्दिक श्रद्धाञ्जली अर्पण गर्दै शोकसन्तप्त परिवारप्रति समवेदना प्रकट गरेको छ। साथै आन्दोलनमा घाइते भएकाहरूको शीघ्र स्वास्थ्यलाभको शुभकामना पनि व्यक्त गरिएको छ। आन्दोलनका क्रममा ज्यान गुमाएका दुर्गाथलिका भीम धामी र खप्तडछान्नीका सुवास बोहराको उच्च बलिदानलाई स्मरण गर्दै गाउँपालिकाले उनीहरूको परिवारलाई राहतस्वरूप नगद एक–एक लाख रुपैयाँ उपलब्ध गराउने निर्णय गरेको ह...

बझाङ- बझाङमा सर्पको टोकाइबाट एक जना घाइते भएका छन् । केदारस्यूँ गाउँपालिका-९ झोताका अन्दाजी ५० वर्षीय प्रेम सार्की सर्पको टोकाइबाट घाइते भएका हुन् । गएराति घरमै सुतिरहेको समयमा सार्कीलाई सर्पले टोकेको स्थानीय तथा भैरव माध्यमिक विद्यालयका शिक्षक राजेन्द्र गिरीले जानकारी दिए । उनका अनुसार सार्कीलाई राति करिब तीन बजेको समयमा घरभित्र सुतिरहेको अवस्थामा सर्पले कानमा टोकेको थियोे । सर्पले टोकेलगत्तै उनलाई उपचारका लागि जिल्ला अस्पताल सिमखेत लिएको जनाइएको छ । जिल्लामा उपचार सम्भव नभएपछि अहिले उनलाई उपचारका लागि डडेल्धुरा रेफर गरिएको छ । स्थानीयले भने सर्पदंशको टोकाइबाट घाइतेको जिल्लामै उपचार नहुनु दु:खद पक्ष भएको बताए । जिल्ला अस्पतालले सर्पले टोकेर गम्भीर बनेका घाइते सार्कीलाई तत्काल आइसियु (ICU) कक्षामा राखेर उपचार गर्नुपर्ने देखिएको जनाएको छ । जिल्ला अस्पतालमा आइसियु सुविधा नहुँदा यहाँ आवश...