अछामको रामारोशन- ५ मा एमाले वडा कमिटी बैठक सम्पन्न, दिपक साउँदलाई जिताउने रणनीति तय

अछाम- नेकपा एमाले रामारोशन गाउँपालिका वडा नं. ५ को वडा कमिटीको बैठक मंगलबार सम्पन्न भएको छ ।
फागुन २१ गते हुने प्रतिनिधि सभा निर्वाचनमा अछाम क्षेत्र नं. १ का एमाले उम्मेदवार दिपक बहादुर साउँदलाई बहुमतले विजयी गराउने उदेश्यले बैठक आयोजना गरिएको हो ।
बैठकमा नजिकिँदै गरेको निर्वाचनमा पार्टीलाई कसरी मजबुत बनाउने, मतदाता भेटघाट, प्रचारप्रसार र परिचालनलाई कसरी प्रभावकारी बनाउने भन्ने विषयमा छलफल गरिएको थियो ।
वडा कमिटी अध्यक्ष शेरबहादुर साउँदका अनुसार बैठकले एक हप्ताभित्र वडा स्तरीय निर्वाचन परिचालन समिति, प्रचारप्रसार समिति तथा नेशनल भोलेन्टियर फोर्स गठन गर्ने निर्णय गरेको छ ।
वडा कमिटी अध्यक्ष साउँदको अध्यक्षतामा सम्पन्न बैठकमा नेकपा एमाले सुदूरपश्चिम प्रदेश अध्यक्ष कृष्णप्रसाद जैसी प्रमुख अतिथि रहनु भएको थियो भने अछाम क्षेत्र नं. १ का उम्मेदवार दिपक बहादुर साउँद विशिष्ट अतिथि रहनु भएको थियो ।
बैठकमा जिल्ला सचिव हिरेन्द्र भट्टराई, युवा नेता गोविन्द साउँद, महाधिवेशन प्रतिनिधि परिषद सदस्य डिबी साउँद, जिल्ला कमिटी सदस्य, गाउँ कमिटी अध्यक्ष भीष्म साउँद वडा कमिटी पदाधिकारी तथा नेता-कार्यकर्ताहरूको बाक्लो उपस्थिति रहेको थियो ।