व्यक्ति र समाजको सम्बन्ध जटिल छ तर सामान्य तया व्यक्तिले समाज बनाउँछ र समाजले व्यक्तिलाई बनाउँछ। दुवै एक अर्खा सँग अन्तरनिर्भर छन्।
समाजले व्यक्तिलाई बनाउँछ,
व्यक्ति जन्मँदा खाली मन जस्तो हुन्छ l परिवार, विद्यालय, समुदाय, संस्कृति, धर्म, परम्परा आदिले उसलाई आकार दिन्छन्। भाषाशैली, आचरण, सोच्ने तरिका समाजकै प्रभावमा निर्धारण हुन्छ। जस्तै
बच्चा समाजमा बसेर नै बोल्न, हिँड्न र राम्रो नराम्रो छुट्याउन सक्छ। समाजको चलन अनुसार मानिसको व्यवहार परिवर्तन पनि हुन सक्छ जस्तोकी ग्रामीण समाजमा हुर्किएको व्यक्ति र सहरी समाजमा हुर्किएको व्यक्तिको सोचाई फरक हुन सक्छ।
व्यक्तिले समाज बनाउँछ,
समाज विभिन्न व्यक्तिहरूको समूह बाट बनेको हुन्छ। जब व्यक्तिले आ- आफ्नो योगदान दिन्छन् तब समाजको संरचना, नियम र संस्कृति विकास हुन्छ।
जस्तै हामी बनाउँछौ हाम्रो धनगढी “सफा धनगढी हरियो धनगढी” अभियानका साथ धनगढी उप- महानगपालिका प्रमुख गोपाल हमालले चुनाव जिते लगत्तै सहरको सुन्दरतामा धेरै परिवर्तन ल्याए।
विद्वान्, वैज्ञानिक, राजनीतिज्ञ,कलाकार, लेखक आदि समाज सुधारकहरुले समाजलाई नयाँ दिशा दिन्छन् ।
नयाँ पुस्ताले प्रविधि र विचार मार्फत समाजमा नयाँ संस्कृति स्थापित गर्न सक्छ।
समाज व्यक्तिलाई निर्माण गर्छ तर जब व्यक्तिहरू मिलेर समाजको सोच बदल्छन् समाज पनि परिवर्तन हुन्छ।
समाजमा विद्यमान परम्परा, संस्कृति तथा नियमहरू व्यक्तिहरूको सोचाई अनुसार समय क्रममा परिवर्तन हुँदै जान्छ।
व्यक्ति र समाज परस्पर निर्भर छन्। समाजले व्यक्तिलाई प्रभाव पार्छ तर व्यक्तिले पनि समाजलाई रूपान्तरण गर्छ। समाजले व्यक्तिलाई सिकाउँछ तर व्यक्तिहरूको प्रयासले नै समाजलाई नयाँ दिशामा लैजान्छ।
– विशाल राना
जयपृथ्वी नगरपालिका-७ सुवेडा बझाङ ।
