बझाङ- बझाङमा रातिकाे समयमा सवारी साधन आवागमन बन्द गरिएकाे छ । अविरल वर्षा र सम्भावित विपद्को जोखिमलाई मध्यनजर गर्दै जिल्ला प्रशासन कार्यालय बझाङले आज साँझ ७:०० बजेदेखि भोलि बिहान ७:०० बजेसम्म जिल्लाभित्र सञ्चालन हुने तथा जिल्लाबाट बाहिरिने सबै प्रकारका सवारी साधनको आवागमन बन्द गरिएकाे हाे ।
प्रमुख जिल्ला अधिकारी मुकेश कुमार केशरीद्वारा जारी सूचनाअनुसार देशका विभिन्न स्थानसहित बझाङमा पनि निरन्तर भारी वर्षा भइरहेको र वर्षा अझै बढ्ने पूर्वानुमान रहेकाले रातिको समयमा सवारी सञ्चालन गर्दा दुर्घटना तथा अन्य विपद्को जोखिम बढ्न सक्ने भएकाले सवारी साधन आवागमन बन्द गर्ने निर्णय गरेकाे जनाएकाे छ ।
प्रशासनले यस अवधिमा यात्रुहरूलाई पर्न गएको असुविधाप्रति क्षमायाचना गर्दै सम्भावित विपद्बाट सुरक्षित रहन आवश्यक सतर्कता अपनाउन सबैमा आग्रह गरेको छ।
आपतकालीन सहयोगका लागि नेपाल प्रहरी १००, सशस्त्र प्रहरी बल ११४ तथा जिल्ला आपतकालीन कार्य सञ्चालन केन्द्र १२३४ मा सम्पर्क गर्न प्रशासनले अनुरोध गरेको छ।
Advertisement
