डोटी

डोटी- डोटीका प्रथम पत्रकार, वरिष्ठ साहित्यकार, मूर्तिकार तथा पूर्व शिक्षक धनबहादुर मल्लको निधन भएको छ। दिपायल सिलगढी नगरपालिका-६, सिलगढीस्थित आफ्नै निवासमा सोमबार बिहान करिब ५ः३० बजे ९० वर्षको उमेरमा उनको निधन भएको हो। उनका जेठा छोरा योगेश मल्लका अनुसार मल्लको एक्कासि निधन भएको हो। स्वर्गीय मल्ललाई डोटेली पत्रकारिताको पहिलो पुस्ताका पत्रकारका रूपमा चिनिन्छ। उनले वि.सं. २०१६ सालमा सगरमाथा संवादका लागि डोटी समाचारदाताको रूपमा पत्रकारिता सुरु गरेका थिए। त्यसपछि वि.सं. २०१८ सालदेखि सरकारी समाचार संस्था राष्ट्रिय समाचार समिति (रासस) का डोटी समाचारदाताका रूपमा लामो समय कार्यरत रहे। पत्रकारितासँगै साहित्य, नाटक, संगीत र मूर्तिकलामा पनि उनको महत्वपूर्ण योगदान रहेको छ। उनले जय दुर्गे, ध्रुव, सत्यदेव जयते, शैलेश्वरी महात्म्य, भरत मिलाप, अदृश्य हात, भविष्य बोल्छ वर्तमान, आमाको मन, भलाई, आमा, मिलाप...

डोटी - डोटीको दिपायल सिलगढी नगरपालिकामा जिप चालकहरूले आइतबारदेखि जिप सेवा बन्द गरेका छन्। नगरपालिकाले नगर बसलाई मनोमानी रूपमा दिपायल- सिलगढी रुटमा मात्र सञ्चालन गरेको भन्दै आफूहरू मर्कामा परेको जिप चालकहरूको गुनासो छ। जिप चालक गोबिन्द मलासीका अनुसार नगर बसले नगरभित्रका अन्य क्षेत्रमा सेवा नदिँदा यात्रु ओसारपसारमा असन्तुलन आएको र त्यसको प्रत्यक्ष असर जिप व्यवसायमा परेको छ। चालकहरूले नगर बसलाई तिखा, राजपुर, कलेना, शान्तिनगर र लडागडासम्म सञ्चालन गर्न माग गरेका छन्। यता, शैलेश्वरी यातायात व्यवसायी संघका अध्यक्ष गणेश मलासीले जिप चालकहरूको समस्या समाधानका लागि नगरपालिकासँग समन्वय गर्ने बताएका छन्। उनले जिप चालक पक्षमा पनि केही कमजोरी रहेको स्वीकार गर्दै सुधार आवश्यक रहेको उल्लेख गरे। माग सम्बोधन नभएसम्म आन्दोलन जारी रहने चेतावनीसहित जिप चालकहरूले आज जिप सेवा पूर्ण रूपमा बन्द गराएका छन्।...

डोटीमा खाना खाने क्रममा घाँटीमा मासुको चोक्टा अड्किँदा एक जनाको मृत्यु भएको छ। जिल्लाको आदर्श गाउँपालिका- ७ दहकालिकाका करिब ५० वर्षीय काले नेपालीको ज्यान गएको हो। जिल्ला प्रहरी कार्यालय डोटीका अनुसार बिहीबार राति करिब ८ बजे खाना खाने क्रममा उनको घाँटीमा मासुको टुक्रा अड्किएपछि उनी बेहोस भएका थिए। बेहोस अवस्थामा रहेका उनलाई उपचारका लागि राति करिब साढे ११ बजे राजपुरस्थित सुजङ्ग अस्पताल पुर्‍याइएको थियो। तर, अस्पतालमा जाँच गर्ने क्रममा चिकित्सकले उनलाई मृत घोषणा गरेका थिए। घटनाबारे थप अनुसन्धान भइरहेको प्रहरीले जनाएको छ।...

डोटी- डोटीमा बोलेरो जीप दुर्घटना हुँदा दुई जनाको मृत्यु भएको छ। जिल्लाको आदर्श गाउँपालिका–६ रौसेल्लामा सोमबार राति भएको दुर्घटनामा आदर्श गाउँपालिका–३ काँडीस्याउलेका करिब २२ वर्षीय सुबोध रोकाया र १९ वर्षीय कैलाश बिकको घटनास्थलमै मृत्यु भएको जिल्ला प्रहरी कार्यालय डोटीले जनाएको छ। दुर्घटनामा परेका जीप चालक समेत रहेका सुबोध रोकायाको घटनास्थलमै ज्यान गएको हो। प्रहरीका अनुसार गिरिचौकाबाट काँडीस्याउलेतर्फ जाँदै गरेको सुदूरपश्चिम प्रदेश ०१–००१ च ३९२३ नम्बरको बोलेरो जीप घुम्तीमा अनियन्त्रित भई सडकबाट करिब ९ सय मिटर तल सायली गाडमा खसेको थियो। दुर्घटना राति करिब साढे १२ बजे भएको हो।...

