अन्तर्राष्ट्रिय

काठमाडौं- अमेरिकी राष्ट्रपति डोनाल्ड ट्रम्पले इरानमाथि पुनः कडा आर्थिक प्रतिबन्ध लगाउने चेतावनी दिएका छन्। दुई देशबीच पाँच महिनाभन्दा लामो समयदेखि जारी द्वन्द्व अन्त्य गर्ने उद्देश्यले भइरहेका वार्तामा गतिरोध देखिएपछि ट्रम्पले इरानले सम्झौतामा पुग्ने अवसर गुमाएको आरोप लगाएका हुन्। बुधबार ट्रुथ सोसलमार्फत ट्रम्पले इरानविरुद्ध अहिलेसम्मकै कठोर आर्थिक कारबाही गर्ने चेतावनी दिएका छन्। उनले इरानले सम्झौताको अवसर उपयोग गर्न असफल भएको भन्दै अब उसले कठोर आर्थिक दबाब र अन्तर्राष्ट्रिय एक्लोपन सामना गर्नुपर्ने बताएका छन्। ट्रम्पले इरानसँग व्यापार वा व्यावसायिक कारोबार गर्ने जुनसुकै देशमाथि पनि प्रतिबन्ध लगाउने चेतावनी दिएका छन्। इरानलाई वित्तीय संस्था, व्यवसाय, विमानस्थल वा सरकारी निकायमार्फत कुनै पनि प्रकारको सहयोग उपलब्ध गराउने देशले ठूलो आर्थिक परिणाम भोग्नुपर्ने उनको भनाइ छ। उनले इरा...

काठमाडौं- अमेरिकाले इरानमाथि पुनः आक्रमण गरे खाडी क्षेत्रका अन्य देशका ऊर्जा संरचनामाथि पनि जवाफी हमला गर्ने इरानले चेतावनी दिएको छ। इरानी विदेशमन्त्री अब्बास अराघचीले शनिबार टर्की, पाकिस्तान र साउदी अरेबियाका उच्च अधिकारीहरूसँग छुट्टाछुट्टै टेलिफोन वार्ता गर्दै अमेरिकाले कुनै पनि सैन्य कदम चाले त्यसको निर्णायक जवाफ दिइने बताएका हुन्। अराघचीले पाकिस्तानका सेनाप्रमुख फिल्ड मार्शल आसिम मुनिर र टर्कीका विदेशमन्त्री हाकान फिदानसँगको वार्तामा अमेरिकाले थप आक्रमण गरे त्यसले क्षेत्रीय अस्थिरता बढाउने चेतावनी दिएका छन्। उनले कुनै पनि ‘आक्रामक गतिविधि’को इरानले कडा प्रतिकार गर्ने बताएका छन्। त्यसपछि साउदी विदेशमन्त्री प्रिन्स फैसल बिन फरहानसँगको वार्तामा पनि अराघचीले अमेरिका वा इजरायलले आक्रमण गरे वा त्यसमा क्षेत्रीय मुलुकले साथ दिए इरानले अनुपातिक जवाफ दिने बताएका छन्। यसैबीच, इरानको स...

भारतको असाममा मनसुनी बाढीपहिरोका कारण ज्यान गुमाउनेको संख्या ८० पुगेको छ। भारतीय सञ्चारमाध्यमका अनुसार गएको आइतबारयता बाढी र पहिरोमा परी मृत्यु हुनेको संख्या ८० पुगेको हो। अत्यधिक मनसुनी वर्षाका कारण ब्रह्मपुत्र नदीमा आएको बाढीले असामका सात जिल्ला प्रभावित भएका छन्। बाढीबाट झण्डै ३ लाख मानिस प्रभावित भएको प्रारम्भिक अनुमान गरिएको छ। चराइदेव जिल्ला सबैभन्दा बढी प्रभावित भएको छ, जहाँ १ लाख ३७ हजारभन्दा बढी मानिस प्रभावित भएका छन्। यस्तै, शिवसागरमा ८४ हजार र जोर्हाटमा ४९ हजारभन्दा बढी मानिस प्रभावित भएका छन्। यसैबीच, भारतको मौसम विज्ञान विभागले आज पनि असामसहित छिमेकी राज्य अरुणाचल प्रदेश र नागाल्यान्डका केही क्षेत्रमा भारी वर्षा हुन सक्ने पूर्वानुमान गरेको छ।...

