अछाम- नेकपा एमाले रामारोशन गाउँपालिका-६ नम्बर वडा कमिटीको बैठक सम्पन्न भएको छ ।
फागुन २१ मा प्रतिनिधि सभा सदस्य निर्वाचन लक्ष्यित वडा कमिटीको बैठक भटाकाटियाँमा बुधबार सम्पन्न भएको छ ।
अछाम क्षेत्र नं-१ का एमाले उम्मेदवार दिपक साउँदलाई बहुमतले बिजय गराउ छलफल तथा जिम्मेवारी बाँडफाँड गर्न बैठकको आयोजना गरिएको जनाइएको छ ।
बैठकमा नजिकिँदै गरेको निर्वाचनमा पार्टीलाई कसरी मजबुत बनाउने, मतदाता भेटघाट, प्रचारप्रसार र परिचालनलाई कसरी प्रभावकारी बनाउने भन्ने विषयमा छलफल गरिएको थियो ।
बैठकले वडा कमिटी अध्यक्ष सुर्य साउँदको संयोजकत्वमा वडा स्तरीय २०१ सदस्यीय निर्वाचन परिचालन समिति गठन गरिएको छ । त्यस्तै लक्ष्मण साउँदको संयोजकत्वमा नेशनल भोलेन्टियर फोर्स समिति गठन गरिएको छ ।
गठित समितिले उम्मेदवार दिपक लाई बिजय गराउन मतदाता संरक्षण,प्रचारप्रसार लगायतका कार्य गर्नेछन् ।
बैठकमा वक्ताहरूले दिपक युवा सक्षम विकासवादी उम्मेदवार भएको बताएका थिए । जिल्लाबाट अहिलेसम्म धेरै नेता बिजय गराएर पठाएपनि जनअपेक्षित कार्य नगरेको गुनासो गरे । अब पुरानै नेतालाई बिजय गराए फेरि उस्तै अवस्था सृजना हुने भएकोले अहिलेको आवश्यकता र विकल्प दिपक रहेको धारणा राखेका थिए ।
वडा कमिटी अध्यक्ष सुर्य बहादुर साउँदको अध्यक्षतामा भएको कार्यक्रममा प्रमुख अतिथि एमाले सुदूरपश्चिम अध्यक्ष कृष्णप्रसाद जैसी रहनु भएको थियोे ।
विशिष्ट अतिथि अछाम क्षेत्र नं. १ का उम्मेदवार दिपक बहादुर साउँद रहनु भएको थियो । अतिथि प्रदेश कमिटी सदस्य रामारोशन पालिका इन्चार्ज चक्र रावल , जिल्ला उपाध्यक्ष तिकल कुँवर , युवा नेता गोविन्द साउँद , महादिवेशन प्रतिनिधि परिषद सदस्य डिबि साउँद, जिल्ला कमिटी सदस्य, वडा कमिटी पदाधिकारी नेता कार्यकर्ताहरूको बाक्लो उपस्थिति रहेको थियोे