डोटी- डोटी एक प्रहरी जवान मृत फेला परेका छन्। शुक्रवार मध्यरात शिखर नगरपालिका–८ तिलताली घर भई नेपाल प्रहरीमा कार्यरत शङ्कर बलायर मृत अवस्थामा फेला परेको जिल्ला प्रहरी कार्यालय डोटीले जनाएको छ। केआई सिंह राजमार्गअन्तर्गत गोपघाट भन्ने स्थानमा एक जना व्यक्तिलाई लडेको अवस्थामा देखिएको भन्ने जानकारी मध्यरात १२:१५ बजे प्रहरीलाई आएपछि प्रहरी टोली पुगेको थियो। घटनास्थलमा पुगेका प्रहरीले बलायरलाई मृत अवस्थामा फेला पारेको र उनको टाउकोमा गम्भीर चोट लागेको बताएको छ। घटनाबारे थप अनुसन्धान भइरहेको जिल्ला प्रहरी कार्यालय डोटीले जानकारी दिएको छ। बलायर नेपाल प्रहरीको राजमार्ग सुरक्षा तथा ट्राफिक व्यवस्थापन कार्यालय पथलैया, बारामा दरबन्दी भई हाल जिल्ला ट्राफिक प्रहरी कार्यालय रौतहटमा कार्यरत थिए। उनी असोज ७ गतेदेखि लागु हुने गरी १८ दिनको बिदामा घर आएका थिए।...

डोटी- डोटीका किसान किबीखेतीमार्फत आम्दानी गर्ने उद्देश्यले सुरु गरिएको खेतीबाट फल नलागेपछि चिन्तित भएका छन्। करिब चार वर्ष लगानी गरेपछि उत्पादन हुने अपेक्षा गरेका किसानहरू अहिले निराश भएका हुन्। बडिकेदार गाउँपालिका–४ रनुकाँडाका लक्ष्मण ताडीले पाँच रोपनी क्षेत्रमा किबीखेती सुरु गरेका थिए। तर फल नलागेपछि मेहनत र लगानी दुवै खेर जाने अवस्थामा पुगेको उनको गुनासो छ। उनले उदयसिंह कृषि तथा बहुउद्देश्यीय फार्ममार्फत किबीसँगै अन्य तरकारी खेती पनि गरिरहेका छन्। उनका अनुसार चार वर्ष लगातार लगानी गर्दा पनि किबी बोटहरूले फल दिन नसक्नु ठूलो समस्या बनिरहेको छ। कृषि ज्ञान केन्द्र डोटीका प्रमुख गङ्गादत्त अवस्थीका अनुसार किबीमा भाले र पोथी बोट छुट्टै हुने भएकाले कम्तीमा पाँच बोटमा एक भालेबोट अनिवार्य हुन्छ। धेरै किसानले भालेबोट रोप्न छुटाएकोले फल नलाग्ने समस्या देखिएको हो। उनले यस्तो समस्याको समाधान...

डोटी- उच्च अदालत दिपायलले आर्थिक वर्ष २०८१/८२ मा जम्मा ८२६ थान मुद्दामध्ये ६५९ मुद्दा फर्छ्यौट गरेको छ। अदालतका रजिस्ट्रार तारदत्त वडुका अनुसार सो अवधिमा दर्ता भएका ७२७ मुद्दा र अघिल्लो वर्षबाट सरेका ९९ मुद्दा गरी कुल ८२६ मुद्दा रहेका थिए। तीमध्ये १६७ मुद्दा हालसम्म विचाराधीन रहेका छन्। रजिस्ट्रार वडुका अनुसार अघिल्लो आर्थिक वर्ष ०८०/८१ मा अदालतले ९०.४४ प्रतिशत मुद्दा फर्छ्यौट गर्दै १० वर्षकै उत्कृष्ट कार्यसम्पादन गरेको थियो। तर, गत वर्ष न्यायाधीशको दरबन्दीअनुसार पदपूर्ति नहुँदा एउटै इजलासले मात्र काम गर्नुपरेकोले कार्यसम्पादनमा कमी आएको हो। उच्च अदालतका न्यायाधीश डण्डपाणि शर्माका अनुसार न्यायाधीश अभावका कारण मुद्दा फर्छ्यौटका दर घट्दै ७९.७९ प्रतिशतमा सीमित भएको छ।...