काठमाडौं- मेक्सिकोमा शक्तिशाली भूकम्प गएको छ। देशको दक्षिणी प्रशान्त महासागरीय किनार र ग्वाटेमालाको सीमा क्षेत्रमा गएराति ७.३ म्याग्निच्युडको शक्तिशाली भूकम्प गएको अन्तर्राष्ट्रिय सञ्चार माध्यमहरूले जनाएका छन्। भूकम्पको धक्का मेक्सिको सिटीदेखि अल साल्भाडोरसम्म महसुस गरिएको थियो। शक्तिशाली धक्काका बाबजुद कुनैपनि देशमा ठूलो क्षति वा मानवीय क्षतिको विवरण प्राप्त नभएको बीबीसीले जनाएको छ, यद्यपि दक्षिणी मेक्सिकोमा दुई जना घाइते भएको समाचारमा उल्लेख छ। अमेरिकी भूगर्भ सर्वेक्षण (यूएसजीएस)का अनुसार स्थानीय समय अनुसार शुक्रबार बिहान ०८ः४९ बजे गएको भूकम्पको केन्द्रविन्दु चियापासको तटीय क्षेत्र नजिकै रहेको अकिलेस सेर्डानभन्दा ४८ किलोमिटर दक्षिण–पश्चिममा र जमिनको सतहबाट १५.२ किलोमिटर गहिराइमा रहेको थियो। मुख्य भूकम्प जानुअघि समुद्रमा अलि टाढा केन्द्रविन्दु भएको सानो धक्का महसुस गरिएको थियो भने म...

काठमाण्डौ- फिफा विश्वकप फुटबलको सेमिफाइनल समीकरण पूरा भएको छ । फिफा वरीयतामा शीर्ष चारका टोली फ्रान्स, अर्जेन्टिना, स्पेन र इंग्ल्याण्ड नै सेमिफाइनलमा पुगेका हुन् । आज बिहान सकिएका दुई क्वाटरफाइनल खेलपछि सेमिफाइनल खेल्ने चारै टोलीको टुङ्गो लागेको हो । इंग्ल्यान्डले नर्वे र अर्जेन्टिनाले स्विट्जरल्यान्डलाई हराएसँगै सेमिफाइनल समीकरण पूरा भएको हो । अब फाइनलमा पुग्न साबिक विजेता अर्जेन्टिनाले इंग्ल्यान्डसँग खेल्दा अर्को खेल फ्रान्स र स्पेनबीच खेल हुनेछ । अर्जेन्टिना ३ पटकको विश्व विजेता हो भने फ्रान्सले २ तथा इंग्ल्यान्ड र स्पेनले १/१ पटक उपाधि जितेका छन् । पहिलो सेमिफाइनल खेल फ्रान्स र स्पेनबीच असार ३० गते मंगलबार मध्यराति पौने १ बजे हुनेछ । त्यस्तै इंग्ल्यान्ड र अर्जेन्टिनाको खेल असार ३१ गते बुधबार मध्यराति पौने १ बजे हुनेछ । विश्वकपको फाइनल खेल साउन ३ गते आइतबार राति पौने १ बजे अमे...

अस्ट्रेलियाको न्यू साउथ वेल्स राज्य अन्तर्गत एजवर्थमा नेपाली स्वादका परिकार उपलब्ध गराउने ‘लेकाली स्ट्रीट फुड’ रेस्टुरेन्ट सञ्चालनमा आएको छ। शनिबार आयोजित कार्यक्रमबीच रेस्टुरेन्टको उद्घाटन गरिएको हो। उक्त रेस्टुरेन्टमार्फत नेपाली मौलिक स्वादका परिकारहरू प्रवद्र्धन गर्ने उद्देश्य राखिएको सञ्चालकले बताएका छन्। यहाँ विशेषगरी ताजा मोमो, सबै शुद्ध नेपाली परिकार तथा हिमाली स्वादका परिकारहरू ग्राहकलाई उपलब्ध गराइने जनाइएको छ। शनिबार दिउँसो १ बजे आयोजित उद्घाटन कार्यक्रममा स्थानीय बासिन्दा तथा नेपाली समुदायका सदस्यहरूको सहभागिता रहेको थियो। आयोजकले नेपाली स्वाद र संस्कृतिको झल्को दिने परिकारहरूको अनुभव लिन सबैलाई आमन्त्रण गरेका छन्। रेस्टुरेन्ट एजवर्थस्थित Unit 2/13 Arnott Street मा सञ्चालनमा आएको हो। रेस्टुरेन्ट सम्बन्धी थप जानकारीका लागि 0449910977 नम्बरमा सम्पर्क गर्न सकिने बताइएको छ। यसको...